دانة العناقر :

شوفي جربي معه القوة ...اذا هاوش وعصب انفخي عليه وعصبي قولي وش هالاسلوب وش هالالفاظ وشلون تبيني اعيش معك وهذا سلوكك لا تصيرين ضعيفه وشوفي ردة فعله اذا هو هجد من الهواش معناه رجال يبي له حرمه قويه ...واذا زاد بالهواش وتحسين الامر بيقب ....لا تكملين بالكلام وحاولي تصدين عنه لانه خطر يضرب... ويعتبر اللي فيه مرض ....وانتبهي لااااتحملين ..

شوفي جربي معه القوة ...اذا هاوش وعصب انفخي عليه وعصبي قولي وش هالاسلوب وش هالالفاظ وشلون تبيني...

كملت الاسامي :

انا اقولك نصيحه مني لك انتي قبل اي خطوه فكري مليون مره اذا عن الطلاق اهو مو سهل الطلاق ودام يحبك ويعزك بتقدرين ان شالله تغيرينه وترى مراح يتغير في يوم وليله والله انا وغيري مجربين السنه الاولى غير كل واحد يبي يفرض رايه وهو ترى ماتعود على البيت والمسؤوليه عشان كذا يبي عند اهله اربع وعشرين ساعه واذا عن كلامه واسلوبه حاولي قد ماتقدرين انه يغير من اسلوبه اذا خلاص فلتت اعصابك دخلي احد ناضج وحكيم بينكم يفهمه ويحط لكم حل واذا امك واهلك مو واقفين معك شوفي حد من خواته يكلمه انك زوجته مو واحد من اخوياه يكلمه بهالاسلوب هم شبابنا الله يصلحهم كذا اسلوبهم مع بعض سب وشتم وصياح واهو متعود على هالاسلوب بس انتي حاولي تغيرنه والله يسخره لك ويفرج همك يارب

انا اقولك نصيحه مني لك انتي قبل اي خطوه فكري مليون مره اذا عن الطلاق اهو مو سهل الطلاق ودام يحبك...

عواطف تركي :

اذا فكرتي فيها بروقان بتحسين ان السالفه ما تستاهل طلاق طبيعي جدا الاختلاف بينكم شخصيتين مختلفتين وفجأه زوجوكم وصرتوا امام واقع جديد وكل طرف حاب يفرض رايه ونظامه وشخصيته والاسلوب اللي يريحه هذا غير التغيير المفاجيء من حياة راحه وعزوبيه الى حياة خاصه تتحملون فيها كامل المسؤليه ولا تحسبين انك لما تتطلقين ويجيك نصيبك رجال ثاني بيكون بيرفكت ومثالي كل الناس فيها عيوب مافي شخص مفصل على مزاجنا حتى انتي بذات نفسك ماعندك استعداد تغيرين شخصيتك وافكارك او حتى تتقبلين الفاظه وانفعالاته تبينه رجال كامل يتحرك بريموت كنترول حسب مزاجك وهذا الشي مستحيل لانك انتي ماقدرتي تكونين مثاليه معاه فلا تطالبينه يكون مثالي حاولي تتعايشين وتتأقلمين وتشوفين الاشياء الكويسه اللي تقربكم من بعض وركزي عليها اما الامور السلبيه واللي تسبب لكم تصادم حاولي تخففين من حدتها وتتعاملين معها بذكاء مثلاً اذا انتقد او دقق خذي الامور ببساطه عوديه انك انسان طبيعي وماراح يصير شي لو أجلتي الشغله الفلانيه لبكرا خذي ملاحظاته وقولي ابشر سم ان شاء الله وابتسمي لا تاخذين الدعوى عناد وفرض شخصيه ومين اقوى من الثاني كلها كلمتين سم ابشر وتتقفل السالفه واذا هو شايف ان البيت محتاج تنظيف وشغل الله لا يهينه اذا مره مستعجل يقوم هو يخلصه حاولي انك تبحثين عن كتب تثقفك وتنفعك عن بداية الحياه الزوجيه خذي منها اللي ينفعك واتركي اللي مايناسبك انا متأكده في شي غلط بتعاملكم مع بعض لو كل واحد فيكم يرخي ويفوت ويتغاضى بتمشي اموركم

اذا فكرتي فيها بروقان بتحسين ان السالفه ما تستاهل طلاق طبيعي جدا الاختلاف بينكم شخصيتين...

مخدهـ :

اختي عواطف كلامك كله صح وانا حاولت أغير من نفسي لكن هو ماشوف فيه اي تغيير هذا هو من الملكه وعوده وكلامه وين راحت ؟ تنازلت كثير وفوت كثير لك احس بهالاسلوب اللي اسويه يتمادى علي اكثر صرت ماعرف من وين اتعامل معاه حاليا فكرت اني أسوي واجباتي كزوجه ولااكلمه يعني اغسل انظف اطبخ برأيك هالتصرف صحيح بيغير شي ؟

اختي عواطف كلامك كله صح وانا حاولت أغير من نفسي لكن هو ماشوف فيه اي تغيير هذا هو من الملكه...