بسم الله

ما شاء الله عليك
اخوي يحبه

الحمدلله انتى من الامارات من وين تشترين الديك الرومي وما نوعه
وفكرة القرطاس جديدة

سلام يا عسل

عزيزتي MISS_CHEF حياك الله ومشكورة الغالية على مرورك.................
الديك الرومي المثلج أشتريه من كارفور في عندهم أحجام منه بس أنا آخذ وزن 5 كيلو. والطازج أشتريه من المحلات إللي تبيع الدجاج الحي والحمام..................وغيره من الحيوانات والطيور وبعدين آخذه لمحل يذبح الدجاج فيذبحونه لي وينظفونه وبعدين أخليه بالفريزر يومين وإلا ثلاثة وعقب أطلعه وأسويه بس بيني وبينك المثلج أخف عبالة عن الطازج وأرخص بوايد وما فيه فرق بالطعم.
أما طريقة الكيس فأنا تعلمتها من وحدة أجنبية علشان يظل لحم الديك طري وما يطلع يابس وقوي ما ينكل. إن شاء الله تعجبكم الطريقة وبالعافية مقدما.

بسم الله

تصدقين اخوي دايما يقولي خلينا ناخذ من كارفور وارفض اخاااف
اسوى اللى يبونة لى هدية من مصربس اما السوق ما جربتة ابدا

انتى من اي بلد تاخذينة

اشكرك على سرعة الرد

واول ما اسوية على طول اخبرج شو صار معاي
لانها دخلت جدول اعمالى

انا عندي البهار الحلو اشتريته جاهز مطحون ينفع استخدمة
انا ما استخدم جوزة الطيب لانها محرمة بسبب انها من المسكرات

سلام يا عسل

لحن الخلود ماشاء الله عليك انتي كذا:cook:
وفكرة الكيس احنا دايما نستخدمها للسمك المشوي داخل الفرن وفعلا تطلع رووووووعه
وتسلم الايادي:26:

مشكوره لحن الخلود....شجعتيني صراحه من زمان ودي اجرب الديج الرومي بس ريلي يكسر مياديفي..ما يحبه.. خلاص بحطه امام الامر الواقع و اذا ما عجبه بعقه براسج ههههههه
انا ما لقيت هول سبايس في الجمعيه يمكن في كارفور؟
طبعا اشل اليلد عن الذبيحه..اقصد الديج صح؟....ما عليه خبرتي في الديج الرومي زيرو
اي نوع من العيش الامريكي تستخدمين؟ لاني يربت نوع ما اذكره ما ظبط وياي
و طلب اخير...سمعت يمدحون الكبه اللي تسوينها ممكن تنزلين لنل الطريقه؟
انا بطلع قبل ما امسخها...مشكوره مره ثانيه