مبروك عليك الزواج
نصيحتي قبل ما تنامين تسبحين الله 33مرة
وتستغفرين 33مرة
وتكبرين 34مرة
قوليها من قلب نخلص وإن شاء الله ربي يعينك

تعرفين شو مشكلتج ؟؟؟
أولاً بعدج مستجدة عالشغل يعني جسمج بعده ما تعود عالكراف
ثانياً تنقصج الخبرة في إستغلال الوقت وتوفير الجهد
ثالثاً كل شغلج ما يستغرق أكثر من ساعتين ساعه طبخ وساعه تقسمينها غسيل وتنظيف وترتيب وباقي يومج كله لج راحة بما إنكم 2 بس
شو بتسوين يوم بيوكم العيال !!!
أول شي تسوينه : حطي سلتين في الحمام وحده للملابس البيضا والثانية للملونة وجيه بتكونين عزلتي غسيلج أول بأول
يوم بتنترس السلال غسلي الأبيض يوم والملون اليوم اللي بعده لأن انتوا اثنين بس مب معقول تغسلين لبستين يوم واحد !

أول شغلج ابديه بالغسل في يوم الغسيل .... وغالباً بتغسلين يومين في الأسبوع انتي وفراغتج اختاري لج يومين يوم للأبيض ويوم للملون
شغلي الغسالة وسيري يا اطبخي يا نظفي ورتبي
المهم :

رتبي مطبخج بحيث انج تخلين الأشياء اللي تستخدمينها كل يوم قريبة منج وجنب بعض
والصحون والأكواب والملاعق حطيها دايماً على الطاولة
والزيت والبهارات والملح رتبيها وصفيها جنب الفرن على طول

الدجاج أو السمك أو اللحم يوم تشترينه من السوق خليهم يقطعونه وينظفونه ويعزلون منه لكل وجبة في كيس بلاستيك شفاف ورتبيه في الفريزر كل شي على صوب
يوم بتطلعينه من الفريزر حطيه على طول في المايكرويف يسيح الثلج واغسليه واطبخيه على طول أسرع بدال ما تتريين وإدا ما عندج مايكرويف ودنيه في الماي وغيري الماي كل شوي عشان ما يبرد الماي

حطي غلاية كهربائية كبيرة (بويلر) جنب الفرن واغليه فيه ماي دايماً عشان تسرعين الطبخ بدال ما تسخنين الماي على الفرن وتقدرين تصبين منه للصالونة وتفورين به العيش وتسوين الشاي والقهوة مثلاً بدال ما تسخنين كل شوي

دايماً سوي أكثر من شي في الوقت الواحد يعني وانتي تفورين العيش قطعي الخضرة وجهزي شي ثاني اضربي عصفورين بحجر

يوم بتبتدين تطبخين قطعي البصل والطماط والثوم والكزبرة زيادة 3 مرات واستخدمي منهم لطبختج والباجي رديه الثلاجة واستخدميه في اليومين اللي بعدهم
أو ممكن تفرمين كل البصل وتقسمينه على حسب مقدار الطبخة في أكياس بلاستيكية وكذلك الثوم والطماط وتحفظينهم في الفريزر

بالنسبة للجدور أنصحج بجدر الضغط يسرع الطبخ بشكل ما تتصورينه

بعد الطبخ اغرفي أكلج وجهزي سفرتج
وشلي الجدور وودني الماي والصابون فيهم على طول وخليهم على صوب وبعدين اغسلي المطبخ بالصابون ونشفيه عدل اشتري فوط كثيرة من اللنوع اللي تمتص الماي
وبعدين متى مالان الأكل اللي لاصق في الجدر تخلصي من البقايا اللي فيه وغسليه

ها بالنسبة للمطبخ


أما الترتيب بيتج صغير شقة وما أظن ان يبالها تنظيف يومي أول الأسبوع خمي كل الحجر والصالة كنس عادي أو بالمكنسه الكهربائية
بعدين ييبي شفاطة الماي مال الحمام ولبسيها فوطة مبللة بديتو ومطهر داك بالزهور وامسحي المكان كله مرة وحدة وبعدين ييبي ويندو ولمعي التحف والتلفزيون والنوافد والمرايا


أما الحمام فغسليه على السريع واننتي تتسبحين وبجيه تكونين سويتي شيين في وقت واحد وخلال هالأثناء كلها من طبخ وتنظيف تفقدي غسيلج لو ما عندج غسالة اتوماتيك لكن أنصحج بالأتوماتيك والله روعه حطي الثياب وانسيها وطلعيها أخيراً وهي ناشفة لا وجنها مكواية بعد

ها كل شي للآن

ماقصرو البنات الله يجزاهم خير .اهم شي تنظيم الوقت .نظمي وقتك وصحي على 10والله يمديك.والله يوفقك.

الله يبارك فيك .. طبعاً إذا نشيت على الساعة 9 بخلص كل اللي قلتي عنه
بس المشكلة اني بعد ما أخلص بكون تعبانة ومهدود حيلي
يعني زوجي يوصل البيت يلاقيني مب قادرة أشل عمري يعني يدوب احطله الغدا واسير على طول أنام وحتى إذا يبغي يقعد معي تلاقيني تعبانة وأجبر نفسي وتفكيري كله في الراحة والنوم.

أنا اريد ارتب وقتي يعني اجزء الشغل واكون مرتاحة واجابل زوجي بنفس :icon33:

عالعموم مشكورو حبيبتي وجزاك الله خير :27:




تسلمين حبيبتي .. وإن شاء الله ألاقي طريقة أجزء فيها الشغل
بحيث ما اجهد نفسي .. وبالنسبة للأشياء اللي يطلبها بسجلها مثل ماقلتي
أحسن عشان ما انسى وأنا فعلا شرحتله وضعي بعد ما جاني ألم شديد فالظهر
والحمدلله على كل حال ..

مشكورة حبيبتي على نصايحكِ وجزاك الله خير




الله يبارك فيج حبيبتي .. أنا مرات اتأخر في النوم ومرات اصحى من وقت
بس التعب كلة في تنظيف البيت والطبيخ .. الله المستعان

مشكورة حبيبتي وجزاك الله خير



الله يبارك فيك حبيبتي ..

زوجي يروح الدوام الساعة 7 .. ويرجع مع صلاة العصر

أحيانا ينام بعد الصلاة ..





الله يبارك فيك حبيبتي .. إن شاء الله

تسلمين الغالية وجزاك الله خير



صدقتي يا أم ميثا .. صدق عانيت من ويع الظهر



المشكلة اني أطول في الطبخ لاني امسك كتاب الطبخ وتلاقيني مدودهه
واكثر الاكلات الغاوية مكتوب عندها مدة الطهي ساعة ونص ولا ساعتين




إن شاء الله ببدء احط كل شي برحه من البداية بدال ما ايلس اطلع الابيض من الملون
وأنا فعلا اغسل الأبيض بروحه والملون برحه
بس يوم اغسل الملابس الملونه مع بعض تخترب الألوان مادري ليش ؟؟!!



إن شاء الله



أنا عندي الثلاجة اللي اطلع ماي حار وبارد
ودايما استخدم الماي الحار للعيش والشغلات الثانية



فكرة حلوة والله .. بس تخترب الخضرة إذا تمت كم يوم في الفريزر ؟؟
وكم يوم أكثر شي اقدر اخليهم في الفريزر؟؟



اقدر استخدمه للدجاج و اللحم ولا بس اللحم ؟؟
وإذا حطيت اللحم كم يتم تقريباً لين ينضج ؟؟



أنا بودنهم في الماي بس ما أقدر أغسلهم بعد الغدا لاني بكون تعبانة
ولازم أريح شو رايج أغسلهم فليل عقب مايرقد زوجي حق الدوام ؟؟




المشكلة هني يا أم ميثا لان اييني ويع شديد فظهري
بس الحين الحمدلله أخلي امي اطرش الخدامة تمسح الشقة




فكرة غسيل الحمام حلوة صدقج وبالمرة اسبح

أما بالنسبة للغسالة اللي عندي الحمدلله توماتيك

تسلمين الغالية على هذي النصايح الحلوة


بس ماعليج أمر شو الأكلات اللي اقدر اسويها وتخلص بسرعة ؟؟

وإذا بغيت اسوي سمج شو اللي ينفع مقلاي ؟؟
وشو غير البياح اقدر اسويه مشواي
وشو غير الهامور ينفع صالونة

وابغي انواع سمك زينه لاني ماعرف في السمج وايد
ولا أحب آكل سمج بس زوجي يحب السمج واايد


واسمحيلي على الاطالة ومشكورة حبيبتي وجزاك الله خير




تسلمين حبيتي وجزاك الله خير


بنت وايل

أحلى_إماراتيه

شكرا عزيزاتي وجزاكن الله خير



أسأل الله لكُن جمعياً ان يغفر ذنوبكن وييسر اموركن

ويجمعني وإياكن في جنة الخلد ..