السلام عليكم ورحمة الله وبركاته
أخباركم يانحيفات .. ؟
عسى الله يرزقكم الوزن المثالي بصحة وعافية يا رب
انا نحيفه مثلكم ,,
بعد ماجربت خلطات وفواتح شهيه ومكملات غذائيه و و و
حسيت إني جالسة أضغط على نفسي
خاصةً بعض الخلطات ثقيلة ودسمة وحنا أساسأ شهيتنا ماتساعدنا
قررت الحمد لله إني أنتبه لأكلي , الوجبات الثلاث .. فطور .. غداء .. عشاء
استخدمت الخلطات المفيدة بشكل بسيط من غير مبالغة في الخلط
مثلاَ عسل أحط كل أنواع المكسرات فيه ! مايمشي الحال
حليب أحط فيه كل أنواع الحلا والتمر والشوكولا !!! ماينفع
وش سويت , وش أخترت من أنواع الخلطات ؟
العسل فواائده حلوه للجسم والصحه والبشره حتى ويفتح الشهيه
كل يوم آخذ ملعقة وسط
مره أخلط عسل بحبة سوداء = 7 ملاعق عسل مع ربع ملعقة حبة سوداء مطحونه ( مدة أسبوع )
ومره أخلطه بالسمسم = 7 ملاعق عسل مع نص ملعقة سمسم مطحون ( يكفي أسبوع )
ومره لوز مطحون = 7 ملاعق عسل مع نص ملعقة لوز مطحون ( أسبوع )
وجبـــــة الفطور ضروري أحافظ عليها آكل حسب قدرتي من الموجود بدون تكلف
إذا ماتغديت الظهر = أخذ صحن شوربة
إذا كنت متغديه = آخذها العصر
وأنوع بين العدس والماش = فوااائد للصحه والوزن والبشره
والغداء نفس الفطور = ضروري أحافظ عليها آكل حسب قدرتي من الموجود بدون تكلف
المغـــرب ( وقت القهوة )
تمريه ( 5 حبات )
أنزع النوى منها وأعجنها
أحيان = بالسمسم
أحيان = بالدخن ( لذيذ ومغذي ويزيد الوزن بإذن الله )
أحيان = بجوز الهند
وممكن 5 حبات تمر سادة = مع ملعقة طحينة سائلة
ومكســــــــرات = معروفه تزيد الوزن غير فوائدها الثانيه
آخذ كمية قليلة = ملء قبضة اليد
وجبة العشاء ضروري أحافظ عليها من الموجود وبدون تكلف على قدر أستطاعتي
وقت الحليب اللذيذ
ماتتخيلون يفتــــح الشهيه حيــــل
وناويه إن شاء الله
كأس حليب = مع ملعقة دبس
الحمد لله
كنت ماشية على نفس ذا البرنامج تقريباَ
وزاد وزني وانا مرتاحه اللهم لك الحمد والشكر
لا تقولون كم كيلو زاد وزنك
لأن ربط الوزن بالميزان يحبطك , ومعناتها إذا ماتغير الرقم في الميزان خلاص توقفين أكل !
لا ..
استمري وأكلي أكل صحي وبإذن الله تلاحظون زيادة أوزانكم وصحتكم وبشرتكم
الخــــلاصة / يومياَ :
- ملعقة عسل
- وجبة الفطور
- شوربة
- وجبة الغداء
- مكسرات وتمرية
- وجبة العشاء
- حليب
شايفين ... 3 وجبات رئيسية وَ 4 وجبات خفيفة
وبالهناء والعافيه وزيادة الوزن بصحة يا رب