عزيزتي مشروم محتاجة للك قوي
انا اشتريت كابوريا بس مش الكابورية نفسها لا اشتريت لحم كابوريا اتمني تكوني عرفتي قصدي ومحتاجة خبرتك في اكلة ممكن اعملها بيها ممكن تساعديني
اقصد بلحم الكابوريا : انه عندنا هنا الكابورية كبيرة قوي فهما بيفضوها من لحمها ويبيعوها ممكن بقي تساعديني

من مدة طويييييييييييييييلة جداً لم أضف أى جديد فى ملف السى فود
و لكن هناك طريقة جربتها موأخراً من المنتدى و لكن مع التعديلات و الإضافات (ما أنا أصلى مابسيبش حاجة فى حالها )
و كانت النتيجة مبهرة
و هى طريقة مقتبسة من طريقة للأخت الفاطمية و لكن كما ذكرت مع العديد من التعديلات

فيليه السمك بالطحينة و الكسبرة

المقادير

ثلاث أرباع كيلو سمك فيليه قطع كبيرة
(عصير ليمونتين + ملح و فلفل لتتبيل السمك)
بصلتين كبار مقطعين جوانح
حزمة كبيرة كسبرة مفرومة
نصف كوب طحينة
5 فصوص ثوم
ملعقتين خل
عصير ليمونة
ملح - فلفل - كمون - شطة
كوبين و نصف ماء
دقيق
زيت للقلى

الطريقة

1 - يتبل السمك بالملح و الفلفل و الليمون و يترك ساعة فى الثلاجة
2 - تعد سلطة الطحينة بخلط الطحينة و الخل و الليمون و التوابل و الثوم و نصب الماء بالتدريج حتى تصبح خفيفة القوام ثم نضع عليها الكسبرة المفرومة و تترك جانباً ليظهر طعمها
3 - نصفى السمك من التتبيل و نغمره بالدقيق و نقليه فى زيت حار على نار حامية (و ذلك حتى يتلون من الخارج دون أن ينضج من الداخل )
4 - نخرج السمك من الزيت و نضعه على مناديل المطبخ ليتشرب كل الزيت الزائد ثم نضعه بنظام فى صينية أو طاجن
5 - فى نفس الزيت نضع البصل و نقلب حتى يصبح ذهبى اللون و نصفيه جيداً فى مصفاة ثم نضعه هو الآخر على مناديل المطبخ للتخلص من الزيت على قدر المستطاع
6 - نخلط البصل على سلطة الطحينة ثم نصبها على السمك و نضع الصينية فى الفرن حوالى نصف ساعة إلى أن تغلظ الصلصة فنشعل الشواية ليحمر الوجه
جربوها و أوعدكم أنها هتنال الإعجاب الشديد

إغيب و أعود لملفى الحبيب السى فود
و لكم عندى طريقة إعداد شوربة المحار أو البكلويز كما نسميه هنا فى مصر و هو المحار المستدير الرمادى اللون و ليس البيضاوى الداكن اللون (بلح البحر)
و هى أكلة فاخرة و لذيذة و مشهورة فى مطاعم الأسماك فى المدن الساحلية
و لابد من شراء المحار و هو مازال حياً إذ أنه يعرض فى المحلات فى أحواض بها ماء مالح حتى يظل حياً

المقادير
كيلو بكلويز
ملعقتين زيت نباتى
5 فصوص ثوم مفرومة
فص مستكة
ملح - فلفل - كمون
كوبين ماء

الطريقة
1 - قبل البدء فى التحضير لا بد من غسل المحار جيداً و نقعة فترة حتى يتخلص من الرمال إذ أنه يعيش مدفون فى الرمال
2 - يصفى المحار جيداً من الماء
3- نضع الزيت على النار و عندما يحمى نضيف المستكة ثم الثوم و التوابل
4 - عندما يصفر الثوم نضيف البكلويز و نقلب حتى تتفتح جميع حبات المحار و يتغير لونة للون الوردى
5 - نضيف الماء و نظبط الملح و نتركه يغلى 10 دقائق
6 - يغرف فى أطباق كبيرة و عميقة مع الشوربة و نعصر عليه كمية مناسبة من الليمون

السلام عليكم و رحمة الله و بركاته

ازيك يا مشروم , حمد الله على السلامة حبيبتي , نورتينا من تاني بأطباقك الرائعة , يارب يسلم ايديكي.

على فكرة كنت عاوزة أشكرك على الكاليماري المحشي لأني من زمان و أنا عاوزة أعرف بيتعمل ازاي , ربنا يخليكي يارب و يبارك لك.
بس كان فيه سؤال صغير لك عن هذا الطبق , أنت قلتي أن الكاليماري بيتحط على الأرز . يعني بيكون له فرشة أرز؟
و هل ممكن أن نحط له فرشة من حلقات البصل و الطماطم مثلا زي ما بنعمل في المحشي العادي و اللا لأ ؟

أرجو أللا أكون أثقلت عليكي و ربنا يجزيكي كل الخير.

تسلم إيديك الحلوه يامشروم على الأكلات اللي أحلى من الحلوه...
أنا جربت اليوم الروبيان بصلصه الكاري....طلعت ماشاء الله رهيبه ...وتصدقي يامشروم !!!! إنه من قبل فتره بسيطه أكلت نفس ألأكله في مطعم وعجبتنى كثير وتمنيت أعرف طريقتها....ولما شفتها عندك فرحت كثير.. وركض على المطبخ..وطلعت ياسلام..أحلى وأطعم من اللي في المطعم...