أنا متضايقة من مشرفتي .. ساعدوني يا معلمات

الله يعينك على هالاشكال اللي ماعندها الا النقد ويطالبون باشياء فوق طاقتنا

الله يعينك ويوفقك

اهم شي لاتتركين الوظيفه .. والخبره بتنفعك .. والنقد بتستفيدين منه .. حتى النوعيه هذي من المشرفات بتستفيدين منه ..

خلي عندك طووووولة باااال وصبر وحكمه في التعامل ..

وتذكري وش كثر اللي يدورون الوظايف ويبون الخبره وانتي على طول بتركها !؟

الصبر حلوووو ^^

بالنسبه للطالبات .. خليك شوي حازمه معهن .. واستخدمي وسائل تعليميه منوعه واجتهدي بالشرح وخليك جاده ..

فيه افكار كنت استخدمهاا مثلا :

كرسي الاميره : شوفي لك كرسي يختلف عن كراسي الطالبات وزينيه بالتل والورود وخلي شكله فخم والطالبه المجتهده والمؤدبه تقعد عليه طووول اليوم وتلبس تاج الاميره ..

بطاقات تحفيزيه : بطاقات مرسوم عليها وجه مبتسم وبطاقات اخرى مرسوم عليها وجه معصب .. ولوحه معلقه بمكان مميز بالفصل مقسمه ومكتوب عليها اسماء الطالبات وكل اسم تحته كيس .. بحيث اذا الطالبه شاركت بالحصه ومؤدبه وحلت الواجب تعطينها بطاقه وجه مبتسم .. واذا العكس تعطينها بطاقة وجه معصب .. طبعا البطاقات توضع بالكيس المخصص لكل طالبه وبنهاية كل اسبوع كل بنت تحسب كم بطاقه وجه مبتسم واكثر طالبه تجمع اكبر عدد تاخذ جائزه وتكرم بالطابور ..

وتذكري تنوعين بالوسائل التعليميه لانها تجذب الطالبات ..

تقريبا هذا اللي يحضرني .. والله راسي مصدع ومابغيت اطلع من الموضوع من غير ما ارد عليك وافيدك ..

دعواتك .. وبالتوفيق ..

اختى اصبرى ولاضيعى الوظيفه من يدك -وعشان لبنات بشاغبو اكيد فى سبب حاولى تكونى حازمه معهن وبدون مايكرهوكى بالعكس خلى يحبوك بصراحه ما بعرف كيف طريقه تعاملك معهم حتى لبنات هيك راجعى تصرفاتك بجد فكرى باسلوبك معهن اكيد بتشوفى حل الله يوفقك يارب ام المشرفه لاتخليها تاثر عليك وبعدين لوانها ذكيه كانت ماسمحت للبنات يتكلموا وهى موجوده متمنيه ساعدك بس موضوع كبير واسلوبك بتعليم مانعرفه اكتبى طريقتك يمكن نقدر نساعدك وبعدين معلمه دين يعنى اجرك وثوابك كبير لاتترك لاجر يروح لغيرك الله يوفقك

بارك الله في غ ـرور

وفيما ذكرت

يبدو أنكِ في مدرسة أهلية
وجرت العادة لدينا وللأسف الشديد أن في بعض المدرسة الأهلية أن تترك الطالبة على هواها

لابد لكِ أولاً من ضبط الطالبات

ولا تغدقي عليهم بالتعامل اللين الرقيق الذي يُفقدكِ هيبتكِ
حاولي أن تكوني حازمة كما ذكرت أخت غ ـرور

أما عن المشرفة
فإعذريني إن قلت لك إنه يحق لها النقد إذا كان الفصل يفتقد الفوضى
عندما كنت ُ أحضر لمعلمة من المعلمات أي حصة
أكثر ما كان يُضايقني هو عدم الضبط
والمشاغبة بحد ذاتها كفيلة بأن تمنع وصول المعلومة للطالبات
وعدم تركيز المعلمة والمشرفة في الحصة


لا تتركي الوظيفة
لن تجدي مدرسة .. طالباتها ملائكة أو صحابيات
الطالبات بالذات في هذا العمر يحتجن إلى ترويض

كوني قوية الشخصية
واعتبري هذا الأمر بمثابة دفع قوة جديدة في داخلك تجاه نفسك
وبمثابة اختبار لشخصيتك


وفقكِ الله

نصيحتي لك لاتتركينها مهما كلفك الامر واصبري على الاقل تاخذي الخبرة ولايهمك انتقاداتها واذا انتقادها كان لمصلحتك حاولي تغيري وجهه نظرها لك وبالنسبة للطالبات حاولي تفهميها ان ا