وحده من صديقاتي مثلك
والنهااااااايه لسه زوجها متزوج جديده بعد التضحيات....!
الرجل مجبول على انه يكد ويصرف والمرأه اللي تصرف عنه ماتحسسه برجولته... ربي خالقه كذا لاتخالفون الفطره
وااااااجب الرجل يصرف عليها حتى لو كان فقير وكانت المرأه غنيه
واذا تحسين انك مو محتاجه الحمدلله...الدنيا مليانه فقراء وايتام اكسبي اجر فييهم

عشن كذا حنا يالسعوديات فينا سذاجه الوحده معطية زوجها اكبر من حجمة ومافي رجال بيستاهل وآخر شي تبكي وتندم..

بكرا لاتزوج عليك من فلوسك روحي عضي على اصابع الندم الرجال لازم يحس بالقوامه هذي سنة الحياة وانتي اللحين سلبتية حقة وسارت القوامه لك..
اللحين انتي عودتية يأخذ فلوسك وماتقدرين ترجعينها منه يعني انتي والله خسرانة لو انا منك اخلي هو يصرف علي مو انا اصرف علية جمعيها لك ولعيالك بكرا. راح يحس بنقص داخله حتى لو مابين وراح يفكر بالثانية اللي هو يصرف عليها
قلنا ساعدي وتعاوني بس مو لهالدرجه يأخذ كل فلوسك وفرحاانه انه يصرف عليكم أكيد انه بيصرف وكلها من فلوسك وهو تلقينة قاعد يجمع للعروس الثانية ياااااما سمعنا قصص الوحده اللي تساعد زوجها في البيت والعماره وأخرتها يحط الثانية جنبها.يعني ماااتو الرجال اللي يضحون لأجل حريمهم ماعاد في زمن التضحيات انتهى من زماااان....وياكثرها من قصص في هالزمن حنا اللحين في زمن فتن ومغريات وبيشوف انه مرتاح ماديا ايش المشكلة لو فتح بيت ثاني
خوذيها مني والله نصيحة اخت خلي فلوسك لك وجمعيها اذا مو محتاجتها بكرا بتحمدين ربك انك جمعتيها لك ولعيالك وراح تحتاجينها..
والله الرجال مالهم امااااان .. صدقيني..

وعندي ملااحظة صغيرة
اذا انتي مقتنعه باللي تسوينة وتردين على اللي يخالفونك اجل ليش منزلة الموضوع طولا بعرض يعني ايش الهدف
لازم تتقبلين جميع الآراء والنفسياات ..حنا نصحناك وانتي بكيفك وكثير كانو يشوفون أزواجهم مثاليين ومافي منهم وآخر شي اكتشفو حقيقتهم وبلاويهم..ع العموم الله لايغير عليكم.

اوكي الحياة مشاركه ما اختلفنا

وحلو انك تشاركين زوجك بالمسؤوليات والصرف
والمشاركه معناتها انتي عارفه وش لك ووش عليك

اما تلغين نفسك من المشاركه تماماً وتسلمينه الصرافه وتطلبين مصروفك منه فهذا سلبيه شديده

يعني ما استفدتي شي من شغلك ووظيفتك الا التعب..صرتي بالضبط زي ربة البيت بس بدوامين !!

ما حققتي استقلاليتك الماديه.. ولا امنتي نفسك بـ أراضي او املاك واستثمارات
ولا حتى طورتي نفسك من ناحية التعاملات الماليه وطرق استثمارها

صراحه خليتيني اتسائل ..انتي ليه توظفتي أصلاً , وش هدفك؟؟!

حتى لو كان زوجك طيب وتعامله معك ممتاز..(انتي) وش استفدتي من وظيفتك ؟!!

ووش حققتي (لنفسك)؟؟! مو لبيتك واولادك بس.. لا.. لأن هذي حتى لحاله هو يقدر يصرف عليهم بدونك

بتصرفك هذا زوجك استفاد من راتبك أكثر بكثييييييير منك

للأسف اشوف موضوعك فيه تهميش وسلبيه والغاء للموظفه مو مشاركه

والله العظيم ماراح اقولك هالكلام ابي منك شئ او احرشك على زووووجك بس للاحاطه. تساعدينه بالمصاريف هذا براحتك وبرضاك مااااقلنا شي. افرضي لاقدر الله جاء بكره اللله لايكتبها لك ولا لي ولا لغيرنا بس نقول فرضا هااااه. جاك قالك بتزوج. وتعرفين الشرع محلل اربع. ساعتها بتقولين بنفسك تزوووج بفلوسي ولا تزوج من فلووووسه؟؟ ترى الدنيا مالها اماااان وانا اختك. بس مابي اطول عليك. اغراضك الشخصيهخليها عندك افضل. والله يديم المحبه بينكم يااارب. نصيحه من اخت واللله. ماانتظر من وراها شي دعواتك

عقد الياسمين. .. اختلف معك بوجة نظرك
مو كل الموظفات تلبس ماركات وطقتها
فيه ربات بيوت عايشين بعز اكثر من الموظفه
اتكلم من واقع اشوفه
بالنسبه لي مشترياتي من لبس و كماليات من ارقى المحلات انا واطفالي

ومن قالك ان ربات البيوت ترضى بالقليل هي عايشه على حسب ميزانية زوجها
مثلها مثل الموظفه اذا كان وضع زوجها المادي ضعيف ماراح تتبطرن على قولك
اما اذا وضعه ممتاز بتعيش بفلوسها ونفس الشي لربات البيوت
يعني الوضع متعادل



.. تمضي السنين. وراك ياقلبي هجمتي على البنت كان بأمكانك اختيار اسلوب ارقى من هذا