أنا وزوجي متخاصمين ... مين بيصالحنا على بعض

السلام عليكم ورحمة الله وبركاته ،

الصراحة أنا اول مرة اكتب موضوع وأتمنى من جميع الأخوات اللي يقرون مشكلتي يساعدوني في حل المشكلة لأن كل يوم يمر تعقد المسئلة أكثر ومشاالله عليكم يا بنات حواء كلكم شاطرين وخصوصاً الأخوات اللي يكتبون في موضوع الحيل الذكية في الحياة الزوجية أبغي حيلة يعني أبغي حيلة بسرعة لأن قربت أصير مجنونه .....

أنا زوجي يحبني والحمدلله ودايماً يكلمني بأجمل الكلام ولا يرفض لي أي طلب ودايماً يحسسني بأني جميلة :27: ومدلعني دلع ماصار .... المهم أختكم صادها غرور وكبر راسها على زوجها ونست نفسها وفي مرة من المرات وأنا قاعدة معاه قلت له وبكل غرور ان محد من بنات عيالتكم في مستوى جمالي وأنك تركت كل بنات العيلة وحفيت رجولك وأنت تركض وراي لين قبلت اتزوجك :32:

أنا ما كملت كلامي من هنيه إلا إلتفت على زوجي وأشوف الإبتسامة راحت من وجهة وتحول زوجي إلى قنبلة :19: والشرار يتناطر من عينه وقال لي : شوفي أنا مب كلب عشان أراكض وراك وأترجاك أنا رجال لي كرامة وكرامتي وكرامة أهلي ما سامح لك تدوسينها أو تعدين حدودك في الكلام معاي وتحول زوجي فجأة من طفل وديع إلى :30:
وخرج من البيت وتركني وحيدة أبكي دموع الندم ... والمصيبة الكبيرة اني يوم حاولت اتصل عليه عشان أعتذر قفل التليفون في وجهي وتركني ابكي بدموع الذل والإهانة .....

اليوم صار لنا أسبوع ما نتكلم مع بعض وهو يتحاشى وجودي معاه في مكان واحد ويبتعد عني حتى النوم ينام بغرفة ثانية.... أعترف اني غلطانة لكن غلطي ما يستحق كل هذه القسوة منه

ولا تقولون لي بادري بالإعتذار لان كرامتي ما تسمح لي أعتذر بعد ما سكر التليفون في وجهي .... :44:
هو زعلان بغرفة وانا زعلانه بالغرفة الثانية قولوا لي مين بيصالحنا على بعض ...!!! :(