وساام👵

وساام👵 @osaam_1

عضوة نشيطة

ألذ فرنش توست

المعجنات والمخبوزات والسندويتشات

صباح الخيررر صباح الاجواء الحلوه 💜

لاحظظت ما شاء الله علي صايره أغلب مواضيعي ذا اليومين أكل 😂عاد هذا الشتاء وهذي حركاته وش نسوي 🙈 المهم

اليوم سويت لي فرنش توست فطوري للدوام قلت بدلع نفسي شوي دام الجو حلو والصدق طلع الطعم مره لذيذ وخفيف على المعده جازت لي الطريقه مره وودي انكم تجربونها جعله بالعافيه عليكم 💛

الطريقه من أسهل مايكون :

تجيبين باديه تحطين فيها حليب جاهز المراعي أو أي حليب تفضلونه نص كاس تقريباً وبيضة وشوي فانيلا سايله ورشة قرفه خفيييييفه مو كثير بس عشان يعني تعطي طعم ، بعدين تجيبين الطاوه تدهنينها بزبدة تقريبا نص اصبع وتجيبين التوست وتغمسينه بالباديه اللي فيها الحليب وبعدين تشوحينه مع الجهتين ، ببعدها حطيت عليها شوي عسل وسكر مطحون وبس والله مرررره لذيذه 😋
وممكن تحطين نوتيلا وفوقه فراوله إذا ماتبينها بالعسل والسكر😍
4
1K

يلزم عليك تسجيل الدخول أولًا لكتابة تعليق.

تسجيل دخول

زائرة
تسلم الأيادي
بنت الأمير التميمي
هل انا الوحيده الي مااحبه
غيمه دافئه
غيمه دافئه
تسلم يدك
ورده الجوري
ورده الجوري
رووووعه الله يسعدك ويوفقك .