أرجــــــو المشاركه..وتعليق تكفوووون.

وش بسوي ياعاشقة

بضيع علومي وبيحمر وجهي وببتسم ابتسامة الخجل والقهرررررر




واخرتها بمسك الباب لان مالي وجه اطالع باحد




وبصير لمدة اسبوووع من تاريخه فاكهة المجالس < مو ممكن الحريم يفوتنها >:21:

الله لايوقعنا فييييه ...
لكن لاقدر الله صار هذا الشيء بالنسبه لي (( لاقدر الله )) ...اذا كانت المناسبه مهمه لي او قريب مني من عادتي دوما احتاط بلبس ثاني اجيبه مع اغراض العائله ... مهما يكون المهم يكون من باب الاحتياط عندي لبس ثاني ... لاني دايما اتوقع هذا الشيء ....فاغير على طول لبسي .وهذا احسن حل ........

لاني مره شفت وحده متكشخه مرررررررررره والصبابه مرت من فوقها بصحن الفناجين الشاهي وتجي وحده تمشي بسرعه ودقت فيها عفوا وانكب الشاهي كله فوق هذه البنت .. الصراحه كان موقف محزن اكثر مما يكون محرج لان الشاهي حار فتخيلوا ........فصرت اخاف بالمره واخذ حذري كثييييير ..

دايما احاول من زمان ولله الحمد اني البس حذاء متساوي في الكعب من غير تعب لي او ممكن يتعرض للكسر ..
اذا كانت المناسبه مجرد عزومه عاديه لي ... اخذ حذري من ناحية السسته :)
اخذ احتياطي بشنطتي مشابيك كثيره واقدر اكمل باقي سهرتي في هذه المناسبه الغير قريب لي مثلا بالعباءه او الطرحه من على ظهري ..(( لمن شاف ولمن درى ))

او احاول اني اذهب للبيت اما اغير وارجع اذا كان يهمني الفرح ......... واما اجلس واحسن لي من كلام الناس .... ...:34:

وهذه مواقف جدا محرجه وخطيره ويارب ياساتر ...الله لايوقعكم ويوقعنا في هذه المواقف :30:


مع خالص تحياتي للجميع :27:

موقف صعب زي اسالتك تمام:21:

بس تدرين لو يصير الموقف لي اولا اقوم وبكل ثقه(بس والله قلبي يقطر

اسىعلى نفسي) وفعلا اذا ماعندي سبير يعني احتياطي اقرب جوال على

اقرب احد من الاهل ورررررررررررر عالبيت واغيره ولااااازم ارجع عشان

اثبت للجميع اني اقوى من طيحه ومارح انخش بالعكس عشان اثبت لهم

ان اللي صار شئ عادي وفعلا ترى هو في نظري عادي جدا

وبطبيعتي ياعاشقة الرياض ماعمري ضحكت على احد يطيح واكره موت اللي

يضحك في موقف زي هذا بالعكي اسمي عليه واحسسه اني معه ويكفيه

الاحراج اللي هوفيه وانظر للي يضحك بموقف كذا باحتقار وكل اهلي

واحبابي يعرفوني في هالمواقف حتى ان فيه ناس منهم اذا صار موقف زي

كذا يخافون مايضحكون قدامي لانهم يعرفون ردة فعلي ازاء موقف زي كذا

اقوم ولا كأن شي صار .....وأنا ماشية اخز الي اضحكت بنظرة احليها تعرف قدرها ....
بعدين اروح احاول اصلح الي يتصلح....و الا اقرب جوال اغير وارجع ولا اضيع
السهرة




الحمد لله ماقد طحت بكذا موقف وان شالله ما اطيح.

وش ذا يا عاشقة الرياض كلها تجمعت مره وحده

طيحه وكسر الكعب وسحاب ينقطع صعبه والله

لكن ماذا لو حصل لا سمح الله ،،،،،،،،،،،،،

بصراحه ابقوم اللقط وجهي واستند على اقرب جدار

لين ما يجبون عباتي والبسها واروح اعدل شكلي

وارجع او اجلس بعباتي لين ما تخلص الحفلة :32: :32: :32: