مســــاء الخيــــر
في مثل عندنا يقول
((من حبك حب رواغدك ))
بمعنى اذا انته تحب شخص تحب كل شي من صوبه وله صله فيه
عزيزتي ...
الله يرحم امج ويجعلها في جنات النعيم
طبعا يا ما سمعنا من امهاتنا وصحنا بس ما شلينا في خاطرنا ليش لانها امنا
تخيلي الوضع بالعكس انتي الام وابنج يمر بنفس الظروف ما تبين اتشوفين اعياله
اعذريها وخليها في قلبج وعيونج صدقيني هيه ما قالت جيه الا من خوفها عليه ولا تنسين
انها امه ام حبيبج واعز شخص في حياتج واحس من كلامج انهاا نسانه طيبه حاولي تتقربين منها
واعذريها 8 سنوات مش شويه لازم تشوفين الموضوع بأبعاد ثانيه دائما الانسان لطبيعه خلقها الله
فيه يرى نفسه المظلوم ....وقد يكون صحيح وفي اكثر الاوقات العكس لا تحزنين وتاكدي انها ما تبا تحررج لا
تبا تشوف عيال ولدها تبا تفرحبه لازم تعينينه على دنياه وتاخذين بيده ولازم لازم تتقبلين اي شي منهم بنفس طيبه
اذا انتي فعلن تحبينه هيه الي يابته وسهرت عليه وربته خليها تحس بصدق حبج الها وعامليها بكل حب وحترام
يقولج (( الطيب غلب الطبيب)) ومشكلتج لا في ايدج ولا في ايد ريلج هذا شي من الله سبحانه وتعالى اكثري من الدعاء

اما بنسبه لكلامه ...!!!

((((((((((امس لما شافني عصبت وايد وتضايقت قالي خلاص اوعدج اذا امي افتحت ها الموضوع مره ثانيه بقولها سكري ها الموضوع ولا عاد تفتحينه ومابيج تدخلين بيني وبين زوجتي )))))))))

أبدا لا تشجعينه على جيه حرااااااااام يجرح امه
حرااام هيه مش قصدها تدخل ولا تخرب بيتكم هيه همها تشوف اعياله
لازم تقوليله لا تقولها جيه اصبر وبنحتسب
لله حرام والله مهما شفتي منها هذي هيه الي تعبت عليه وخلته ريال بهالقلب
وبهالحنان تاكدي انه ماخذ من اطباعها الكثير وانتي مشالله تبارك الرحمن مرتاحه وياه
يعني المفروووض نردلها الجميل لا تنسين هيه الي اختارج اجمل عروسه لولدها اصبري اصبري
والدنيا فانيه وانتي بتعيشين عند اهل ريلج اكثر من اهلج لازم تتعاملين وياهم بصدق وحب مع الوقت
كل شي بيتحسن صدقيني اما سالفت اليهال والرجل مشغول وتترينه يخلص ما انصحج بالتالي اعتمدي هالاشيء
1_ سورة البقره كل يوم
2_ الدعاء لله بقلب صادق
3_ قيام اليل
4_ من باجر تروحين لدكتور ذو سمعه طيبه
وتروحين ويسويلج كل الفحوصات الازمه
واي ريلج في موعد ثاني وكلها يوم واحد بس
ويفحصه وتشوفون النتائج واذا لا سمح الله
عنده ضعف او ما شابه ممكن علاجه او تراجعين
طبيب اطفال الانابيب المسأله بسيطه بأذن الله
وبترتاحين من المشاكل وبتصير ام ريلج امج ( ياليت والله )

أسعا يا عبدي واسعى وياك
توكلي على الله وبتدي التفكير بشكل ايجابي
وبأذن الله موفقه احس فيج طيوبه وخلوقه ودينه
والله بيكتبلج الي فيه الخير ولا تنسين ((دعاء الص ))
جربته اكثر من مره والله العظيم والله ان الي اباه ايني والحمدلله

الله يارب يرزقج من فضله .

الله يبارك لك في زوجك ويخليكم لبعض
اما ام زوجك مادام 8 سنين وزوجك ما تاثر وش اللي بيخليه يتاثر الحين خصوصا ان السبب منه انه ما اخذ وقت فاضي يعني هو مقصر معك لا تفكرين في الموضوع وترا الحريم الكبار يتغير حالهم وتفكيرهم اذا كبروا لا تاخذين بخاطرك عليها والله يعين عيالنا علينا اذا كبرنا

والله يرزقك بالذريه الصالحه عاجلا غير اجل

على قول المثل مادام معي القمر مالي ومال النجوم..
الله يخلي لك زوجك ..
ولا تهتمين بكلامها ياما سمعنا بس حطي اذن من طين واذن من عجين..

ما شاء الله عليك قلتي الي في خاطري

طالما هناك محبة بينك وبين زوجك ..فهذه نعمه يجب عليك صيانتها ..وزيادتها بالحمد والشكر (ولئن شكرتم لأزيدنكم)

ام الزوج ..قد تكون أنانيه في حبها (وهذا ليس مطلقا انما وصف محصور لبعض الامهات )ولكنها لاتريد أن تؤذي ابنها او تدمر حياته
كل قصدها ان ترى ابنها سعيدا ومنعما بالزوجة الحنون والذريه الصالحه
وحينما تتكلم عن الاولاد فلا تقصد جرح مشاعرك انما ..تهدف لسعادة ابنها ..فلا تؤاخذيها على ذلك
انما حاولي ..ان تتجاهلي كل ما يحصل من ناحيها فهي ام ووالده وقبل كل شئ والدة زوجك الحبيب
ومن اجل عينه تكرم مدينه ــــ مثل عامي ــــ

انت اجتهدي في الدعاء ..لنفسك بالولد الصالح ولوالدة زوجك ..ان يؤلف الله بين قلبيكما على طاعته ورضاه ..ولزوجك ان يديم السعادة بينكما .. ولاتنسي الدعاء لاخت زوجك بالذريه الصالحه .فالملائكة تقول ..ولك مثله.

الدعاء يرد القدر ..ويكفينا ذلك ..

اختي جنان
انت امرأة متسامحه تحب الخير ..وتحبين زوجك ..وتريدين له السعاده فأي كلمه قد تذكرينها في حق أمه قد تؤذيه وان كان يحبك كثيرا ..فراعي حبه بالتماس العذر لوالدته ..والدعاء لها بالصلاح ..

اسأل الله أن يرزقك الذريه الصالحه ..وان يتم نعمته عليك بسعادة زوجك معك ..وان يؤلف بين قلبك وقلب ام زوجك على طاعته ورضاه