السلام عليكم ياأختنا الحبوبه والطعومه (انكسرت الجرة)
أنا راح أجيب لك الحل بس أبيك تدعين لي .
أول شيء أحس إنه ممكن تتأثرين إن أمك ماتحبك بس مو هالدرجة الموضوع يبي لك تتحملين كل كلمة تجيك من أمك الغالية حتى لو كانت تدعي عليك لأنك ماسويتي شيء عشان تدعي عليك وأنت سوي اللي يرضي الله ويرضيها ثانيا ..
أسمعي حبيبتي إذا خرجتي من البيت وجيتي داخله أول ماتدخلين روحي سلمي عليها قولي كيفك ياأمي عساك طيبة.. وإذا خرجتي للسوق وعندك إمكانيه تشترين لها أي شيء أشتري كهدية مثل الجالبيات ومثلها وأنت أدرى وش تحب أمك المهم جيبي لها هدية .. أول ماتقول قومي يافلانه جيبي شيء أنت قومي ولو ماطلبت منك وإذا جيتي من الجامعة وإلا رحتي مكان وماكانت معاك أول ماتجين قوليلها ايش اللي صار برى وعاد مو لازم تقولي كل شيء قولي لها أشياء عاديه وإذا كانت ماتضايق من إنك تبوسينها :39: كل شوي ياليت تبوسينها والله هالبوسة فوق الأجر اللي تاخذينه من ربنا يدخل في قلبها حبك .. يابعدي أقعدي ليل نهار معاها وسولفي:a_smil17: لاتقعدين ساكته وامدحيها كثييير وإذا جات أخواتك أكرميهم وقولي لها بعدين مو قدام أخواتك قولي لها إنهم مايحبونك وشوفي أنا كيف أعاملهم وشوفي هم كيف يعاملوني طبعا هذا عشان أمك تكلمهم يكفون عن اللي مسوينه وعشان أمك تدري إنك طيبة لأبعد الحدود وانتبهي تقولين لها لا إلا إذا كان الشيء اللي قالت مرة خطأ قوليلها بعد هالتجربة ياأمي في بنات أمهاتهم مايحبونهم ويعاملونهم أخس معاملة وشوفي وشلون ترد عليك إن قالت لك غثيتيني اعرفي الحل مافادك وأن أنكرت فعلتهم معنى كذا إنها تحبك ونفذي :icon18: اللي قلت لك وإن شاء الله ينفع لا تطنشين الكلام والله أمهاتنا محتاجين للعطف محتاجين لأحد يونسهم محتاجين لبناتهم ..:)
طبعا لاتنسي تردين وش صار لك وإن شاء الله أساعدك ..
الله يحقق أمانيك وعلى راس أمانيك إنك تشوفين أمك تعاملك أفضضضضضضضضضضضضضضل من أخواتك كلهم ويسعدك ربي ياحلوتي ...

يااختي صدقيني ما في ام تكره عيالها مهما كان يمكن بعض الامهات الله يهديهن مايبنون العاطفة اللي فيهن الا في اوقات المرض القوي ((( وقت الحاجة ))) وانت حساسة وبعده عن امك تجلسين في غرفتك لين تنتهي المشكلة ............. صارت فجوه بينك وبين امك
عطها الكلام المعسول الزين اسالي عنها شنو محتاجة تبي خدمة منك
صدقني مثل ما انت محتاجة الحب من امك امك محتاجة الحب والتقدير منك مو الهروب
انا ام لاربع بنات احاول ارضي كل الاطراف عندي ............
بالنسبة لاختك الكبيره الله يهديها ويسخرها لك تقربي منها مثلا انت عارفة انها بتجي اليوم الفلاني اوكي ادخلي المطبخ وسوي نوع او نوعين حلا قهوه وسوي القهوه والشاي وحركات
وان تحرست فيك ادعي لها قدامها راح تنكسر عينها
اصعب شي على الانسان اذا غلط على احد .......... واللي غلط عليه قال له الله يسامحك ويهديك
مابيلقى كلام يقوله بعدها وان تكلم عيدي الدعوه وشوفي
الله يصلح بينكم يارب ويقربكم لبعض
حبيبتي تقربي لامك باي شي وبكل وقت وحاولي وجاهدي وثابري وبتكسبين امك واخواتك
موفقة

عادي وسعي صدرك وطنشي .. أنا مثلك :(

أختي انكسرت الجرة والله من زمان عنك وشلونك وكيف أخبارك إن شاء الله تكون سعيدة ..
ماعد رديتي علينا وشلونك مع أمك وإن شاء الله تكون كل المساعدات نفعتك و
إن شاء الله تكون أحولك طيبة ..
لا تنسينا وش فيك ماعد رديتي .. علشان أكتبلك حلول كثيرة من تجاربي وتجارب غيري
أتمنى ماتنقطعين عن المنتدى كله ..
الله يحفظك ويوفقك ياقلبــــــــــــــــــــــــ انكسرت الجرة ـــــــــــــــــــــــــــــــــــــــــــــــــــــــــي..
:26:

الله يسخر لك أمك ياقلبي..

كثير أشوف مثل امك لكن الله يهديهم..