(( أنـــــــــا فـــــي ورطـــــــه))

هلااااااا والله وغلااااا بالجميع منورين كل أبووووكم وأمهاتكم..

من زمان مانزلت موضوع وأحس أن لياقتي قلت >>> كخخخخ أخس يالاعيبه المنتخب...:23:

الموووووووهم ندخل على الموضوع دغري:

قبل فتره دقيت على ذكرى وقلتها (فزعتك يا بنت الأجواد) ..

أبيك تبيضين وجهي>>> قالت لي ليه قالوا لك عني محل بويات >>>هع هع :o



لا من جد دقيت عليها وهي تدهر في مطبخها كان عندهم عزيمة وأنا ما أتصل عليها إلا وهي في المطبخ تدهر ماشاء الله عليها..

المووووووهم وكان الشيء اللي أبيها تفزع لي فيه هو أني أبي منها عجينه سنعة :cook:والأهم أنها تضبط معي لأن عندنا طبق خيري ومن هبالتي طلبت من المسئوله علينا انا نتكفل بقسم المعجنات أكبر عقده عندي ...!!:(

لأني والله ماتضبط معي المعجنات كل دقيقنا وأنتم بكرامه يا في الزبالة ولا متنعمة فيه القطاوة من تجاربنا الفاشلة في المعجنات والله يهون علينا نسوي الحلى وتوابعه والمحشي لا والقرصان والمرقوق ولا نسوي المعجنات..

وقبل ما أدق على ذكرى كنت مسكره من زوجة أخوي ماخذه منها بعد مقادير العجينة اللي تسويها وتطلع معها تهبل لكن يوم جربتها أنا وسويتها طلعت تفشل الله لا يوريكم شكلها لا ومن قواة عيني اتصلت على زوجة أخوي هزأتها أقولها لاعبة علي أنتي وجهك معطيتني مقادير ما تستخدمينها لمن تعجنين تبغين أهلي يتشمتون فيني >>> كأنها وقفت عند هالمره بذات..كخخخخخ

الموووووهم كم مره بعد اخذت من المنتدى كم وصفة لمقادير العجينه لكن مثل كل مره محاولاتي فاشلة إلى أبعد الحدود قسمن أحترت مدري الخلل في يدي ولا في الدقيق إللي نستخدمه >>>> كخخخخ حطت العيب فيه وهي مب تستخدم نوع واحد في الدقيق هع هع..

المووووهم أن ذكرى كانت راعيتها ومن أول ماقلت لها عطتني وصفه سحريه أقولكم ليش سحريه ..

أخذتها منها وسويتها عشان أسوي في أمها مسويه تجربه أوليه لها ..
وقبل ما أسويها دعيت ربي أنها تضبط معي وما تشوفون حالتي وأنا أعجنها وأدهر فيها قلبي يخفق وأمي وأختي ووحده من حريم أخواني كانوا جنبي كأننا نفتتح مشروع كخخخخخ..

المهم أنها ولأول مره ضبطت معي وطلعت ولا أحلى على قولتهم تأكلين أصابعك وراها >>> لاتفرحين ياذكرى جايتك في الكلام:23: هع هع ..

المهم هذي ضبطت وما تشوفون روحي المعنوية صارت توب لا وأمي تقول متى يجي رمضان عشان تتكفلين بالمعجنات يا بنيتي ما صدقت أنها ضبطت معي (ياحليلها أمي حارمينها المعجنات عشانا مب فالحين فيها وصارت مستبعدة أنها تذوقها إلا من رمضان لرمضان) كخخخخ..:o

المهم أنا جيت أبي أكحلها وأعميت أبو جدها قلت لها عهد علي أسويها لك بكره بعد وراح أكرهك فيها مدام أنها ضبطت معي المهم سويتها اليوم الثاني كخخخخخخ رجعت لي عقدتي طلعت تجيب الهم والله أني أستحيت أوريها أمي لا تجيها إنتكاسه في روحها المعنوية با أخليها على عماها لين يجي رمضان الجاي وحنا في صحة وعافيه وأصدمها بها الخبر كخخخ

الموووووووهم حنا الطبق الخيري يوم الثلاثاء وآخر بروفه سويتها للعجينة كانت مب شيء تفشششل وأنا أرتفع ضغطي ومدري وش أسوي ...والمشكله انا من طلب أنا نتكفل بالمعجنات وتوابعها والحين وقعت في شر أعمالي ومدري وششش أسوي...

<<<<مدام ذي حالتك أنصحك تشترين جاهزة وتودينها معك لطبق أستر لك هع هع



سؤال الأسبوع:


والجائزه عليه عجينه من اللي يحبها قلبكم من صنع يدي :23:


كم مره ذكرت المهم والموهم في موضوعي كخخخ احس اني مسكت خط بها الجمله:o

وتحياتي للجميع