أخت تأبط :

مرحبا لكل الموجدين وسلام خاص لكل عصلى تحس بمعاناتي اول شي وش رايكم كل وحده تقول عمرها ووزنها وطولها انا عمري 16او 17 المهم ثاني ثانوي ووزني 40 واذا صرت توني ماكله 41 وطولي يمكن 150 ياربيه هذي المشكلة الناس يحسبون ان النحاف سهل يسمنون لا والله مره صعب واللي ايده بالثلج مو زي اللي ايده بالنار هههه ايه والله حتى انا اتفشل مره قالوا لي انتي بنت أم تأبط شرا قلت ايه انا هي بعظمها وجلدها ما اقدر اقول ايه انا بلحمها وشحمها وحتى ابوي اذا سافرنا بالصيف يضيق صدره علشاني يقول انتي ماتصدقين تسمنين والحين كل مجهودك راح بالهواء<< معاناة حتى انا مشكلتي ما آكل ما اشتهي الاكل من جد انا اللي اعرفه انه يسد الشهيه حتى دايما يقولون للسمينات اشربوا مويه قبل الاكل لانه يسد الشهيه لو تبين اجيب كرتون نوتيلا بس اهم شي اسمن وناسه ياليت اسمن تخيلوا كان الله شي رهيب << ياعمري رحمت نفسي انا اشتريت حبوب البرسيم من GNC وقاموا يضحكون علي يقولون انتي والخرفان واحد كلكم تاكلون برسيم وطنشتهم واكلتها كله علشان اسمن ولا عليها طعم يحوم الكبد بس ماسمنت وتركتها ايه ميسوقور مره زينه وانفتحت شهيتي بسرعه وزاد وزني بعد بس سببت لي حساسيه وحبوب صغيره في وجهي وتعطش عطش مهوب طبيعي يارب اسمن يارب على الاقل لو علشان امي تفرح ياعمري دايم تقول اول ماتشتهين شي قولي لي اشتريه لك بناطيلي كلها ما اقدر البسها الا بحزامات مليييييييييييت

مرحبا لكل الموجدين وسلام خاص لكل عصلى تحس بمعاناتي اول شي وش رايكم كل وحده تقول عمرها ووزنها...

عقلةالاصبع :

بنات انا عندي نفس المشكله ابغى اسمن والله تعقدت يوم شافني خطيبي في العيد قالي نحيففففففففففه مع ان حرصت ان اختار اللبس اللي مايبين نحافتي بس غصب بانت انقهرت :icon33: قلت لازم بعيد الاضحى انشاءالله اخليه اذا شافني :D ومن اسبوع وانا باديه بالحلبه والحليب والحمدلله تحسنة شهيتي وقمت اكل على الاقل الوجبات الاساسيه بنات والله مالكم الاالحلبه وحده تقول لي استمري عليها 3,4شهور وتودعين النحافه للابد وحنا بالشتاء فرصه ماتطلع الريحه يالله مانبي دلع عقدوني اهلي وهم ينادوني عقلة الاصبع

بنات انا عندي نفس المشكله ابغى اسمن والله تعقدت يوم شافني خطيبي في العيد قالي نحيففففففففففه...

حـــســـايف :

سوبر جاين موجود بالسعوديه جربته فتره مازاد وزني ابد مليت وتركته شكلي الحين ابرجع اخذ موسيجور . وسوستاجين لعل وعسى يزيد الوزن وفيه عند العطار خميره بالكيلو سمعت انها تزيد الوزن ومفيده للبشره مرره قلت بجربها مرتين في اليووم . وان زاد وزني ان شاء الله جيييييييت وكتبت لكم .

سوبر جاين موجود بالسعوديه جربته فتره مازاد وزني ابد مليت وتركته شكلي الحين ابرجع اخذ...