آبيات نبطيه تستحق التدوين ~

خذني وطلعني ولو الهوا كوس
ابااتنفس شي صافي وهاني



داخل تصادم فكرومزاحم نفوس
على فتافيت الغوى والغواني

في هالوضع مافيهريس ومريوس
الكل بايع نفس والكل جاني


والكل عنده عذر واهي ومدروس
لو قلت ليه انت كذا قال اعاني


انا اللي اعاني من القوس للقوس
هذا مهب جوي ولاهو بمكاني


بركض وابي اركض معي الف فانوس
اللي صباحات الغلا والتهاني


روح معي والواقع احيان كابوس
وانا ماحط اللوم على زماني


احمد ربي كل ما دق ناقوس
واعرف حدودي واستحي من كياني


وأصمت ليا جا للحكي روس وعسوس
واضحك ولو وجهي من البكي حاني


لو كل شي محسوس ياخوك ملموس
شليت اخر جرح بين المحاني

انا جنـوني وأفكــاري جنونية ....تخطي بي الناس واستعذب خطاياها
احساسي اني اسامحهم طواعية ....يطير بي فوق هام السحبوأعلاها
حفظني ابوي معلومة اساسية....أكارم القوم تعفو عن دناياها
وعلمني انسى الردا وازين النية ....ولا اشوف الأوادم منزواياها
الـوجه بالـوجه والنيه إلهيــة ....واللي بيدور علىالزله بيلقاها



اقولها والخصومات انتقائية ....ناس تتحداني وانا ما اتحداها
ألعب معاها المباراه النهائية ....من شان اجي من وراها واتعداها
الهم كهم ماهو ذات اهمية ....الا اذا كان في النفس ومزاياها
وعلى كثر ما تعبت من المثالية ....على كثر ما اعشقها واتحلاها

لايغرك رغبة العالم بما يفرحها , فرحتي ماعلمتني

علمتني جروحي , صاحبي لاتجمع الدنيا ولاتطرحها , كون فارغ كل شي إلا الفراغ الروحي ..

والناس فالناس مدري ويش مشغلها؟

حسبي على نزعة النفس الأنانية

تخلي الآدمي مشغول في ربعه
عين فبني عمه وعين فبني خيه


عنده حساسيه من الناجح الأقرب
والقرب لازاد تزداد الحساسية

ولو إنه مراقب أوضاعه ومصلحها
كان العلاقات فالغالب حميميه

والرجل لابد يصنع نفسه بنفسه


ويجابه المستحيلات بعصاميه
تحفظ قياسية الأرقام وتسجل
من أجل تحطيم الأرقام القياسية


وتعامل الشخص مع غيره يبين لك
مقدار مافيه من أزمات نفسية

والرحمة أصدق مشاعرنا وأروعها
لله در التواضع والمحنية


وممارسة قوة السلطة على ضعيّف
ردة فعل ناتجة عن ضعف شخصية

على التناقض تعيش العالم وتحيا
بعقول وحده وبأفكار إنتقائية


ولاهو ضروري طبايعهم تفرقهم
الإختلافات أحياناً ضرورية

مايجذب الموجب إلا روعة السالب
والضد بالضد قمة بالرومانسية