مشكورة الغالية........بانسبة للحشوة ممكن تعملين كبدة مع مشروم ولوز مقشر ومحمص ورز مسلوق نصف سلق وممكن تضيفين للخلطة بعد كستناء مسلوق ومقشر وتحشين فيه الديك إلى ثلاثة أرباعه .
الطريقة:
تفرمين بصلة فرم ناعم وتقلينها شوي وبعدين تضيفين الكبدة المقطعة قطع صغيرة والمشروم المقطع شرايح سميكة وتحطين عليهم من نفس البهارات إللي حطيناها على الديك أو أي بهارات تفضلينها وشوية ملح وتقلبينها حتى تتماسك وبعدين خلطيها مع اللوز المقشر والمحمص والكستناء والرز المسلوق نصف سلق ثم إحشي فيها.

حبيبتي تسلم إيدنج بس حبيت أعرف إش هو كيس القرطاس ماني فاهمة عليج، وهل جربتي الطريقة انت يعني فعلا تطلع طرية ردي علي يا قمر ، كيف شكل الكيس ومن وين نحصله وأعتقد إنج تقصدين الرول اللي يكون ورق إسمه ورق زبده ومشكورة

مشكور اختي على الوصفة
ابغي اسئل اذا فرن الكهربة ياخذ مدة اطول ولا نفس فرن الغاز

الاكليل الشمالي
اسمحي لي ارد عليك... بعد اذن الاخت الكريمه لحن الخلود
يعتمد طبخه على الحشوه..وعلى حجم التركي اللي عندك... اعتقد الاخت لحن الخلود كان تركيها صغير.. عشان كذا خذا وقت قليل..وماكان محشي عشان كذا اخذ وقت قليل بعد..
امس سويته.. وخذا مني 4 ساعات و نص.. لان حجمه كان 13,6 باوند..
هذي الصفحه فيها جدول ان شاء الله يفيد الجميع... ولصاحبة الموضوع مني جزيييييييل الشكر:26:





http://www.eatturkey.com/consumer/cookinfo/cook.html

حياكن الله عيوني..............
صالوح حبيبي الغالية أنا أقصد كيس الورق العادي إللي أحيانا يحطون فيه المطاعم والكافتيريات الطلبيات بعد ما يلفونها باللألمنيوم وأنا آخذها من الكافتيريا لأني ما عرفت من وين أشتريها .
آجا وسلمى مشكورة عيوني على التعقيب وما قصرتي ويعطيك العافية.
حبايبي أنا ما كتبت لكم الوصفة إلا بعد ما جربتها وعجبت الأولاد وأبوهم مع إنهم ما كانوا يحبون لحم الديك الرومي وخصوصا زوجي ..............تبون الصراحة أنا تندمت إني سويتها لأني زوجي صار يطلبها دايما ومثل ما انتوا شايفين تبيلها شغل وايد بس يا الله يستاهل ابو العيال وانتوا بعد تستاهلون بس ان الله إللي سوتها تكون عجبتها علشان تدعي لي. كني طولت عليكم السالفة السموحة :11: