يا حياتي لا تتضايقين
امج يمكن من النوع اللي ما تعبر عن مشاعرها
ويمكن انتى مشغوله عنها وما تجلسين معاها
لهالسبب مب قريبه منها وايد
حاولي تحببينها فيج وتسولفين معاها وسوى اللي يرضيها موقتا
انا ابوي يووووووه انواع العصبيه وكل شي عنه غلط و و و
لكن حاولت ما اسوى اللي يزعله وحاولت اجلس معاه واتكلم معاه
واستشيره فامور الحياه لو اعرف الاجابه بس ابين له اني محتاجه خبرته بالحياه
وقربت منه صحيح ان للحين يعصب ويزعل وما اكون انا غلطانه ويظلمنى
لكن شو نسوى امنا وابونا هم سبب وجودنا بالحياه
والله ان زوجه اخوى ابوها والعياذ بالله يشرب خمر وبالبيت الله يهديه
ومع هذا عايشين حياتهم ويفتخرون بابوهم ويمدحونه
الحمدلله نحن مشاكلنا مع اهلنا اختلاف نظرتنا ونظرتهم للحياه
وترا لو فكرتي فيها الام مهما قالت كلام جارح ومهما زعلت
دورها كبيرررر الام حمل وولاده وسهر وتربيه طفل رضيع يعنى الام ما تنام وبالها مرتاح نفسنا ولا تشبع نوم طفل رضيع ممكن ينقلب علي وجهه ولا يختنق تخيلي سنه او سنتين الام لا ليلها ليل ولا نهارها نهار
وعيال ورا بعض تعب يا حبيبتي والله انا ربيت اخوانى الصغار وكنت اروح الشغل وارجع وعمري الحين 27 واحس نفسي مالي نفس لشي وزهق وتعب
وافكر كيف راح احمل واولد فيلم رعب وافكر كيف امى تحملت والله اتذكر كل لحظه زعلت منها واقول ياريت الزمن يرجع كنت ما راح ادقق علي كل كلمه
ولا راح ازعل لان بالنهايه الواحد ماله الا اهله
ادري طولت بالكلام وكلامي مو مترابط
بس يارب تتزوجين من انسان طيب وتحملين وتصيرين ام وراح تتذكرين هالكلام وتمرين بهالمشاعر

حتى اناامي ماتحبني من بين اخواتي ودائماتقولي اني مو من بناتهاواناحاسه اصلا بالشيء هذا هذا وانااصغروحده فيهم المفروض اكون المدلله بس بنصحك نصيحه طنشي وخليك بحالك ولاتردين على احد لين ربي يفرجهاعليك ويرزقك بولدالحلال الي يعوضك ويريحك

الله يحنن قلبك عليها وقلبها عليك يارب
عندي حل مدري اذا ينفع
قولي لها مشكلتك على انها مشكلة وحده من صديقاتك بالجامعه وانك تستشيرينها وتبين مشورتها عشان تقولين للبنت الحل بس عاد انتي غيري بالاحداث بس الزبده نفسها
شوفي وش الحل عندها وسويه لها

حبيبتي هذا شي عاااااادي والله كل الامهات اكيييييد يحبو ابنائهم وبناتهم بس دائما يحبو واحد اكثر من الثاني

حتى انا والله امي تحب اخواتي اكثر مني بس لما نكون لوحدنا الله يهديهه عليه
دائما الام تفضل البنت الكبيره
مثلا ماما تحب اختي الكبيره اكثر مننا وتحب اخوي الكبير اكثر من اخواني الباقين شي واضح من غير ماتقول
بس مع هذا احب ماما واخواتي كثيييييييييير
حتى اني دائما امزح معاهه واقلهه اكيييييييد هي بنت البطه البيضه واني بنت البطه السوده هعهع
واخويه الصغير نفس الشي يقولهه اني من المغضوب عليهم وابنج الكبير هو وبس طبعا كلهه بالضحك

حتى احنا دائما نقول لماما انتي تحبيهم اكثر منه وتنكر بس وااااضح

حبيبتي لاتخلي الشيطان يفرق بينكم والله يجي يوم تضحكين على هذه الامور
يوم ما راح تجربي حنان الام وحبها لك وراح تعرفي امك اكييييييييد بتحبك


الله يحننهه عليك ياااارب ويحفظهه لكم