شكرا لكم ... وها أنا مازلت أبحث ... ولا استطيع أن اثق بهذه السهولة ..

انا عن نفسي عندي صديقات بس ما اقولهم على اسراري مادري ليش ما اثق بأحد ويوم اكون متضايقة اتوضا واصلي ركعتين وايلس اشكي لربي واقول له على كل اللي بداخلي من ضيق واحس بعدها براحة.

صديقه حميميه لا يوجد عندي كانت عندي بس انقرصت منها وتركتها فورا

امكن عندي اختي اشكي لها همي صدق ما القى تجاوب منها بس على الاقل افضفض

وصديقات كثير لا يوجد عندي بسبب ظروف الضغط الي يحطوني فيها اول تركتني بدون احد

والله يابنت الهاشمي انا يوم كنت في المتوسط والثانوي نصف المدرسة صاحباتي واعرف اكثر البنات والبنات اغلبهم يعرفوني وماأمشي خطوتين إلا وحدة تجي تكلمني او تسلم عليا

بس بعد ماخلصت الدراسة ماعاد في ولا وحدة تتصل خلاص كلها ايام دراسة وانتهت

الحين لي اربع سنين من خلصت الجامعة ماعندي الا وحدة بس من ايام المتوسط وغير كذا مافي
كل اللي كانوا بيجروا وراي علشان اكلمهم كلهم راحو ونسيوني ونسيتهم

يعني لا تزعلي ترى انا زيك ماعندي صديقات بس عندي اهلي ماشاءالله الله يحفظهم اخواتي واخواني وحريم اخواني وبنات اخواتي ماشاء الله استغنيت فيهم عن الصديقات اللي من برى
وغير بنات خالي اللي اجلس معاهم في الأفراح

بس صديقة بمعنى صديقة ماعندي إلا وحدة من ايام المتوسط وانا متمسكة فيها كثير:) علشان احس ان عندي صديقة:)

بنت العيم والنعم .. صديق عن صديقة فترق على ماظن ... كلنا عندنا صديقات او تقدرين تقولين زملاء الدراسة خلاص ماعاد نعرف شي عنهم وحاليا زملاء العمل .... وهو مب شرط إنه نلقى صديقة من أيام الطفولة او المرحلة الابتدائية .. مادري يمكن حظنا يكون مع صديقة بعد الدراسة والله أعلم ..



الـــ عديل ـــــروح .. تركتيها لأنه انقرصتي منها ... فهنيه الواحد يحذر جدا ... طبعا أنا ماعرف شو اللي صار من بينكم .. وشخص من العايلة ممكن تثقين فيه لكن مب الكل يقدر يكتم سرج ... مب قصدي الصديقة أفضل .. لكن فيه البعض ماعرف كيف ... أنا هاذي الصديقة اللي متمسكة بها .... الله يخليكم مع بعض ...



سلافة2120 .. لا إذا على طاري المدرسة فهذا كونج اجتماعية ... لكن يوجد شي اسمه صداقة حتى لو تكلمين المدرسة بكبرها .... وصح بعد انتهاء الشي تنتهي الزمالة ... وممكن تكون وحده وياج من ايام الدراسة وتكون صديقتج حتى لو مادخلتوا الجامعة مع بعض ... لأنه ماظن الصداقة تعتمد على درجة القرب من بعضكم ...