شغالتي جديده بس تبي تجنني ............ساعدوني

:10:
اول شي السلام عليكم ورحمه الله..............وكل عام وانتم بالف خير.
ابي ادخل بالموضوع على طول وباختصار انا جبت شغاله قبل 3 شهور واول ماجت كان معاها جهاز جوال . وبناطيل سهرات ومكياج ومسجل واشرطه اغاني .المهم انا ما اخذت من اغراضها شي تركتها لها. المهم بدت تطلب بطاقات تلفون مدفوعه وتكلم زوجها. المهم المكالمات صارت يوميه بالليل وتجلس كل يوم نص ساعه,
بعدين قالت لي انا زوجي يقولي عيب كل يوم نكلم بتلفونهم احسن اشتري بطاقه جوال سواء وانا اعبيها لك لما تخلص, المهم كل يوم تزن على راسي تبي بطاقه المهم عطتها اختي الصغيره بطاقتها وقامت شحنتها من فلوسها.
المهم كل يوم الساعه 12 الى الفجر مكالمات.انا اكتشفت انها تتاخر بالنوم وماتصحى الا الساعه 10 او 11 الصباح .
المهم انا قلت زوجها كيفه وطلبت مني عنوان البيت بالوصف بس ماعطيته اياها بس لاحظتها تسال عن الاشياء اللي جنب بيتنا.
المهم مالكم بطول السالفه قبل اسبوعين تقريبا اكتشفت وانا عند اهلي انها تعاكس بالجوال كل الليل . ولما كشفتها اخذت منها الجوال ولقيتها تكلم حوالي عشره منهم اندنوسي ومنهم سعوديين وسوري . انا طبعا انجنيت وواجهتها وطبعا ماتكلمت ولا ردت علي ولما طلعت من عندها بعد ماهاوشتها طبعا الكلام هذا بعد الساعه 2 بالليل رجعت ونامت ولا كان شي صار . وكتمت وصارت ماتتكلم بس صارت تشتغل صح. وتشاورت انا وزوجي قالي خليها يمكن تتعدل وان شفنا عليها شي ثاني مانخليها . طبعا سمعت كلامه وتركناها وعاملناها زين .المهم خلال الفتره هذي وقبل لا اكشفها واخذ الجوال منها يعني قبل شهر فقدنا دفتر العائله وانتم عارفين انه مهم وماخليت مكان بالبيت مادورت عليه. المهم ايست انا وزوجي منه وقلنا يمكن الشغاله كبته وهي ماتدري وشو .< < على نياتنا>>
المهم يوم العيد يكون مجمع الشغالات عند اهلي ورحنا. طبعا هي تاخرت شوي ماطلعت من البيت وبعد ماوصلنا جلست تنزل اغراضنا من السياره , وانا اخذت الولد ونزلت بس وقفت في مدخل البيت من جوه وزوجي مشى وهي تدخل اغراضنا وتدخل البنت . ودخلت بعدها بدقيقه دخل اخوي وبيده دفتر العائله المفقود من شهر.انا طبعا فرحت واستغربت بنفس الوقت.
وسالته وين لقيته قال بالمدخل <<طبعا في مكان الغراض اللي كانت تاخذها الشغاله>>
طبعا انتم بتقولون وش جابه انا اقولكم.
هي وهي تحاول تدخل الاغراض وتشيل البنت طاح منها لانها كانت مخبيته في ملابسها الداخليه او رابطته بشي وهو كبير وبلاستك فقام من الحركه طاح منها بدون ماتحس.
انا طبعا ماسالتها بس اكتفيت اني وريتها الدفتر وقلتلها شفتي لقيناه.
طبعا هي تلبكت وحمر وجهها واستغربت لانها مادرت انه مو معاها.
المهم انا الحين مادري شسوي محتاره هي وش كانت تبي بالدفتر .
قالولي خواتي الكبار وصديقاتي اكيد كانت بتسحر زوجك فيه.
لانها خبته حتى العيد لانها تتجمع مع الشغالات واكيد كانت تبي تعطيه اي وحده منهم فاهمه بالسحر.
الحين ابغاكم تحاولون تعطوني حلول اسفرها وهي لسه جايه ماراح زوجي يجيب غيرها وانا الحين بحاجتها.
فارجو من كل وحده عندها حل لي تعطيني اياه الله يجزاكم خير. :10: :44: