الله يعطيك العافيه اختي سايلنت..على اجابتك بالعكس اجابتك كفايه بطلت اسألها..

بس بسألك كيف وضعك الان تحسين باختلاف الولادة الاولى الي فيها خياطه..

معليش سؤالي فيه شوي لقاااااافه....او فضول بس ايش اسوي محتاااره وشايله هم..
وبنسبه لصعود الدرج بعد كم يوم ...لان غرفتي في الدور العلوي..وانا ناويه اجلس
في نفاسي تحت في الصاله وانزل اغراضي..

الله يعافيج حبيبتي .. :) ..

الصراحة هذي اول ولادة لي .. بس لي خبرة من اللي شفته على خواتي ...

يعني كنت اشوفهم من يطلعون من المستشفى ويرجعون البيت اغلب الساعات راقدين بالسرير !!! واختي اذكر انها كانت تحتاج شي من الطابق العلوي .. وانا ما كنت جنبها .. فالمسكينة لوحدها صعدت ونزلت .. قالت لي ان عذاااااااب الحركة غصب تحركت !!! :( كل هذا بسبب الخياط ..

اما انا والحمدلله بعد نص ساعة من الولادة قمت تحممت لوحدي بدون مساعدة احد .. ورابع يوم رحت مطار هيثرو الدرب تقريباً ساعتين الا ربع من بيتنا .. ونزلت المطار مشيت ليما سافرت والدتي ورجعت البيت كمان درب ساعتين الا... ومعاي البيبي وقتها لان ماعندياحد احطها عنده!!!

وبعد ما سافرت امي اضطريت اني اطبخ لنفسي .. يعني صاعدة نازلة الدرج .. اتصور نظام بيتج مثل بيتنا .. وعلى غرفة النفاس .. حبيبتي خليها غرفتج العادية فوق .. لان بعد ما ترجعين ان شالله بالسلامة ماراح تنزلين كثير الا للمطبخ .. وخلّي عندج الماي والعصاير وصحن الفواكه والمكسرات والتمر وكذا يكفيج طول اليوم او اليوم اللي بعده .. :)

يعني انا ماكنت اتعذب بالمشي مثل ما كنت اشوف خواتي .. لان ماعندي خياط طبعاً ... بس التعب تعب الظهر واحس ان نبضات قلبي تزيد .. فماكنت اشتغل وايد بالبيت اول اسبوعين ..بس اشوف نفسي تعبت علطول اوقّف واروح ارقد شوي ..

والحمدلله مع التمارين اللي قلت لج عنها .. كل شي طبيعي الحين .. بالعكس اشوف الوضع بدون خياط احسن .. يكفي تعب الولادة وتعب السهر وووو .. بعد نزيد فوقها عذاااااب الخياط ؟ ههههه بس هذا من وجهة نظري .. يمكن غيري تفضل الخياط .. :)

والله يسهل امورج ان شالله ويقومج بالسلامة حبيبتي انتي والبيبي .. :)

الله يعطيك العافيه اختي سايلنت والله ما قصرتي بردك .....الله يخليلك بنوتتك ويحفظها من كل شر..
وعندي ملاحظه انا مو ناويه نهائيا انام في غرفتي وقت النفاس مدري كذا منحرجه من زوجي لان الي في النفاس انتي عارفه الحلب وريحته.....ايش رايك ناويه اكون في غرفه لوحدي مع النونو خصوصا العشرين الاولات من النفاس

ايلاف توصلين بالسلامه يالغلااا طمنينا عليك وعاد لا تقطعيناما نستغني عن نصايحك ..
سايلنت يسلمو على التمارين ويارب ترزقنا الرشاقه واحنا بصحه وعافيه:)
كلمه ونظره الله يهون عليك..

وسلامي للجميع.:26:

الله يعافيج حبيبتي .. والحمدلله اني افدتج ،، والله يسهل ولادتج ان شالله ..:)

بالنسبة للحلبة الصراحة انا ما استخدمته :p بس من كانت والدتي عندي اول اربع ايام كانت تسويلي شي اسمه الحسو .. وهو فيه شووووية حلبة ... بس ما كان له ريحة قوية .. > الصراحة ولا مرة شفت او شميت الحلبة ولا اعرف عنها ههههههههههه

والله الشي راجع لج .. اللي تشوفينه الافضل والاريح لج ...:)
بس ساعات راح تحتاجين مساعدة خصوصا اول الايام .. ومالج الا زوجج يساعدج فيها ..

مثلا انا كنت احتاج لحاف اضافي للبيبي وانا ارضعها .. مايصير اقوم وقت الرضعة .. او كلينكس .. او مخدة .. او تعطشين وتبين تشربين ماي او عصير وما تطولينه ... لانه الرضاعة تعطش مثل ما تقول المدوايف ولااازم جنبج ماي وعصاااير تشربين كل شوي ... فمنو يسوي كل هذا .. كله على الزوووج تعال وساعدني .. يا شين دلع النفاس ..هههههههههه

ومثل ماقلت الشي راجع لج حبيبتي .. :)


خيتي نسمة فجر ،، الله يسلمج وعافيج :)
وهالله هالله في التطبيق .. ههههههههههههه