ma2moons....الم الولادة يبدأ مثل الم الدورة ولكن يزداد مع الوقت وانا كلما ازداد كنت اشعر بالطلق يبدا من اسفل بطنى ويلف الى ظهرى وساقاى الى الركبتين

امونه ...ماشى كلامك

موضوع حلو ......مشكورة ياامونة عليه ........وتراني مثلك اموت على قصص الولادة

بقولكم قصة ولادتي .......مر يومين على الموعد اللي المفروض اولد فيه .......وكنت الليلة اللي قبل يوم ولادتي مصرة اولد ....يعني اولد .....خخخخخخخخ كنت اشرب زعتر وقرفة وامشي يوميا من الشهر الثامن ....وفي هذي الليلة بالذات مشيت مسافة كبيرة ورجعت وتعشيت ونمت على الساعة 3 الفجر ......بدون اي احساس بألم .....
وفجأة على الساعة 9 الصباح حسيت بألم شديد مااعرف حتى اوصفه .......تقولون مثل الدورة .....اي دورة يابنات والله انها ارحم من ذاك الالم اللي حسيته ......وانا بيني وبين نفسي اقول اذا هذا الم الطلق خلاص هونت ماابي اولد....هههههههه كأن الموضوع على كيفي .

المهم رحت المستشفى وكان الرحم عندي 5 سم .....وعملت نفسي بطله وقلت لهم ماابي كرسي ابي امشي ......وخطوتين والحالة تزيد ..غيرت رأي ابي كرسي احسن
المهم على طول حطوا جهاز لقياس نبض الجنين وكل شوي يقيسون ......والله القياس عندي اصعب من الولادة ......نقلوني لغرفة الولادة وزوجي بعد قلبي معاي واقف يقرأ علي ويصبرني بس من يسمع .....وانتظرت الى الساعة 2 الظهر لان فتح في هالوقت الرحم الى 10 سم ....قلت الحمدلله هانت خلاص جت لحظة الدفع وقريب بنخلص .....وانهارت قواي والقمر ولدي مو راضي يطلع ....وصراخي زلزل المستشفى .....والمسكين زوجي لقاله طق مني ...هههههههه هذا عرفته بعد ماولدت طبعا لاني ماكنت في حالة طبيعية والله .
المهم استعرض البيبي ونقلوني الى غرفة العمليات .....واخر شي اذكره لما سألني دكتور التخدير عن متى اخر وجبة اخذتها والظاهر هاوشته بعد...خخخخخخ صايرة مجنونة يومها الله لايبليكم .....وجلست المغرب وتصدقون لما جلست مالقيت احد ولاعرفت شنو صاير ......دقيت على بيت اهلي وكلمني ابوي وسألته شنو جنس البيبي؟؟؟؟؟؟
هذي تجربتي .....وللحين مو عارفة ليش بالضبط كانت ولادتي بعملية لان الدكاترة هناك ماعطوني رد محدد.......وادعولي يابنات احمل مرة ثانية وان شاء الله تلاقون في قصتي فايدة ...الا الطق هههههه

سلااااااام

انا عندي ولدين لمن راح اذكر لكم قصة ولادتي في ولدي البكر
انا كنت نائمه وصحيت من النوم الساعة 3ونصف العصر وكان زوجي لابس وراح العمل المهم دخلت الحمام الله يكرمكم

الا شي انفقع ونزل موي كثييييييير والله خفت المهم اتصلت على زوجي وجاء بسرعه وفي الطريق اقول لزوجي معقوله الولاده كذا سهله لان ماكان معاي طلق ولا شي
ياعيني علي ما دريت ان الالام ينتظرني المهم نزلت المستشفى وزوجي راح يجيب امي
كشفت على الدكتوره وقالت ولاده ولا قالت لي كم مفتوح ولا شي
دخلت غرفة الانتظار وجاءت امي وانا مافي ولا شي جاءت الممرضه وسوت لي طلق صناعي يا الله يابناااااااااااات ذقت المووووووووووووت وامي تطلع من عندي تروح تبكي وتجي وانا صراخي

يسمعه الى برا المستشفى والله من قوة الاالم اقطع شعري وانا مادري المهم تشنجت وتجمعو على الدكاتره وضربوني ابرة و امي ياحياتي تبكي والله صارت تمشي بدون الصندل الله يكرمكم

المهم على الساعه 1في الليل قالو فتح الرحم ودخلوني الكشك وانا ادف وفي الاخير صرت ماعاد في حييييييييييييل من الالام الى هد حيلي وسوا شفط للجنين وبا القوة طلع وراسه مجرح من الشفط يا حياتي

وجبت احلى ووولد في الدنيا ةالان هو في المدرسه وحنوووووووون على مررررررررره يارب تخليه لي

وان شاء الله اكتب قصت ولادتي في الثاني وهي سهله ولله الحمد

وان شاء الله ري يسهل علي حملي الان ولادتي ياررب دعواتكم

أمونة ... و لا تزعلين اول ما اطلع من الولادة اكتب لك القصة ان شاء الله

انا باقول لكم قصتي ...خوف من امونة ,,قاعده تهددنا :)

انا ولدي رقم (3) ولدته بعملية....المهم ما ودي احكي سوالف كثير وباعطيكم الزبدة..انا متعودة اني في اخر اسبوع من الحمل في موعدي مع دكتورتي تسوي لي مساج لعنق الرحم...تراه يوجع واسوي فضايح في المستشفي بس عن جد يفتح الرحم ويعجل الولادة....انا سويته في اخر موعد واللي هو كان اليوم المتوقع للولاده ....وما رجعت البيت الا وبدت علامات الولاده ...بس قلت باصبر معليش...لين صارت الساعه 10 بالليل...صار الوجع ما يستحمل ..قلت خلاص ...مانوا بناتي نايمات وهم صغار الكبيره فيهم كانت سنتين ونص :( ..,م\انا في امريكا لا اهل ولا قرايب ولا احد يجي عندهم....المهم اتصلت على (البيي ستر) اللي كانت تجيهم وكانت اخت مسلمة طيبة ...قالت انا جايةو في الطريق ...انا ما قدرت ...خلاص خفت اولد...نزلنا وتركنا البنات لحالهم :( وتركنا المفتاح مع ( السكيورتي) حق البناية ورحنا للمستشفي ..رحت مشي :) لنها قريبى علىبيتي ....بس كنت كل شوي اوقف واصيح وبعدها اكمل وامشي :)
المهم ...في والولادتين اللي قبل سويت فيها طرزان وما خذت ابرة الظهر ...هالمرة قلت لا خلاص كفاية فضايح ...بوسطن كلها عرفتني من صراخي...المهم جو وعطوني الابرة وانبسطت..قلت وش ذا النعمة اللي كنت حارمة نفسي منها :) عن جد ةلا تحسين بشي....
المهم...الرحم مفتوح بشكل كامل والولد ما راضي ينزل ..كل ما نزل شوي ضعف نبضه...لحد ما ضعف كثير....ما حسيت الا الدكتورة تقول لي لازم نسوي عملية طارئه الحين ضروري....
قالت لي احتمال كبير الحبل السري ملفوف على رقبة الولد:(
عاد انا ارتعت وصرت ابكي...جو وعطوني زيادة بنج ,,,,وودوني غرفة العمليات وطبعا كل شي صار وانا صاحية ...حاسة فيهم يلوصون في بطني وزوجي معي يقول شفت كبدك :) مبسوط اول مرة يشوف تشريح :)
بس انا كنت خايفة عن جد وهم يطمنوني انه هذا شي عادي في غرفة العمليات ولا تخافين من الحركة الزايده ....
المهم طلعوا الشيخ...,صار كلام الدكتوره صحيح...الحبل السري كان ملفوف على رقبته مرتين مو مره وحده ..وكان وزنه كبير بسم الله عليه تقريبا 5 كيلو :)
طبعا انصدموا من حجمة وفي غرفة العلميات قاموا يسوون تحاليل لا يكون فيه سكر ولا شي....والحمد لله كان طبيعي ...بس انا كنت مفجوعه في الحمل واكل اكثر من الازم :)
التعب كله بعد العملية ....الوجع كان لايطاق ....ولازم ارجع بيتي ولا عندي احد يساعدني غير زوجي الله يجزاه خير ,,,هذا غير دراستي اللي رجعت لها بعد 3 اسابيع :(

وهذي كل القصة :)