أنقذوني ترى أنا أتورطت :(

السلام عليكم و رحمة الله و بركاته ..

أفــــــــــــــــاااااااااااااااااااااااا !!

ليش كدة يا بنات :( ؟؟

و الله ما أتوقعتها منكم :06: !!

أنا قلت دحين كلهم حيفزعــو لي و يساعدوني :( ..


إخس عليكم :( ..
كسرتو خاطري :( ..

طيب عالأقل كلمة و لو جبر خاطر !!


:06:


تحياتي ..
جــــــــداويـــــــــــــة

ودي اساعدج بس الصراحه ماافهم عدل بالقماش والموديلات والستاير وغيرها
وان شاءالله البنات اللي عندهم خبره اكثر يفيدونج
بس حبت اعطيج رأيي بما انج اتقولين انه القماش ملون واكثر شيء اسود خلي الابجورات والمفارش وقطع الزل والاكسسورات وغيرها الوان فاتحه يعني ابيض واشوي اذا فيه الوان قريبه من لون القماش بس الابيض خليه اكثر عشان لا يصير غته المكان
وراح احاول ادور لج على صور لستايل الصيني او الياباني عشان يساعدج
وسامحيني والله ودي اساعدج حاسه فيج بس مااعرف

السلام عليكم و رحمة الله و بركاته ..

هلا أختي flona ..

أول شي ..
شكرا إنك رديتي عليا :) ..

و تاني شي ..
أنا فكرت أفرش الموكيت أبيض ..
أو سكري ..
عشان يفتح اللون شوية ..
بس حسيته حيسير فيه شي غلط !!
لأنه الأبيض في القماش قليل بالمرة ..
يعني بس زي النقوش خفيفة بالأبيض ..
بالمررررررة خفيفة ..
و الغالب و الظاهر هو الأسود ..
يعني تقدري تقولي مثلا :
الأسود بنسبة 90% ..
و الأحمر بنسبة 9% ..
و الأبيض بنسبة 1% ..
نسب تقريبية طبعا ..
بس هي دي ألوان القماش .. ما معاه ألوان تانية ..
لأني رجعت و أتأكدت من القماش ..

و الموكيت البيج بالمرة ما يجي معاه ..

و طبعا أنسي إني أفرش موكيت أسود !!
أو حتى أحمر أو عودي أو درجاته !!
>>>> حيسير كهف أو مغارة !!
( ذكرني بعبدة الشيطان !! ) ..
أعوذ بالله من الشيطان الرجيم !!
أستغفر الله العظيم !!


فبليز إذا عندك أي أفكار ..
أو صور ..
أو أي شي ممكن يساعدني .. لا تبخلي عليا بيه ..

لأنه القماش جالس ..
و زوجي بهدلني عشان نزلة السوق ..
و نبغا نخلص من حكاية الصالون هادي :( ..

و أنا ما بدي أنزل السوق إلا و أنا عندي
عالأقل شوية أفكار .. عشان ما أجلس أدور
و أشتت تفكيري و نروح و نجي على غير فايدة :( ..
لأني بجد ماني لاقية له تصريفة ..
و لونه جايبلي إكتئاب :( ..

بس يلا .. الحمدلله ..
يبغالي أحتسب أجره عند الله :) ..
لأني ما رضيت بيه غير إرضاء لزوجي ..

و كل ما جبته يمين و يسار و أحاول أجيب أفكار ..
أحسها ما تنفع له ..
يعني ما ينفع أسوي له ستايل أجنبي أو كلاسيك ..
أو منقوش أو مزخرف أو فخم بزيادة و كمان مو بسيط بزيادة !!

يبغاله شي بسيط ..
و في نفس الوقت يعطي منظر حلو و تناسق ..
و يكون بحركة جديدة و فكرة مبتكرة ..
عشان تغطي على عيوب و لون القماش ..

و الله يعينني عليه و ألاقي له موديل حلو ..
و يطلع شكله حلو .. و يبيض الوجه ..
ياااااااااااااااااااااااارب :06: ..


و تسلمي يا قمر أسعدتني مشاركتك :) ..
الله يسعدك و يوفقك و يحقق لك كل إللي تتمنيه ياااااارب ..


و أنتظر منك الصور :) ..

بليييييييز لا تتأخري :( ..


تحياتي ..
جــــــــداويــــــــــــة

أختي أتركي لي الوقت لبحث على ديكورات تمشي مع قماشك وإن شاء الله نحل مشكلتك و ربي يهنيك أختي

أضن سجاد من هذ اللون يمشي مع ألوان قماشك









و سأبحث لك على صور أخرى إن شاء الله