جـــــــــــــزاكم الله خير خواتي الغاليات على ردكم ونصايحكم

بس الصراحه رد بعض الاخوات زعلني اللي قالوا امه ماتلام تبي تشوف عياله طيب خواتي انا معاكم ان من حقها تشوف عيال ولدها بس ها الامر مو بيدنا بيد رب العالمين والمفروض انها تدعي ربها انه يرزق ولدها الذريه الصالحه من زوجته اللي اختارها قلبه واللي يحبها مو من زوجه ثانيه صح ولا انا غلطانه ؟ مو تقوله روح تزوج اهي مافكرت غير بالعيال مافكرت في ولدها ومصيره اذا تزوج من وحده ثانيه انه ممكن ماتعامله بنفس المعامله اللي انا اعامله اياها انا مو مقصره معاه والكل عارف ها الشي وهو سعيد معاي ويحبني ومافكرت ان زواجه بيسبب له ولي مشاكل احنا في غنى عنها :( وبعدين اهي لما مدحت اخلاقي مو لانها ها القد اتحبني لا لان من تزوجني ولدها عمري مارفعت صوتي عليها بالرغم من اسلوبها البايخ معاي والله العظيم يا بنات انا عشت معاها في بداية زواجي تقريبا شهرين او ثلاث كانت اتعاملني على كيفها مزاجيه مره تبتسم بوجهي وتظحك وتسولف معاي ومره بدون اي سبب اتبوز وماتكلمني حتى بناتها نفس الطبع حتى زوجي كان يستغرب من اسلوب امه وخواته وهذا اللي خلاه يطلعني بشقه بروحي وهي من النوع اللي يغار وايد يعني اذا شافتني لابسه وكاشخه تقعد تسألني شنطتج من وين وعبايتج من وين وبكم ومادري شنو وبالنسبه للعلاج منو قالكم اني ما سعيت ومارحت اكشف مستحيل اقعد كل ها السنوات حاطه يد على يد وساكته اصلا انا اموت في اليهال رحت مع امي الله يرحمها :44: والله اني افتقدها حيل:( ورحت مع زوجي وقالنا الدكتور ان العلاج يمكن ياخذ ثلاث شهور بس زوجي قاله عيل بنأجل لوقت ثاني لان عندي وايد اشغال ويوم شافه الدكتور مو فاضي قالنا اذا تبون طفل الانابيب بسويلكم ووافقنا والمستشفى بعيد عنا وايد وسوينا طفل الانابيب بس فشل طبعا هذا كله بالسر بدون لا تدري امه زوجي مابغى احد يعرف قالي اذا حملتي بنعلم امي والاهل كلهم واذا ماصار حمل مابي احد يعرف بالموضوع لان زوجي من النوع الكتوم وايد ومايحب احد يتدخل بخصوصياتنا المهم بعد ما فشل طفل الانابيب قررنا ان احنا نصبر لين مايخلص زوجي دراسته وان شاءالله قريب راح يخلص وبعدين راح نتفرغ لنفسنا وحنا مو فاقدين الامل انا دايما أحلم احلام حلوه وكله تفسيرها ان الله بيرزقني الذريه وهذا اللي مصبرني واللي مصبرني اكثر حب زوجي لي دايما يقولي مستحيل آخذ وحده غيرج انا خلاص راسم مستقبلي معاج انتي ودايما يقولي انتي طيبه وحبوبه واخلاقج عاليه وصبوره وهذا اللي محببني فيج انا ما مدح نفسي بس لان هاذي الحقيقه انا دايما راضيه بنصيبي والحمدالله دايما احمد ربي واشكره حتى ان صديقاتي وأهلي حاسديني على زوجي وعلى حياتي ودايما يقولولي مستحيل زوجج يشوف وحده غيرج لان الله عطاج الجمال والاخلاق فمستحيل يفكر بغيرج ولاني دايما اظهر لهم السعاده يعني مهما صار بيني وبين اهل زوجي مابين كله أكتم آسفه بنات لاني طولت عليكم بس حبيت اوضح لكم الامور.

والله اني تأثرت حيل بكلامك الله يسهل أمورك ويرزقك الذرية الصالحة ومالك الا الدعاء والصبر

أسأل الله العظيم رب العرش العظيم أن يرزقها ويرزق جميع المحرومات بالذرية الصالحة
عاجلا غير آجل يا أرحم الراحمين
آمييين

جزاج الله خير اختي الحبيبه لموية العسولة الصراحه اسعدني ردج واااااااااااايد :26:

الله يرزقك ويرزقني وكل أخواتي بالذرية الصالحة عاجلاً غير آجل...يارب...

:06:

حزنتيني ياختي

يعلم الله انا مدري ليش احبك في الله!

معاك في كل مواضيعك


اختي وكلي امرك على الحي القيوم

ودام زوجك ما يهتم بكلام امه ريحي نفسك واكسبي زوجك بدل لا تدمري حياتك علشان
كلام حماتك وزنها على ابنها

واكثري من الاستغفار لانه سبب في جلب الذرية

اللهم يارب ياكريم وياحي ياقيوم انك ترزق احتي جنان بالذرية الصالحة عاااااااااااااااااااااااااااااااااااااااااااااااااااااااااااااااااااجلاا غير اجلاا