حبايبي ارجع واقول مافي ام ماتحب عيالها انا كنت اقول كدْاقبل زواجي وقبل اخلف لكن صدقوني الام احياناً تقسى لكن اسا لو امكم كيف تربت يمكن في جو فيه نوع من الجفاء والقسوه والانسان على ماتربى الله يحفظ امهاتنا والله مايعرف قيمة الام الااللي فاقدها

تصير والله كثير
أنا أمي تفرق كثير في معاملتي مع أختي احنا بنتين بس .. وفيه فرق واضح
هي بالمتوسط صغيره دايم تقولي هذي آخر العنقود ..
واسوي نفسي احيان زعلانه طيب أنا اللي أساعدكم واشتغل بالبيت وأكرف ولا يبين
وهي ماتسوي شيء وتآخذ كل الدلال .. أقولها بمزح
هي تقول توها صغيرها لازم ندلعها
بس أنا عاااااااااااااااادي تعودت عالوضع أحس أني صرت متفهمه أكثر
بس أجي أحيان إذا صرت مشتاقه لأمي أضمهاااااااا بقوووووه وتقولي بتذبحيني وهي تضحك
وتجي أختي طايره تبي توخرني أقوم أعطيها طراق ولا أقرصها تقولي وخري عن أمي
ماكنها أمي أنا بعد .. :)
المهم أنتي حاولي تغيري أسلوبك حاولي أنتي تتوددي لأمك تروحين لها تحضنيها تبوسيها
لا تخليك بعيد عنها .. في البدايه أنا كنت كذا مثلك حالي حال نفسي
بعدين صرت أنا اللي يتقرب منها ويجلس معها كثير
ولاحظت اختلاف كثير عن قبل .. صحيح الأولويه لأختي لكن مو مشكله
ماحط راسي براس أختي الصغيره ولا بينا شيء .. لإن مالها ذنب بالعكس
حتى هي أحيان تقولي ليه أمي ماتحبك مثلي .... :)
مدري لو أبوي مو موجود وش يصير بالدنيا .. الله يطول بعمره وبعمر كل من يعز عليكم
طولت عليك .. بس حبيت أقولك المشكله تصير كثير
حاولي أنتي تغيري من أسلوبك وبإذن الله تنحل المشكله
الله يوفقك ويسعدك دنيا وآخره

نفس امي بالضبط امي كذا اللي في البيت تصارخ وتاخذ حقها تلقيها تحبها وتداريها واللي تسكت وتحترم تديها على راسها والله ان اول عريس جاني وافقت وكنت صغيييييييييييييييره والسبب ؟؟؟ ابغا اهرب من اهلي باي طريقه

ومو معنى هذا اني ماحبها وربي اموت على التراب اللي تمش يعليه وهي بعد تحبني بس متباعدين عن بعض كثير حتى لو صارت لي مشكله مستحيل اقولها احس اني تبرمجت على فقدان الحوار والحنان معها الله يخليها لي ان شا ء الله ويخلي امك لك ويهديها
ارجع واقولك اصبري ان الله مع الصابرين

انا اصدقك وشفت بعيني بنات نفس ظروفك لكن بعد ماتزوجوا تغيرت معاملت امهم لهم لانهم صاروا بعيد عنها وعسى الله يهديها وسخرها لك ويخليلك ابوك ويرزقك رب العالمين انشالله الزوج الصالح اللي يعوضك عن الايام اللي مريت فيها وتصير كلها سوالف

طيب أنتي ملاحظه هالشي من صغرك؟
يعني طول عمرك تعاملك هالمعامله؟
اخاف عين ولا شي
الله يحنن قلب أمك عليك يارب