فتووووون
@ftooooon_1
ايه افتخر لقالوا الناس عانس/وافرح اذا ماجزت للخاطب ظلال/اضحك وانا اسمع سيرتي ف المجالس/واعرف عيون الناس ماترحم الحال/حالي مثل منهو على الباب حارس/يحفظ كنوز ماتقدر بالاموال/صعبه يجي انسان ماهو بفارس/ياخذ بنيه ينضرب فيها الامثال/ولايجي طايش وجاهل مدارس/اكبر طموحه خط بيجر وجوال/صدره من امراض الدخاخين تارس/زود على التنباك منحط الامال/النفس في خشمه ودايم يعامس/يقول انا لي شارب والبس عقال/خبرني كيف احيا مع انسان لاقس/وشلون اجاري لعبة انسان دجال/ايه افتخر لي قالوا الناس عانس/مادام ماهو من تقدم برجال