بسبب اختفاء الصور فيه
ولان هالموضوع مهم للبعض منا حبيت اعيده وتستاهلون المجهود الثاني فيه :26:
وراح اعيده لكم لكن مع ظهور الصور ان شاء الله
=====================
في كثير بنات تسال عن شغلات مهمه في الطبخ
وخاصتا المبتدئات يسالون عنها
وانا اهني جمعت لكم مصطلحات منوعه لان كثير من البنات يسال عنها
والسموحه من البنات اللي ماخذه بعض الصور من مواضيعهم او تصويرهم الخاص
وفي بعض الصور من تصويري
وفي بعض الصور من مواقع مختلفه
وخلونا نبتدي
الطحين :
هذى الصوره من ام طلال الله يجزاها كل خير
ونبتدي في الطحين الكيس الازرق هوم بريد : وهو دقيق مخمر .. يعني فيه بيكن باودر وماله داعي نضيفه عليه
الكيس الثاني هو الطحين الفاخر الكويتي : وهذا يصلح للكيك ولعجينة العشر دقائق
الطحين الكامل : وهو صحي لان قشرة الطحين غير منزوعه عنه
الطحين الاسمر : وهو معروف وممكن نعمل منه بعض الفطاير او الخبز وغيره
وهناك الطحين الابيض : هو نفس كيس الطحين الفاخر بس مكتوب عليه طحين ابيض : انا استعمله للخبز واللقيمات لانه يكون قاسي اشوي
الخميره :
افضل انواع الخميره وسريعة الذوبات يكون هذا شكلها
وهي متوفره بكثره على احجام مختلفه
بالصيف احفظيها بالثلاجه
وفي الشتا او الجو البارد احفظيها بالخزانه .... ولو تحطينها في علبه يكون افضل من كيسها
ولا تنسين تكتبين على العلبه تاريخ الانتاج والانتهاء لها ... لان انا دايم اسوي هالشي ان احتفظة بالشي في علب :)
البيكن باورد :
وهذى صورته .. وفي منه باشكال اخرى يعني شكرات اخرى لكن هذا اشهرها... ويستعمل للكيك وبعض المعجنات وبعض الاطباق
بيكربونات الصوديوم :
ويستعمل في بعض الحلويات او المعجنات حسب الوصفه وهو من مشتقات الخمائر
ونتابع
كريمة الخفق او قشطة الخفق او الكريمه السائله كلها مسميات واحده
هذى الكريمه الحمراء نسميها بهذا الاسم لان علبتها كانت حمراء ولكن تغيرت علبتها وصارت بهذا الشكل .... وهي كريمه كويتيه وتصلح للحلويات والموالح لان مافيها سكر ....
وطريقتها في كريمة الحلويات كالتالي : نضع الكريمه في وعاء عميق ونضع عليه فنجانين قهوه سكر بودر ... ونحرك ببطي حتى يتجانس وبعدها نخلي السرعه عاليه حتى تثخن معانا ونضعها بالثلاجه لوقت الاستعمال
كريمة لاكتوفيل :
وهي كريمه نباتيه مشهوره ومعروفه وفيها سكر يعني تخفق على طول وتقدم للتزيين ....
وهناك كريمة المراعي وهي مشهوره وتصلح للحلويات والموالح
الدريم ويب : وهي مشهوره جدا ومعروفه ... وهي على شكل بودر يضاف لها الحليب البارد وتخفق ... وطبها هي حلوه يعني فيها سكر ... وتستعمل لتزيين الحلويات
ونتابع