اللهم ارزقــــــــــــــــــــــــــها الذريه الصالحه ياكريم
اللهم ارزقــــــــــــــــــــــــــها الذريه الصالحه ياكريم
اللهم ارزقــــــــــــــــــــــــــها الذريه الصالحه ياكريم
اللهم ارزقــــــــــــــــــــــــــها الذريه الصالحه ياكريم

:26:

مرحبا اختي جنان

ادعو الله ان يلهمك الصبر على ما تتحملينه من ام زوجك

حبيبتي عندي لج كم نصيحه و اتمنى انه كلامي ما يزعلج

اول شي المفروض انج ما تردين على ام زوجك ولا تفكرين بهالشي لانج اذا فتحتي الموضوع معاها يمكن ينقلب الى مشكلة وبعدها بتنقلب المشكلة بينج وبين زوجك

ثاني شي انا اعتب على زوجك انه يقولج هالكلام المفروض حتى لو امه قالت له هالكلام انه ما ينقله لج حتى لو بتقولين انه يحبج و ما يخش عنج شي ... المفروض ما يفتح هالموضوع معاج لانه عارف انه يجرحج فخلاص ليش يكرر عليج نفس الموضوع ويقول امي قالت وقالت ( الا اذا هو مقتنع بكلام امه ويبي يقنعج علشان توافقين انه يتزوج غيرج ).. انتي عارفه رايها خلاص فلا يقعد يكرر عليج نفس الموضوع وياريت تقولوين له انه هالكلام يجرحج وانه خلاص حتى لو امه قالت له مثل هالكلام لا عاد يقول له لج

ثالث شي من كلامج فهمت انه زوجك هو اللي ما يبي عيال الحين لانه مشغول ومش متفرغ ولو انه صج يبي عيال كان راح وياج المستشفى وحاول قد ما يقدر انه يحقق هالشي مب يتحجج بالشغل وانه مب فاضي ترا الوقت يجري وبعدين ما راح تلاقين نفسج الا والوقت سرقكم وخلاص ما راح تقدرون تييبون عيال (( يعني المفروض يحرك نفسه شوي على هالموضوع ))

رابع شي واهم شي نصيحة اختي لا تشمتييييييييين في اخت زوجك ترا يمكن يحصلك شي اخس منها من امراض او ابتلائات.. تخيلي حالها وهي عارفه انها محرومه من طفل يقول لها ماما .. هي مبتلاه والله حرمها من العيال مب علشان امها تمت تحن عليج ولكن لان الله قدر عليها هالشي ... لا تشمتين ترا يمكن الحين تقولين انه مشكلتك بسيطة لكن مع الشماته فيها يمكن الله يبتليكي بمرض او يحرمك من العيال مثلها ويروح زوجك يتزوج عليكي صج ووقتها ما راح ينفعج شي

واخيراً ادعو الله أن يهدي ام زوجك وزوجك ويهديك الى ما يحب ويرضى وأن يرزقك الذرية الصالحة

شكرا خواتي الغاليات على مروركم وعلى نصايحكم والله يعيني ويصبرني عليها الصراحه اسلوبها ومعاملتها وايد تقهر لا ولسبوع اللي طاف بنتها لصغيره تزوجت وهاذي احب بناتها لها مافكرت ان ممكن الله يبلي بنتها في عمه اتبهذلها مثل ما اهي مبهذلتني :44:

تدرون الحين وانا اكتب لكم زوجي طرشلي مسج فرحني واااااااايد شوفوا شنو كاتب
لي غالي لو يبتعد عني
يبقى عندي قريب
مثل نبض القلب فيني ما يغيب
الله لا يحرمني منه شفتوا اشكثر يحبني بس الله يسامح امه احس انها وايد تغار مني علشان جذيه تبي اتخرب اللي بينا حتى انها مره اسألته منو اتحب اكثر انا ولا زوجتك جان يقولها حبج انتي غير وحب جنان غير انتي امي وهاذيك زوجي وكل وحده حبها غير .

اختي همس الجراح كلامج صح زوجي مو مستعجل على لعيال لانه مشغول بدراسته وشغله بس امه الله يهديها مو مخليته بحاله وهو يوم نقلي كلام امه ما كان قصده يضايقني لان بداية كلام امه حلو لما قالت له احنا ما نرضى انك اطلق جنان لانها طيبه وحبوبه اهو كان يبي ايبين لي ان امه اتعزني ولا تبيه يطلقني بس تبيله عيال فهمتي قصدي وكان مستانس ان امه امدحت اخلاقي بس انا تضايقت لانها قالت له يتزوج علشان يمكن الله يرزقه عيال من زوجه ثانيه وبالنسبه لأخت زوجي انا ما اشمت فيها بس انا حبيت ابين لكم ان كما تدين تدان امه حرضته على الزواج ودايما تفتح له سالفة لعيال كأن امر الحمل بأيدي مو بيد رب العالمين علشان جذيه الله ابتلى بنتها علشان تكون لها عبره وتحس باالمعاناه اللي انا اعانيها ان شاءالله اختي فهمتي قصدي ومشكوره على مرورج حبيبتي .

فهمتج والله حبيبتي

واسال الله ان يهدي ام زوجك ويرزقك الذرية الصالحة

واعذريني عزيزتي اذا كان كلامي قاسي شوي بس ترا كلنا مرينا بمثل هذي الظروف مع اهل الزوج وحنا نحاول نعطيج نصايح من واقع تجاربنا علشان ما تقعين في نفس الاخطاء اللي وقعنا فيها.. ترا الواحد اذا بتتوتر اعصابه على كل مشكله تواجهه ما راح يقدر يعيش براحة