أريد مساعدتكم قبل يوم عقدى :(

السلام عليكم ورحمة الله وبركاته

كيف حالكم ؟

هذه أول مرة أرسل فيها موضوع
وما ارسلت إلا لأنى بحجة لمساعدتكم بجد :(

إن شاء الله تعالى عقدى بعد شهر أو شهر ونصف من الآن

ومشكلتى طبعاً في السمنة انا طولى 161 سم ووزني 70 كيلو

سمنتى متمركزة في منطقة البطن يعنى عندى كرش كبير بالنسبة لسني ( 24 سنة ) ولا كأني حامل كما أن صدري كبير
فمنطقة الخصر عندى مش باينة خالص

طبعا حفلة العقد سألبس الفستان ولن يراني إلا النساء طبعا ولكن هذا يوم فرحتي وكل ما اتخيل ان بطني ستكون بارزة اتضايق بشكل شديد ويصيبني الإحباط الشديد :(

انا كنت عملت رجيم الثلاث اسابيع الماضية الى جانب مشي ساعة يومياً وعمل تمرينات للبطن لمدة ثلث ساعة يومياً ونزلت عليهم 5 كيلو ولكن أصابني الإحباط وانا أرى أن وجهي وذراعي الاثنين هم الى نزلوا فقط :( رغم أن أرفع شيء في جسمى ذرعاتى فبقوا رفيعين جداااااااااااااااااااااااااااااااااا

فشكل جسمى بقى وحش جدا
وانا مضايقة جدا
كل ما اتخيل ان منظر جسمى سيكون بهذا المنظر السيئ خاصة ان هذا اول مرة سيراني فيها بدون ملحفتي ونقابي وأول مرة سيراني باقى أهله من النساء :(

اضايق جدا واحبط
وتركت الرجيم الثلاث ايام الماضية وابتديت اكل تاني :( من الاحباط وان بطني مش هتنزل ابدا ً
وكل ما اكل اتخيل ان تعب الثلاث اسابيع الماضية راح واجلس ابكى بشدة ولا اطيق النظر في المرايا خالص عشان بطني
ماما طبعا مضايقة منى عشان بعمل الرجيم لأنى جسمى مش متناسق مع بعضه ففيه اماكن رفيعة واماكن تخينة فماما شايفة الرفيع بس وبتقولى انى هتموتى نفسك مع ان رجيمى مش وحش وفيه كل حاجة وزعلانة منى على طول عشان الرجيم وعشان وشى دبل جدا من ان رجيمى متوازن وباكل فيه اشياء مغذية عكس اللى كنت بعمله قبل الرجيم ولكن للأسف وشى دبل جدا ولا اعرف السبب وكل شوية تضغط عليا لحد ما اعصابى باظت كمان

عايزة المساعدة بجد عشان الحق انزل بطني قبل يوم عقدى

ده اليوم اللى انا بحلم بيه ومش متخيلة انه هيبقى شكلى وحش فيه وهبقى تخينة :(


رغم انى وزني كان في الستينات والخمسينات ايام الكلية لكن مع الجلوس في المنزل وقلة الحركة لمدة سنتين زاد وزني بدرجة كبيرة

في انتظار ردودكم ومساعدتكم
انا في أمس الحاجة لكم :(

جزاكم الله خيراً