والله في ردود غريبة حسستوني انه المرأه هبله ومسكينه والرجل شيطان, يا بنات الحلال مش كل الناس مثل بعضها والضامن رب العالمين مش فلوسك اللي في البنك اللي ممكن تطير في لحظة ولأي سبب, الواحدة طالما نيتها صافية ومتوكله على رب العالمين فأكيد ربنا ما ارح يظلمها واكيد لما اساعد زوجي اللي مش مقصر ابدا وحاطط كل فلس عم ياخده في البيت هذا معناه انه انا اصيله وهو بيستاهل

الله يهدي الجميع

شوفن باكتب بالعامية مالي خلق اتفلسف بالعربية الفصحى مع طلعة الصبح
اسمحيلي كلامك ماعجبني وتقبلي النقد اللي بيجيك، انتي طرحتي الموضوع وتبين وجهة نظرنا مهما كان الرجال طيب وتعرفينه انو مو راعي حركات ، طيب عطي نفسك بعد 10 سنوات تضمنين انه مايتغير الى  هذاك الوقت ،  يمكن يطيح بناس يتبلون عليه ويتغير عليك او يتغيرون     ربعه  ويلحسون مخه اعرس واعرس وفيها تحدي اذا سوها، او طقت براسه بيتزوج عليك نزوه  مسكت معه ، بتردينه..؟ الا انواع القهر والحسرة على ثقتي فيه وعطيته اللي وراي  واللي ودوني ، ما عندي شي اعز نفسي فيه او اقوم علي رجولي . خلي عندك شي في المستقبل 
ترا الرجال مالهم امان ابدا..ولاتنسين هذا مجتمعنا فيه اغلب الرجال كذا ..  وانا ماابي اخرب علاقتك  مع زوجك  بس انتي  احسبيها صح وضبطي امورك ..وبعدين نجي للطاري مسألة راتب الزوجة وراتب الزوج : الحق الحق يابنات الزوجة  هي اللي تعرف وش ينقصها هي اللي تدري عن كل صغيرة وكبيرة اللي يحتاجها البيت من اكل وشرب ونفقة العيال ومصروفها ( كل هذا عالزوج) حتى لو كانت موظفه ومستحيل الزوجة تبخل على عيالها وبيتها . هي بتحط وبتسوي بس برضاها مو غصب عليها اللي مايقدر عليها الزوج هي تكمله برضاها مو اجباريوبعدين الزوجة اذا استلمت مسؤليات الزوج صار الشغل كلها عليهاوالرجال وراتبه وين يروووح ( على خرابيطه واستراحات وتمشيات ومصاريفه الشخصي ويجمع عشان العرس او يشتري سياره اخر موديل) ليش؟ لان حاط بباله ان زوجته مسكت البيت من الى   وهو جالس ومرتاح وهذا شي يقهرصار الزمن هذا ان المراءة هي اللي الكل بالكل حتى اعباء الرجل شالته عنه
وش هو دور الرجل بالهوضعولاشي وجوده مثل عدمه..
نفسي امسك كل الرجال واخطب فيهم خطبة واصحح معتقداتهم وتفكيرهم واقولهم وين الرجولة.. زوجتك تمسك البيت من الى وانت مالك اي قيمه بالبيت
 نعنبو بليسكم ركزوا شوي  وش دورك بالحياةاذا قامت الحرمة تصرف عليك وعلى عيالك ماتحس بالعجز ماتنهان ان حرمه تصرف عليك او تسمع من الناس فلان حرمته ماسكه البيت وتصرف عليه وهو عنده راتب ولا عيالك بدال مايجون عندك يطلبون شي يرحون لامهم وتسمعهم يقولون لاتروح لابوي ماعنده ماعند جدتي.يفضلون امهم عليك، بكرة اذا احتجت لهم ماتلقاهم،  اقل شي يقولون انت ماكنت تصرف علينا .او الزوجة اذا سحبت عليك وتقول راتبي معي وش ابي منه شايله نفسي بنفسي ( يعني طايح كرتك) بالله ماتنقهر منها
صرت مثل الكنب بالصاله كلهم حوالين امهم وانت ماحد عندك واذا جوا عندك تراه بس تسكيته يقولون ابوي بنجلس عنده شوي نعطيه جوه وبعدها نسحب عليه
واذا طلعوا برا البيت حتى المكالمه  مايرفعونه عليك على امهم لانهم تعودا عليها هي الكل بالكل
لو اني مكان الرجل مااخلي حرمة تصرف علي من باب كرامتي رجولتيوحتى راتبها مااخذ منها
تصرفه بكيفها بس بكرة ترجع لي وتطلب مني لاني انا الرجال ( هنا احس اني لي دووور بالبيت مصيرها ترجع لي زوجتي) هنا احس بالرجولة ومسيطر عليها وعلى البيتوحتى عيالي انا مجبور منهم اني اصرف عليهم لانه موجود بالشرع( النفقه)
وغير كذا عيالي دايما ابيهم يلجأون لي ،سواء كان امور صغيرة او كبيرة . انا اقوم فيهم واعودهم علي مو يرحون لزوجتي كأني رخمه بالبيت
اما اللي يقول عادي خلي حرمتي تمسك البيت تساعدني اوكي مانقول شي بس بحدوديعني تشيل نفسها ( مكياج وملبس الخ)
تشيل عنك مصروف البيت في نهاية الشهر بحكم مامعك شي، اوك طبعا برضاها ولاهي مجبورة
يعني الله لايهينك روح تسلف>>> دبر عمرك
مسأله فواتير النت والكهرباء من اختصاصات الرجل. 
 اقساط وما اقساط مسؤليات الرجل ؟نعم >>  والله يازين وجهك زوجتي شايلة اقساط السيارة عني  مثلا>>   ينقالك تبي تفهم الناس انها بتساعدك وانت ضاغط عليها بالقوة عشان تشيل عنك القسط وتبي تفهم الناس انك طيب وزجتي اللي طلبت مني ..الناس ماهم اغبياء الى هالدرجة يدرون انك لعنن جدفها بالاقساط خل عنك بس..

وش اقووول وش اخلي بس..بالنهاية ايها الرجل احفظ كرامتك ببيتك قبل لا يفضح امرك
والله ثم والله ان الناس تدري بكل شي ومايخفى عليهم شي.. 
 فخلك رجال وتسنع..

يررجع لشخصية الزوج

وفقك الله بس لاتغرك لحظة صفاء تراهم رجال

بالنسبه للموضوع
تصرفك ما اشوف فيه حكمه.
انت فهمتي المساهمه والمشاركه خطأ او من جانب واحد
وللاسف هذا الشي بتحصدين ثماره بعدين
احنا مانعرف عن زوجك شي انتي ابخص فيه
لكن ممكن وحده تجي تقتنع بكلامك وتطبقه وتروح في خبر كان
وقتها وعمرها يروح هدر
المةازنه بهذي الامور مطلوبه

اي نعم ان الوقت الي تقضينه بالمدرسه من حق زوجك وعيالك
بس حتى هو الوقت الي يقضيه باستراحه او مكان من حقك وحق عيالك
وكمان رضاه انك تشتغلين ماخذه من عقله ومفكر فيه محد جبره انك توظفين
يعني لو يبي يعزك رفض فكرة الوظيفه نهائيا
بس هو دارس الموضوع صح
وعارف انك كريمه ماراح تقصرين وحصل له المنشود
ياليت تعيدين وترتبين اوراقك من جديد حتى ماتندمين بعدين

وهذا مو تقوية شوكه على زوجك بس تنبيه
ممكن تساهمين في اشياء بسيطه ترضي غرورك بالمساعده نظير موافقته وقته الي يضيع وانتي بالمدرسه
ترتبين سفره ، سهره بفندق ، شاليه ، عشاء بمطعم فاخر
مو صرافه كلها بكبرها بيده و اجار بيت وتسديد فواتير. ، اكيد بيستانس وينبسط

اخيرا اقولك الله يسخرلك زوجك ويسعدكم ويهنيكم ولا يكسر بخاطرك. وجعلك دوم الاوحد بحياته مايشوف غيرك. ويقدر وقفتك معاه ويعينكم على هالدنيا ومصاريفها وتعبها. ويصلح لكم ذريتكم
امين