اشوف الحديث ان العرق دساس وبعدين الوحدة تفكر بعيد هل احد بيقبل يزوج عيالها اذا كان ابوهم مو قبيلي اتوقع ماحد متزوجهم الا من اخوالهم
اعرف عائلة كان ولدهم متزوج من سوريا وعنده ثلاث اولاد وبعد ما اخذ اختها واحد موقبيلي قال لها يا يطلق او انا اطلق والسوريه من بني هاشم عريقة الاصل وصار فيها مشاكل وراح وتفاهم مع عديله وطلق الغير قبيلي

والي اعرفه واسمعه ان الخضيرية انهم عيال الامة من مالكها ولا يتبنوا الابناءهم لانها تكون مملوكه لاحد غيره من قبل ولا يعرف ابوه الحقيقي والله اعلم

انا استغرب من سنتين تقريبا كتبت انا موضوع عن العنصريه في المملكه وتم حذفه من قبل المشرفات في المنتدى من دون سابق انذار وانا وإلى اللحين عتبانه عليهم
وبالنسبه للقبيلي والخضيري والصلبي هذي عارفينها والكل منهم عارف نفسه ولا يقدر يتعدى حدوده فليش التجريح؟؟

انا قبيليه وانتمي لقبيله كبيره جدااا في المملكه حدودها تبدأ من جنوب الرياض إلى شرقها إلى شمالها وعندنا افخاذ وفروع وفيما بينهم البين تنافس وكل يقول انا احسن ..( يعني اللي يقهر لما يكونون من قبيله وحده بس بينهم صراع عند الزواج ) يعني يبون يزوجون بس اللي من فخذهم لانه في نظرهم احسن وووو

وبرضو في قبايل الجنوب وقبايل الرياض مثلاااااا
تحسون بينهم حساسيه لما يجي واحد من الجنوب ياخذ وحده من الرياض تقوم الدنيا ولا تقعد والعكس صحيح

يعني هذي بصراحه اللي يبي لها علااااج