الصراحه موضوعج حيييل حلو ...مع اني من قبيله لها ثقل ومكانه كبيره بين القبايل ..ألا اني اكره هذي السافه وتضايقني حيل واحس ان مافي عدل بين الناس ..وللاسف احنا العرب بس نتفاخر بقبايلنا واصولنا بس .....لكن مانقدم شي لوطنا من علم وثقافه...ونتكلم عن تاريخنا وماضينا ..ليش مانحرر فلسطين مثلا؟؟؟مو احنا القبايل الاصيله ..الي كانت اتحارب وتخوض المعارك بكل قوه وشجاعه وفتحت الكثير من الدول؟؟؟؟

وينكم؟؟؟ويلا بس تتفاخرون بأصلكم وفصلكم
ليش بدل ماتتفاخرون تاخذون هذي الخصال الحميده من الشجاعه والقوه الي كانت عند اجدادنا
وتتركون العنجهيه والجاهليه الاولي من التفاخر بالاحساب والطعن بالانساب والي تعوذ منها الرسول عليه افضل الصلات والسلام

الصراحه انا ارفض ارفض العصبيه (الجاهليه) الي عند اغلب العرب وعند اسرتي للاسف

يا اختي شو بنسوي للعقول المتحجرة

الظاهر يعيدون ايام الجاهلية

سؤال
شو معنات خضيري أو خضيرية

اشكرك لان الموضوع يستاهل النقاش

سبحان الله انا عن نفسي ماااحب اتكلم في هذه المواضيع لاسباب انها مالها علاقه ابد في علاقات الناس بينهم وبين بعض ابد اللهم في مسئله الزواج فقط اماانهم يقولون لاتكلم فلان والا علان عشان اصله هذا تخلف
امر القبايل غريب عجيب انا ساعات افكر
يعني ممكن ان على قولتكم ومع اني مااحب اجرح شعور احد هنا بالمنتدى لكن للموضوع
قبيلي ياخذ = قبيليه (مافيه مشكله )
غير قبيلي ياخذ= غير قبيليه (مافيه مشكله )
المصيبه انهم اذا تفلسفوا عليك وان هالقبيله الفلانيه ماتزوج العلانيه ليه ؟؟؟فوق راسهم ريشه
وتجيك سالفه العوائل شي ثاني وانا اتكلم عندنا بالسعوديه وخاصه بالرياض لاني اشوفها بكره
هذي العايله الفلانيه وشلون مزوجين بنتهم للعايله الللي ماادري وش تبي يااخي وش دخلك انت تجي تتكلم والناس راضين بخلقه ودينه

ولا يجونك البدو والحضر والحاله حاله
وهات ياتريقه بين بعض وانتم فيكم وانتم مافيكم
ولا احد عاجبه الانفسه وسبحان الله ثقه

السلام عليكم..
والله موضوعك حلو ومهم..
بصراحه أنا اتعجب أنا اعرف بنات من أهل الرياض أصل وفصل ومع ذلك مو قبيليات...
أنا الى الان ..اذا سألت وش يعني قبيلي وخضيري يقولوا..الحضر اللي مالهم أصل..أو الخضيريه هم اللي مالهم أصل..مدؤي شيعني..

واذا على العنوسه .. ((((هــــــــــــــــــــــــالحين القبيلي يروح يتزوج وحده عربيه مصريه,لبنانيه,سوريه( وكلهم والنعم فيهم والله)..لا وأحيانا امريكيه..ومع ذالك عااادي مافيها شي لكن أهم شي انه ماأخذ خضيريه أو حضريه..ويخلي بنات ديرته ..والله العجب..))))

واللي يقول الخضيريه عليهم نقص جمال ..والله أنا اعرف خضيريات قمة الجمال وألف (أم)=(والده) من القبايل يتمنونهم لعيالهم..لكن شي غريب...

واذا على العادات والتقاليد ماشوف أي اختلاف أنا شخصيا اعرف قبايل مناسبين حضر والعكس بعد...
واذا على الاخلاق...بصراحه مااشوف اي اختلاف الكل من نفس البيئه ونفس المجتمع من وين راح يكون فيه اختلاف..

والتعصب من عادات الجاهليه...
واللي يلتزم بـ ((العرق دساس)) ليه ياخذ اجنبيه؟؟؟؟؟

اسفه على الاطاله...اعذروني على اسلوبي ...
اكرر اسفي...