أتمنى من الجميع الدخول

ذكرتيني
الموقف محرج وصعب
اتذكر انه يوم اول مرة تقدمي لي واحد كنت صغيرة 16 سنة زيين وقعدت اصييح واقول ما ابي
لدرجة اني كسرت خاطر امي وابوي ورفضوا المعرس
وبعدين(بعد كم سنة) كنت حاسة ان في جماعة يبون يتقدمون
وبيني وبين نفسي كنت موافقة عليهم بس ما كنت اعرف اذا تقدمو كيف بقول نعم جدام اهلي ......محرج...............
و يوم خبرني ابوي انهم تقدمو كنت مستحية موت وقعدت استهبل يعني كل ما ابوي يقول شي اقول وشو يعني ها
ولا قلت هيه ولا قلت لا وقلت ما ادري انتو تبون تفتكون مني ما تحبوني ادريبكم( عبط صح)
المهم ابوي الله يطول في عمره فهم وقال تراها موفقة بس ييغلى
يوووهههههههههههههههه
استحيت موت
بس ما صار نصيب
واذا الله راد وكان في مرة ثالثة ابي افكر لي بطريقة احلى


و شو رايكم

وطلبت يومها اكمل دراستي وياخذ لي بيت بروحي في دبي(لان من اهل العين)
والموصفات انهيكون يخاف من ربه وما عنده اي سلوك غير مقبول(شرب..مخدرات.....الخ)
يكون متعلم لاني انا ادرس في الجامعة
ومعتمد على نفسه مب على هله يعني يشتغل
ويحترمني وعادي عنده اسوق واطلع واشتغل بعد الدراسه ( لان ها حالي وانا في بيت اهلي)
واذا كان حلو ووسيم فزيادة الخير خيرين
ولي طلب عند رب العالمين انه امه تكون متوفية وما يكون عنده خوات او كلهن معرسات

بس في شي مهم انه اهله يحترمونج ان شفتي منهم غير لاحترام فنصيحتي لا توافقين
وان حسيتي ان هم مب من مستواكم لا توافقين
ولا تتنازلين وايد لان هاذي بعطي صورة سلبية عنج وبيقولون عاقين بنتهم علينا
وان كنت مخطوبة لا تخبرين كل الناس واكتمي السر ليو الملجة
عشان الحسد والحساد

عزيزتي أحلام مشرقة
وعليكم السلام ورحمة المولى عز وجل



قبل شهر ونصف تقريبا 00تقدم لي شاب فيه جميع المواصفات التي تتمناها كل فتاة 00فهو

وسييييييييم جدا

عنده فيلا دورين

راتبه محترم جدا جدا

عمره 27

وأنا مبدئيا كنت موافقة طبعا

وبمجرد ما استخرت الله سبحانه وتعالى

صرفه رب العباد 00 وانتهى الموضوع

تعرفين ليش


انزلي شوي













كمان شوي

















لأني استخرت الله تعالى أولا وهو سبحانه أعلم بما يصلح لي

ثم أني للأسف غرتني المظاهر ولم أسأل عن دينه بالعربي الفصيح

لم أسأل إذاكان يصلي أم لالالالالالالالالالالالالالا رغم أن هذا أهم شرط لأي
فتاة مقبلة على الزواج

أعتقد ألان فهمتي عزيزتي أنه لابد من الإستخارة أولا

اما انا
من يوم عمري 16 وانا اتخطب بس ماكنت يم الزواج
وكان الي يخطبوني اطباء برضو مدري لييييييييييه
المهم
العام وانا باااخر السنه الدراسيه الاولى في الجامعه جيت بعد الجامعه وجلست مع امي وابوي على الغداء
قالت امي ترا اليوم كلمتني وحده اسمها........ وابوك صديق ابوهم وانهم يبونك لولدهم
انا جتني الصيحه
قلت لااااااااااااااااااااااالاااااااااااا مابي مابي قالت امي طيب بكيفك(بيني وبينكم تحسفت)
قالت امي بيجون ويسلمون اذا صار نصيب ولا خلاص
انا قلت اوكي
بس المهم في الموضوع اني ماتشرطت ابدا الا الصلاة والالتزام وانه يكون بمستوانا الاجتماعي والمادي والحمدللللللللله ربي وفقني وتزوجته
بس تصدقون طلع طبيييييييييييييييييب هذا وانا مابي اطباء بس النصيب
يعني في وحده اعرفها تقولي انه كانت تكره اسم معين ودائما تقول لصديقاتها اكره اسم فلااان ولو يصير لي ليش ماخذه
المشكله انها جاها الاسم هذا في فارس الاحلام ههههههههههه وتزوجت
وحده كمان كانت ماتبي طبيب ولا صيدلي ولا ضابط
اتزوجت طبيب عسكري
هههههههههههههههههههه
تستاهل
عاد وحده من صديقاتي تستهبل تقول اجل انا بقول مااابي واحد غني
ينقالها يعني عشان يجيها واحد غني لان الاشياء صايره تجي بالعكس

اتمنى انكم فهمتو مع اني ادري يبيلكم خمس مرات تعيدون على الموضوع
ومشكورين

katkot..
صدقتِ أختي الحبيبة.. الموقف محرج وغاية في الصعوبة.. ولكلٍ منا ذكرياتها مع هذه الأيام.. عموماً عزيزتي أتمنى أن يرزقك الله بمن يكن لكِ عوناً في دينك ودنياكِ ويجعلكِ سعيدة طوال عُمرك:)
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

شقيقة بطل..
فعلاً لابد من الإستخارة عزيزتي.. لأن لا المال ولا الوسامة ولا غيره يُغني أي فتاة منا عن دين وخُلق وحياة سعيدة..
شُكراً لحضورك ياغالية:)
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

^^ماما^^..
الله يوفقك أُختي ويسعدك دنيا وآخرة:)
بس تدري كثير تحصل حالات مثل إلي ذكرتيها..وأذكرلك حادثة كل ماأتذكرها أستغرب..
في يوم حضرت وحدة عرس وبعدين وقت ماإتزفت العروسة مع عريسها قامت تعايب عالعريس وتقول أنا لو محلها ماأقبل بي.. وكلام عجب..وبعد فترة نسمع إنه المسكينة العروسة إتطلقت والعريس إتزوج البنت إلي ماكان عاجبها شئ في..
إظاهر إنها نقت عليهم في نفسها.. بدل ماتبارك لهم وتدعي لهم إنه الله يوفقهم:09:
ووحدة ثانية وهي بنت كانت تقول أنا ماأحب اللحم.. إنتوا كيف تمسكوا..ياي أنا أمسك اللحم وأقطعه..وعلى إيه:confused: وماتشوف عينك إلا النور جاها واحد يموت في اللحم ويموت في شئ إسمه عزايم لحم.. يعني كل شوي يقلها جايينا ضيوف.. وصارت سفرتها من أولها لآخرها لحوم في لحوم..:23:

أحلام مُشرقة:38:

السلام عليكم ورحمه الله وبركاته0
تقولين ماذا فعلت بصراحه افرح
وكنت افكر بالفساتين وكثرت التمشي0 ترى يومها كنت صغيره عمري 15 سنه
الحين نقول وش تسوين وش طلباتك
ان يكون يخاف الله في أمور حياته 0 المعرفه واصر على هذا البند كيف هى معاملته مع أمه واخواته واخوانه لأن الذي مافيه خير اهله مافيه خير لك حتى لو كان متدين حتقولين وشلون اعرف اقول خلي ابوك ياخذ رقم اعمامه وخلي امك تتصل على زوجة عمه تراها بتقول كل شى بسبب زعلها علشان مااخذ وحده من بناتها وانشاء الله تكون تخاف الله وتقول الصدق0 وهذة قصه واقعيه (( لاتضحكين)) خلي ابوك يسال اصدقائه وزملائه في العمل عن مرح والتزامه بالدين والعمل وهل هو يحب الاختلاط مع الناس ولاتنسين المؤذن والجيران0
اتمنى لك التوفيق (( لاتنسي تعزميننا على العرس )):32: