الحال من بعضه


أنا بعد أعاني من قلة الأصدقاء
مب اني ما أعرف أحد


بس صداقتي تكون لا تتعدي بنات الفصل مالي أو خصوصا الشلة اللي قاعدة فيها (4 أو 5 بنات )

يعني أحيانا أشوف بنات علاقتهم قوية ويا بعض ويوم تسألينهم من وين تعرفون بعض يقولون صدفة


ياريت يكون لي أصدقاء صدفة تكون علاقتي فيهم قوية


حتى بنات الشلة دايما بيننا مشاكل

عني انا دائما اردد النوعية قبل الكمية

ولله الحمد انا ما اقول اسراري وهموهي الا إلى الناس المقربة مني والي اكون اخترتهم بعناية تامة يعني ما اخبر اي سر من اسراري الشخصية الا الى صديقات انا من البداية اكون واثقة فيهن بعد اكثر من تجربة

وبعدين لابد تكون بين الانسان ونفسه اسرار ما يتطلع بها على حد غيره مش كل الاسرار تنقال ولله الحمد إلى الان ما صار موقف خيانة او ان حد باح بأسراري والحمدلله

.. و إذا مالك صديقة !
مارح ينقصك شيء .. ولا راح يزيدك شيء

وأنا اللحين .. ما أطمح لصديقه .. إذا انا متضايقه " أنا الوحيده اللي أقدر أشيل همي"
و إذا مبسوطه " أطق راسي من الفرحه مو أجلس أكركر عندها تراني مبسوطه"
و إذا بمشكله قويه أشوف ناس فاهمين .. دارسين .... هذا إذا سألتهم !..

ع فكرة ::.. الحياه محد فيها أحسن من أحد ....
يعني إذا ماعندك صديقه ..عندك أخت حمدلله إذا ماعندك ولاوحده عندك أم ماعندك فيه والدك .. وإذا مافيه ربي بيرزقك زوج ... وفوق هذا كله ربي أرحم بعباده من أي إنسان ولو كان قلبه كبر الكره الأرضيه << تكفين لا تشبهين

بعدين نقطه ثانيه عن تجربتي :..
الصداقه .. مو على طول أحكي معها وأخذ وأعطي .. "أعرف مين هي وكيف طبيعتها تناسب شخصيتك ولا لأ "
أختبريها بـ سـر كاذب أو سـر مو مهم ... وأعتبريه عندك أهم شيء .. وشوفي ينتشر وإلا لأ !...
إذا كانت من النوع اللي يحش و ينبسط ع المعاير من باب مزح أو لعب ... وأنتي ماترضينه على نفسك
حتى لو كانت ماتقصدك تقصد بنات غيرك ... أعرفي انو مارح تفرق معها اليوم الثاني تعايرك و تحش فيك ..
فيه بنات من النوع اللي .. يشكي ,, ويتشائم عشان ترحمينه و تعطينه من اللي ربي معطيك مثل : طلب أو مساعدات
وهي قادره انها تنفذ هالاشياء بس من باب انها تعبانه و ماتقدر انتي اللي جيبي لي وأنتي ساعديني .
وهي تحط رجل ع رجل من وراك .. وأنتي متحمسه وماودك تردين لها طلب

وصدق اللي قال : "اللي مايعرفك ما يثمنك"
و أنا بالنسبه لي أحب الأهل .. ولا أهتم بعلاقات صداقه .. ولا علاقات الزماله اللي بزيادة طلعات وروحات ع مصالح.

.. أجمل تحيه ..
تشاو تشاو

جمال الروح

شو قضية الصدفة .. ماظن كل علاقة صدفة يعني تكون ناجحة ... يمكن تشوفين علاقتهم قوية ويقولون لك صدفة ..
فتفرحين لهذا الشي وفي الوقع ممكن تكون مشاكل من بينهم ..

بحور الصمت
صح النوع أهم من الكمية ... لأنه ممكن عندي صداقات عديدة ومامنها فايدة وكلها مشاكل وحسد ..
وصح في اسرار ماتنقال لأي مخلوق
لكن على الاقل احصل صديقة وفية ..


T_O_T_Y
ماشاء الله كيف تقدرين
علميني
اشل الهم لوحدي ..


نبض الوفا
شكرا على النصيحة

أختي بنت الهاشمي
الموضوع الطرحتيه جدا حلو. انا عن نفسي عدد صديقاتي الاقدر اتكلم معاهم عن (بعض) الامور البتكدرني بيتعد على أصابع اليد. إذا صديقاتك قليلات مثل حالتي مش معناه إنك سيئة. يمكن تكوني هادئة وخجولة وميولك مختلفة عن الشي السايد بين البقية .
استخدمت طريقة التعبير عن الجواي في الورق بعدين اشرطها. طريقة جدا مفيدة وحنتدهشي من كمية المشاعر البتقدري تكتبيها بس تعجزي عن التعبير عنها بالكلام.
الله يسعدك ويجعل حياتك فرح وسرور إن شاء الله