سلام عليكم
وارجع ارد على كل البنات اللي ردوا على موضوعي ، تستاهلون كل خير....
سوسو
الله يبارك فيج حبيبتي ،،، مشكوره...
ازهار الأمل
ان شاء الله توصلين للوزن المطلوب وتفرحين عزيزتي تراج نفس انا بعد ارتفع وزني بسرعه من تزوجت ...اصلا من رجعت من شهر العسل كان زايد 6 كيلو خخخخخ....
ام منور
ان شاء الله ارجع احافظ عليه وانتي ما قلتي شمسويه عشان يزيد....
درة البحرين
ان شاء الله توصلين للوزن المناسب ،، انتي كم طولج....
فيوريلا
الله يبارك في فيج وعقبالكم يارب....
ام اريج
مشكور لردج وشوفي ردي فوق....
الليدي
مشكور على المرور ويعطيج العافيه...
مياس
ألف شكر لج وما في أحلى من هالدعوه ....
الحلوة الاماراتيه
ما تتصورين أي كثر فرحانه وانتو تكتبون لي التبريكات احس اني سويت انجاز يعطيج ألف عافيه...
دنيا الحسايف
وانتي بعد مشكوره والله يعطيكم اللي تتمنون...
ياليت
انتي بعد مبروك على الانجاز وان شاء الله يجي يوم تحطين مشاركه ونبارك لج على دخولج عالم ا لستينات..
الفراشه
عقبالج يارب تفرحين ان شاء الله ....
ام جود
أي والله اختي ليلحين جامعه كأن ماخذين صيفي ما تخلص هالجامعه ، احنا لأن دشينا مواد التخصص وهي واجد طويله تصوري عندنا امتحان فاينل ليلحين ما قدمناه وبيكون مع بداية الكورس الجديد .... مشكوره على المرور..
الحين لازم اقوم ابدل واروح النادي عشان العب ايروبكس وراجعه لكم بعدين واكمل ارد على البنات...
مع السلامه
الصفحة الأخيرة
لكم من سألني شسويت عشان نزل وزني راح اقول لكم من بداية المشوار اوكي....
شهر فبراير كنت رايحه عن دكتور نسائي عشان اشوف ليش ما حملت كان صاير لي سنه وخمس شهور اخذ فحوصات الدم والهرمونات وكل شي شاف عندي في هرمون مرتفع واتضح عندي تكيس وشرح لي عن التكيس وخوفني منه ونصحني اني انزل وزني واشرب ماي واجد والعب رياضه عشان اخفف وزني ويروح التكيس وذاك الوقت زوجي كان يحن علي اروح ألعب رياضه وانزل وزني بس ما اسمع الكلام المهم تشجعت من كلام الدكتور عشان صحتي وفعلا على طول بديت في الدايت ..
أول يومين قلت خلني اجرب ريجيم دشتي بس شفت اني ما اقدر احرم نفسي من شي بالذات وانا في البداية مو على طول حرمان يعني ولما سمعت عن سلبياته بعد ما تشجعت عليه المهم شفت شنو اللي يناسب جسمي من أكل وشنو اللي يمتني يعني سويت فتره امتحان لجسمي....
الشي اللي عرفته اني الخبز وكل شي مصنوع من الدقيق الابيض والسكر المكرر وفعلا تركت الخبز والروتي والكعك والمعكرونه والرز والسكر وكل شي يدخل فيه سكر مثل العصاير العاديه وهالسوالف ..
ثاني شي سويته في نفس هالفتره رحت سجلت في نادي رياضي عشان ألعب ايروبكس كانت البداية شوي صعبه ويزيد الوزن بعد بس اوكي الحمدلله واصلت عليها الحين صار لي 5 شهور وصرت محترفه في الايروبكس عكس قبل وايد بطئيه وما اقدر اتابع مع القروب....
والشي الثالث المهم جداً جداً الماء ثم الماء ، بالذات على الفال في البداية كنت اشرب لي كاسين ماء وتطور الوضع وصرت اشر 3 كاسات والحين اذا اقدر اشرب 4 كاسات عادي .....
بالاضافه لهالاشياء اشرب حبوب الميتفور قطعتها شهر بس رجعت مره ثانيه لها سمعت انها لي استمر عليها الشخص تنزل الوزن خلال 6 شهور والله أعلم بس انا آخذها عشان علاج للتكيس مب عشان ينزل وزني..
بس هذا اللي سويته خلال الأربع أشهر
رياضة + دايت + شرب ليترين ماء في اليوم
هذي المعادلة الصحيحه لتنزيل الوزن برأيي
بس الحين شقول لكم يا بنات تغير الحال نوعا ما صرت اكل زر كل يوم بس صحن صغير (مال الكوب) ونادرا بعد آكل خبز نفس امس اكلت خبز ... يعني صرت وايد اخربط واقول اهم شي العب رياضه
بنات انا وايد خايفه صراحه ان وزني يرجع بالذات اني احتمال اروح العمره وخايفه اخربط هناك مع الجماعه ،، الله يستر بس....
يلا نشوفكم آرائكم
تحياتي