موضوووع جدا جميل تعجبني الناس الصحيه هههه
الله يسعدك يارب.. طبعا انا لي فتره ماشيه ع نظام صحي بدون حرمان وماشاءالله كمان نقصت عليه كتير وان شاالله ح اعتمده برمضان وبزيد عليه كم حته بسم الله ابدا..
اول حاجه السمبوسه
سمبوسه الخضار.. طبعا السمبوسه ما تنقلي بتكون مشويه فالقلايه الهوائيه واللي ماتقدر بالفيلبس غاليه في شركات كثيرة نزلت بالسوق وكبيرة كمان مثل شركه امجوي والسيف ب295 وتطلعها لك كانها مقليه.
سمبوسه الخضار*
اشتري الخضار المجمده وشوحيها بشووويه زيت زيتون لحتى تنضج تضيفي الكزبرة البقدونس الكراث والملح والفها وع الفريزر قبل بساعه تطلعيها وفالشوايه الهوائيه..
سمبوسه الدجاج..
نجيب صدور الدجاج نفرمها بفرامه البصل لو ماعندك فرامه ونشوحها ببصل وثوم وخضار ونلفها وع الفريزر وتفصليه قبل تسويها بساعه.. طبعا زي مااسمع ان القلايه الهوائيه بدون زيت تخليها نفس المقليه وجاري التجربه ان شاءالله هالايام اذا وصلتني واقولكم رايي فيها..
المسقعه الصحيه وبسعرات حراريه قللليله*
نقطع الخضار شرائح بطاطس باذنجان فلفل رومي طماطم كوسه لو حبيتي ونمسحها بشوي زيت زيتون ونرصها طبقات بالقدر الضغط مع رشه ملح بين طبقه وطبقه وطبعا بالنص ح تكون الحشوة كشنه تونه او كشجنه صدور دجاج مفرون ومشوحه او لحم مفروم مشوح وبعد ماتخلصي الطبقات تخلطي بالخلاط طماطم ومعجون طماطم وبصل وفلفل وثوم وبهارات وشويه ملح وكزبرة وبقدونس وتصبيها عليها طبعا تكون قليله الخلطه عشن ماتصير مرق كثير واضغطيها بقدر الضغط ع نااار هاااديه ربع ساعه بس وشوفو الطعم.
المحاشي صحيه وقليله السعرات وبدون زيت نهائيا..
فرغي البطاطس والكوسه والباذنجان والفلفل الرومي طلعي اوراق الملفوف وحطيها بقدر يغلي ع النار وجيبي البصل ويفضل البصل الابيض وقشريها وقطعي اطرافها وقصيها بالطول الى ننطقه النصف ووقفي وارميها مع الملفوف بتتسلق وتتفكك طبقات البصل ويسهل عليك لفها تخليها تغلي ع النار البصل والملفوف عشر دقايق وجهزيها للحشو الحشوة تكون رز مصري مغسول تحطيه بقدر وتخلطي بالخلاط طماطم ومعجون وبهارات وكمون ودبس وشويه خل وملح وكزبرة وبقدونس وشبت وفلفل رومي وبصل وثوم كللله بالخلاااط وصبي نص الخليط ع الرز وزيدي الرز شويه مويا لحتى يقرب ينضج احشي الخضار رصيها بالقدر الضغط زيدي ع الخليط اللي بالخلاط ملح ودبس وصبيه ع الخضار المحشيه طبعا يكون الخليط شوي عشان مايصير مرق كثير ونضغطها بقدر الضغط ع نار هاديه ربع ساعه واستمتعوا بالطعم.. طبعا المحاشي انا اقسمها واحطها بصحون ع الفريزر واذا اشتهيتها اطلعها نص ساعه بعدين اسخنها بالمايكرويف كنك توك عانلتها يعني تقدري تسوي كميه اسبوع واللي تحبه بطريقه رجيم تغير الارز تحط الرز البني سعراته قليله وباليافه بس يطول بالطبخ..
البان كيك بالشوفان .. وتقدري تعملي منه قطايف وقليل السعرات وصحي
تخلطي بالخلاط بيضه وكوب حليب المراعي وذرة ملح وسكر ستيفانيا بدون سعرات حراريه وفانليا وبكنج بودرة وشوفان مطحون تكون سائله العجينه وتصبيها فصينيه اقراص صغيرة لو تبينه بان كيك تحشيها موز وفراوله وهيرشي دايت بدون سعرات تلاقيه فقسم الدايت فبنده ولذيذ.. ولو تبينه قطليف تحشيه قشطه بلدي وصبي عليه. عسل..
طبعا سلطه الفواكهه شي معهم على سفره رمضان
وكمن حاولوا التوت مايعتب بيتكم ولاالسنكويك استغنوا باللبن او عصير طازج تعملوه بالبيت عندي عصاره حدود الميه ريال ماشاالله ياعليها عصر تطلع القشر نااااشف اعصر فيها برتقال تفاح جزر عنب
واهم حاجه فالفطور المعده ارحموها لاتفاجئوها بالاكل اول شي تمرات مع لبن وماء وبعد الصلاه اكلو شوي شوي مشكلتنا شعب يحب الهجوم خخخخ
ولي رجعه لموضوعك الرائع..
موضوووع جدا جميل تعجبني الناس الصحيه هههه
الله يسعدك يارب.. طبعا انا لي فتره ماشيه ع نظام صحي...
-لو تعرفون السويق - الدخن المحموس - فيه ناس يسمونه خواضه المهم اسويه ب زيت زيتون بدل السمن
-المهلبيه اذا سويتها احط معها شوفان وهيا ع النار
-اذا عندي كشنه اعملها ب زيت زيتون واذا فيه صينيه مصقعه او خضار مقليه احط ف القلايه تيفال شوي زيت زيتون واحط الخضار فيها
بدل القلي وتطلع حلوه
-العصير اسوي ف الخلاط طبيعي بدون سكر اذا فيه موز او تفاح يكفي حلاه