مرحبا بقولكم اول ولاده لي مع ان عندي 4 بنات الله يخليهن لي بس دايما الولاده الاولى تكون لها ذكرى خاصه :)

انا قعدت اطلق الالام تروح وتجي كم يوم يعني تقريبا ثلاث ايام وزوجي كان مب موجود عنده تمرين في الصحرا عدا موعدي اللي عطوني اياه في المستشفى قلت في نفسي احسن عشان زوجي حبيبي يكون موجود وانا اولد :39:

بس طولت كل يوم بالليل اقول اليوم بس اصبح بخير ولا فيني شي وهو قاعد في الصحرا على نار لين جا اليوم الموعود قبل لا يجي من الصحرا بثلاث ايام حسيت بالليل بشويت الم بس مب مثل اللي يجيني كل يوم كنت حاسه انه هذا هو الطلق اللي يقولون عنه واستمر معاي طول اليوم كان يوم الاربعاء كلمني زوجي وقالي انهم طلعو كم واحد يزورون اهلهم وهو مارضى يطلع قال في نفسه باجل شوي مدام اني مب حاسه اني بولد وبيطلع يوم الجمعه عاد انا طاح قلبي كنت بقوله فيني وجع بس قلت في نفسي اخاف يروح الالم فسكت وما قلت شي تم الالم مثل ماقلت لكم طول يوم الاربعاء واستمر لين يوم الخميس لازاد ولا نقص نفس الحده وبنفس النظام يعني منتظم كل نص ساعه

تخيلو عاد التعب اللي كان فيني لانوم ولا ولاده بغيت اجن :icon33:

يوم الجمعه زاد شوي الالم وبدا يزيد على المسا بعد المغرب اتصل فيني زوجي وقالي انا جاي بالطريق انا هنيه طرت من الفرحه لاني كنت حاسه خلاص مب قادره استحمل واني لازم اولد اليوم وهو موجود باي طريقه تميت متصبره لين الساعه 11 بالليل والطلق يزيد وبعدين قلت له يالله نروح المستشفى ورحت يوم وصلت طبعا انا خبر خير مادري شو السالفه ولا اعرف شو بيصير لي قالت لي الممرضه المسئوله نامي بحط لك جهاز تخطيط على بطنك بنشوف حدة الالم ونمت انا كان شكلي وحده مافيها شي مبسوطه بجيت زوجي ومتعدله وكااااشخه وكني البخت :icon28:

يوم حطت الجهاز قالت في الم خليني اقيس لك كم النفس مفتوحه قلت لها يالله بكل براءه اول ماقاست الا اصرخ ذيك الصرخه زوجي ارتاع وخاف وامه تقول له لاتخاف هذي يقيسون لها النفس كم مفتوحه قالها هذي تقيس كذا عيل يوم تولدها شو بتسوي فيها وعصب على الممرضه :mad:

لقت النفس مفتوحه 3 سانتي ونص بسسسسسسسسسس وقالت لي بعدك مطوله يمكن تربين على الصبح اذا تحبين تروحين البيت اذا بيتكم قريب او انك تتمين عندنا وانا افضل انك تتمين لان حدة الالم قويه واحسن تتمين تحت ملاحظتنا فوافقت وقلت بقعد زوجي قالت له امه روح انت البيت ارتاح وانا واختها بنتم معاها ووافق وقالي بصلي الفجر وعلى طول بجيك لا تخافين وراح

عطتني ابره تهدي الالم بس ماتوقف الطلق وتساعد النفس انها تفتح يعني مثل المسكن وتميت نايمه على ظهري بانتظار الفرج

عمتي امم زوجي نامت واختي تمت تتمشى برا في المستشفى وكل شوي تدخل وتطلع انا ماقدرت انام لاني حسيت الالم يزيد بس سكت وتصبرت يوم يت الساعه 3 الفجر جت الممرضه تبي تتطمن علي وقالت لي ها شو الالم زاد قلت لها هيه زاد اكثر من قبل قالت لي لا تخافين انا بجي كل شوي اطمن عليك حاولي تنامين

انا ماجاني نوم حسيت الطلق يزيد وخفت بس قمت اصبر نفسي واقول اذا كان الالم بس كذا اقدر استحمله عادي

الفجر قمت شوي وقعدت اتمشى على الخفيف وقامت ام زوجي تصلي واختي وكنت كل ماحسيت بالطلقه اقعد على اقرب كرسي او في الارض والممرضه تمت معاي تساعدني وتمشيني بعدين خلاص ماقدرت استحمل قالت خلاص ردي سريرك بقيس النفس ولقتها مفتوحه 5 ونص وقالت لي شوي بعد وبفتح كيس الماي وبالفعل بعدها بفتره جات وفتحت كيس الماي وزاد الطلق وايد انا خفت يوم شفت الماي هالكثر

يوم يت الساعه 10 الصبح زوجي برا واخوي الكبير وابوي وامي وخالت زوجي كل العيله تقريبا وانا خلاص اهاذي ماسكه الكمام تقولون بيني وبينه ثار وحاطه كل قوتي فيه واحس بنفسي طايره ولا اعرف وين انا زوجي خاف علي ولا قدر يقعد معاي وياعمري قام يصيح ويرتجف وطلع برا وانا اقوله اقعد دخيلك وهو يقولي انا هنيه بقعد بروح برا شوي وبرد وكل شوي اشيل الكمام واقوله خلاص بمووووووووت يقولي استحملي وارجع اشيل الكمام واقوله بموووووووووت يقولي صبري وسوينا دويتو انا وزوجي خخخخخخخخخخ
عمتي ام زوجي ماقدرت توقف على ارجولها انهارت وقعدت على الكرسي خايفه ومب عارفه شتسوي لان بنتي كانت تعبانه في بطني وملتف الحبل السري على رقبتها ونبضها ضعيف حتى الممرضات ارتبكن وجات كبيرة الممرضات على قولتهم وتمت عندي وتحاول تساعدني وانا خلاص حاسه روحي بتطلع واهاذي بعدين جا الفرج وطلع الراس والممرضه تقولي خلاص الراس طلع قربنا نخلص وانا مب مصدقتنها احسبها تصبرني لين شفت راس بنتي تدرون كيف الممرضه اللي تولدني لابسه نظاره ومنعكس راس بنتي في نظارتها فشفت شي اسود وتشجعت وقمت ادز بكل قوتي لين طلعت بنتي الحبيبه

اول ماطلعت بنتي ماصاحت وشالتها الممرضه تركض فيها على جهاز الانعاش انا قمت اصارخ اقول حق اختي وعمتي بنتي ماتت وهم يطمنوني مافيها شي لا تخافين وراحت اختي وراهم واطمنت عليها بعدين جابوها عندي وحطوها على صدري انا حسيت اني كنت في حلم وطار النوم من عيوني يقولون لي نامي اقول لهم مافيني نوم من الفرحه

احلى مافي الموضوع زوجي قامو يدورونه ويتصولون فيه يبغون يخبرونه وهو مايرد خايف بعدين يالله يالله رد عليهم وقالو له راح على طول السوق يشتري فواكه وحلويات ولزوم المستشفى جاب لي اغراضي وحجز لي غرفه لانهم كانو يبونه يرد المعسكر الساعه وحده ونص الظهر فكان مافي وقت

اتمنى تكونون استمتعتوا بقصت ولادتي الاولى واذا عجبتكم بقولكم باقي قصص الولاده خخخخخخخخخخخخخ مسلسل مكسيكي :D

انا اكتب لكم قصه ولادتى الاولى والثانيه مع انى لا احب تذكر القصه الاولى
طبعا كنت بكر ولا ادرى شئ عن الولادة وكنت اشعر بالم من اسفل وكل ما اقول لامى تقول لى لسه بدرى انت بكريه وكان عندى موعد يوم الخميس عند الطبيب وانا طوال فترة الحمل ما عديت ولا موعد المهم الكل سخر منى وقالولى زمان كنا نحمل ونلد بدون الطبيب وانا قلت مادامت حركه البيى جيده لن اذهب لموعدى وكان عندى ارتفاع بسيط بالضغط وكنت مطنشه الدواء اقول انا بخير والبيى بيتحرك كويس خلاص لا داعى للادويه
يوم الخميس باليل بدأ معى الم خفيف لكنى لم اهتم ونمت حوالى 3 الصبح وصحيت 5 الفجر على الصلاه صليت وجلست بعد الصلاة والالم يزيد معى وحوالى 7 صباحا اصبح الالم كل 10 دقائق وشعرت بركله قويه من البيبى وبرجفه شديدة جدا كل هذا وامى زوجى يقسموا على انى اتدلع وانها ليست ولادة وان البكريه بتطول وكلمنا الطبيب وذهبنا للمستشفى حتى ان امى قررت ان لا نأخذ معنا حقائبى لانى لا تبدو على اى علامه من علامات الولادة ...لاحظوا يا بنات انى لم ينزل معى ماء او دم او اى علامه من علامات الولادة
الامهم ذهبنا للطبيب وبدا بقياس عنق الرحم وجدة مفتوح 4سم..ثم بقياس نبض البيبى ولكن لانبض وانا لا اعرف ذلك وسألنى متى تحرك البيبى اخر مرة وانا افتكرت ان البيبى غير وضعه وانى سألد قيصرى اخبرته انه تحرك الساعه السابعه ولاحظت تغير وجه امى وزوجى وانا كل هذا اعتقد انه بسبب انى سألد بعمليه ولكن وجدت ان الممرضات بدؤا تركيب المغذى والطلق الصناعى وبعدها فتح الطبيب كيس الماء وحوالى الساعة الواحدة والنصف او الثانيه دخلت غرفه الولادة وكنت احاول ان اعرف لماذا تبكى امى وزوجى والممرضات يقولون من شدة خوفهم عليك وبعد معاناة فى غرفه الولادة احسست بشئ ينزلق وبالالم يزول وصسمعت صوت سوائل تقع على الارض عرفت لحظتها انى ولدت واستدرت لارى طفلى ولكن الممرضات كانوا ذهبوا به وعندما سألت لماذا لم يبكى قالوا انه يعانى من نقص بالاكسجين وانه بالحضانه
وفى المساء عرفت الحقيقه وان ابنى مات وانه كان ميت منذ الصباح منذ احسست بالرجفه القويه .اسفه على ذكر القصه الحزينه ولكنى لاول مرة اكتبها فى قصص الولادات لتستفيد منها كل من هى على وشك ولادة
اولا لا تهملى موعدك مع الطبيب ابدا اعلم ان كل شئ بيد الله ولكن الله امرنا ان نأخذ بالاسباب
ثانيا انت من يشعر بالالم فلا تستمعى لأحد وبادرى بالذهاب للمستشفى ولو للاطمئنان
ثالثا لا تهملى اى دواء يكتبه لك الطبيب
تعبت من الكتابة اترككم الان ولى عودة مع ولادتى الثانية

غرشوب رعبوب
حلوه قصتك أتمنى أنك تكتبين بقية القصص ............طماعه
mishmish
الله يساعدك ويجبر بخاطرك والله قصتك مليانه عبر
ونصايحك رائعه وأنها من واقع عشان كذا الواحد يأخذ حذره
ويسمعلها زين
على فكره أش رايكم بعد كم قصه نلخص النصايح الي كتبتوها أنتم
في رد واحد وكل بعد كم قصه يتجدد ونزيد عليه الجديد ويبقى عند كل وحده فينا
فكره جيده عن هذه النصائح
أذا أنتم موافقين قولولي
منتظره جديدكم...

السلام عليكم ورحمة الله وبركاته
مشكلت أغلب بنات منتدانا على هذا الحال
تدخل تستفيد ولا تفيد ياأختي أكتبيلك لو كلمتين اوحتى شكر بسيط
أنا خففت وقلت أكتبوا فقط الساعه الحاسمه وماترينه تجربه مفيده
أو نصيحه عن تجربه وفي النهايه كلنا سوف نستفيد
والي تقول مثلا ماقد ولدت نقول هاتي أي قصه تعرفينها مو شرط قصتك
والله يابنات هول الولاده وملحقاتها من خياطه والآم مأثره على أغلب نفسياتنا
يعني مافي حامل الا وتفكرفيها فلمن تسمع هذه القصص تتونس وترتاح
وتأخذ حذرها لأي موضوع تنبهون عنه
ليش مانتساعد ونكتب هي مجرد كتابه مو ولاده من جديد وحتى
الله يسامحكم توقعت تجاوب أكبر من كذا
على العموم أشكر كل من جبر بخاطري وكتب لي
....

موضوع حلووو ويشوووق
انا ان شالله بس يكون عندي تجربه بحكيها لكم اكيد امووونه :)