ميرو-٩٨
@myro_98
التعليقات ميرو-٩٨
صراحه ما بيدي إلا إني أدعي لكم من كل قلبي ، الله يجزاكم بالجنه يارب ويفرحكم بكل عزيز على قلبكم
ردًا على ميرو-٩٨
السلام عليكم ورحمة الله وبركاته حبيباتي كل عام وانتم بخير وربي يجعل ايامك كلها سعاده وفرح ياليت تساعدوني تورطت ب اخوي كل شوي يجي يسألني وانا صدق ما اعرف مره😓😂 ، ملكته بإذن الله بعد اسبوعين وشايل هم الدنيا كلها أول مره اشوفه كذا 😌😁 …
هل لازم يكون الزواج بالكثير بعد ثلاث شهور ؟ لأن أخوي يقول ان شاء الله بعد الملكه راح اتفق مع البنت ودي يكون بعد ست شهور عشان اسوي الشقه على راحتي وهو معلم ف مدري يقدر ياخذ اجازه لو ثلاث شهور او لا
ردًا على الأرستقراطيه 👸🏻
الملكه تكون للرجال يجي الشيخ ويملكهم ويكتب عقد القرآن الشبكه تكون أحياناً حفله في فندق أو مختصره في البيت يجي المعرس مع أمه وأخواته يلبسها الشبكه ويتصورون معها وتكون فيها عشا وفستان خاص للعروس في هذي المناسبه مع مكياج خفيف تبرز الش…
من كلامهم يوم نزورهم واسلوبهم سمحين مره وياخذون العقل ، البشت قلت له مااافيه الا بيوم الزواج خلاص ارتح ، وبالنسبه للمهر من رايك ٦٠ مبالغ فيه مره ؟ وترى ماراح يكون فيه زواج كبير كل شيء بسيط مره
ردًا على زهرة السوسن 2000
حبيبتي اهل عنيزة سمحين الله يوفق الجميع.المهر أربعين.ومافي بشت الا يوم الزواج واي استفسار انا حاضر
وقت ما امي كلمت امها قالت ودي نخلي حفل الشبكه باليوم الثاني ويكون بالبيت وبالعاده نخليهم بلحالهم وكذا حفل بسيط مره الا اذا ودكم يكون كبير وتجون الله يحييكم عاد امي تقول الا كذا زين مره
ردًا على كل شي كذب
ليش يروح اخوك لحالة؟ هل هم طلبو ولا انتو بنفسكم قررتو
صراحه شوي حيرتوني بسالفة البشت مدري اقول لازم تلبس او لا ربي يسعدك يابعد قلبي ويجزاك الف خير
ردًا على بنتـ سليمان
مايلبس بشت إلا في الزواج .. أما الملكة والشبكة مايلبس بشت والمهر بالعادة ٥٠ ألف..والشبكة يكفي يلبسها الخاتم وإذا أخواته او أمه معه يلبسونها الطقم كامل الله يوفقه ويسعده في الدارين ويرزقه الذرية الصالحة
صراحه ما ادري ليه نسوي كذا بس هذي العاده عندنا يعني يدخل المعرس على البنت ويكونون بلحالهم مافيه اي مخلوق باستثناء المصوره ويلبسها الخاتم ويصورون وفيه كيكه وبسسس
ردًا على وش رايكم فيني
لية يلبسها
حاول يسال ابو البنت كم بالعاده المهر ولكن اجابته دبلوماسيه قال له نشتري رجال ومن ذا الكلام انا اقول ٥٠ مناسب بس احسه يبي يزود شوي ربي يسعدك شكراً لك
ردًا على أولادي أغلى ماعندي
يوم العقد مايلبس لكن يوم الشبكة اي يلبس بشت او دقلة الطقم يلبسها الاسوارة وممكن السلسلة اما الحلق ماله داعي اما المهر فالمفروض هالشي تتفقو عليه مع اهل العروسة عالاقل تعرفو مهورهم كم عشان تجيبو نفسهم والله يتمملكم على خير
المهر قلت له افضل يكون ٥٠ الف بس انه بعد ما شرينا الشبكه قال احسه قليل راح اخليه ٦٠ ابغى كل شيء يكون ١٠٠ مدري احسه غلط بس انه مصر يبي كذا وبالنسبه للشبكه ليه بيوم مختلف هذا طلب البنت صراحه مدري ليه بس ترى الشبكه راح يروح اخوي بلحاله فقط
ردًا على شعثه
المهر ٥٠ الف والبشت مايلبس بشت لابالملكة ولاالشبكة يلبسه فقط بالعرس والمفروض الملكة والشبكة تكون بيوم واحد ليه تكون بأيام مختلفه ؟
