أرجوكم ساعدوني سفرنا لبريطانيا بعد 18 يوم وماطلعنا التأشيرة

والله من اللي اسمعه ان الفيزا البريطانية من اسهل الفيز ..

يمكن اقل من اسبوع تكون خالصة ..

لكن لاتاخذين كلامي بشكل جدي لاني م جربت شخصياً ..

قلت لك بناءاً على م قراءته في النت ..

ان شاء الله الخبيرات يفيدونك بناء على تجاربهم الشخصية ..

وسفرة سعيدة ي رب ..

شوفي حبيبتي ان ما اعرف كم يوم وتطلع تاشيره بريطانيا
لكن اللي متاكده منه موضوع الموعد لاني سمعت واحد من اصحاب زوجي يكلمه وزجي فاتح المكبر اللي في السياره
وزوجي ساله طلعت التاشيره الفرنسيه قال صاحبه ايوا وبس باقي تاشيره لندن ويقول انه دفع لهم 580 او 590 مدري كم بالضبط لكن اقل من 600 بشويه عشان ياخذ موعد طبعا السعر لجواز واحد بس

حبيبتي اتوقع تنزل بدري التأشيرة لانو انتو اكيد بتدونهم صور من حجوزات الطيران وبيشوفون موعدكم انو مابقي شي على السفر ويخلصونها بدري
بس مافي 20يوم الفيز تجلس اسبوع او 10ايام او اسبوعين
تطمني السفارة بتشوف موعدكم قريب وبتخلص فيزكم ان شاءلله

ومثل ماقالت سعودية ذوق البريطانيه متعاونين ولو انتي من الرياض بيخلصونها على طول
اما جدة تماطل وتعقيد
لكن ارجع اقلك لاتخافي فيزكم بتخلص بسرعة
بس انتو عجلو روحو السفارة وقدمو اوراقكم

حبيبتي من قال انها تطول ؟

تروحين نفس مكتب السفاره ب ام الحمام وتحت هنود يعبون الابليكيشن ب 100 ريال للشخص بس خذو جوازكم وصور حجز الطيران بعدين نفس الهنود بيسوون لكم موعد ويطبعونه وبيعلمكم ايش تجيبين من صور واوراق طبعا من اليوم اللي بعده يمكن الموعد لكن اذا بتدخلون بنفس اليوم تدفعون زياده اللي هي خدمة الفي اي بي والموعد اجراءات روتينيه ويصورونكم وبس 4 ايام وتطلع احنا العام صار كذا بالضبط ممكن يكون فيه تغير الله اعلم طبعا نسيت اقولك رسوم الفيزا 460تقريبا للجواز الواحد

ورحله ممتعه مقدما

تسلم ايدك