إلى بنات الدمام والخبر ابغاكم شوي بكلمة رأس

حياك الله ياقلبي بلشرقيه وانشالله تنبسطو عندنا:
انا من الخبر وانصحك باماكن كثيره بس مني فاهمه قصدك باشياء غريبه؟؟!!

المطاعم: تشيليز بلكورنيش - جندولا جنب السيفوي بلكورنيش (ايطالي) - حديقة الزيتون والتنور الصيني بشارع الظهران - كوبر شندني بشارع الببسي (هندي) - باتي فرانس بسيفوي الكورنيش ( فطوور الصباح)
- بلراشد عندكم الصيني وفدركرز وقدامهم ايطالي للبيتزا وفيه مجمع المطاعم - القهاوي عندكم د كيف بلكورنيش - ستاربكس الكورنيش - جوفريز ورى السيفوي - وفي بلراشد اموري كافيه خطييير اكلهم - و لاكافيه بلراشد كمان
خخخخخخخخخخخ دار راااسي وانا افكر.... بلنسبه للأطفال وديهم توي تاون في فؤاد سنتر اللي بلكورنيش ومدينة العاب الراشد..واذا عندك اولاد كبار شوي خليهم ينزلو مع ابوهم بلدور اللي تحت الأرضي بلراشد عندهم العاب كمبيوترات شباب وعندك كمان محل جنب جندولا لألعاب الشبكات -

ترى يوم الخميس بيكون برد هنا بتوصل 5 فتدفي ودفي الأطفال الصغار واتمنى اني اكون افدتك بلنسبه للخبر والخوات فيهم الخير كمان اذا انا نقصت شي .

هلا والله فيك اختي
hello kitty :26: :26: :26:

والف شكر لك صراحة ماقصرتي الله يوفقك في الدنيا والآخرة

انا ابغى بعد ( وحدة طماعة ) اسواق يعني اسواق مو شعبية لا اسواق فيها اشياء خرابيط مو عارفة اشرح

يعني مثل محلات آخر فرصة ومحلات ستي بلازا يعني مثل هالحركات حتى لو كانت قديمة مو مهم المهم شيئ غير
اللي عندنا في الرياض

اتمنى يرد علي احد يفهمني عشاني مو عارفة اشرح زين

ومشكورة مرة ثانية اختي على الرد

سلام....
أنصحك تروحين لطابا في الظهران أسعارة حلوة و بضاعتة منوعة

مشكورة اختي أم دحيمان على الرد بس وش نوعية بضاعته ؟؟

والظهران كم تبعد عن الخبر ؟

لأننا بصراحة مانروح إلا للدمام والخبر
وجزاك الله خير:26: :26:

مممممممممم طب قولي تبين محلات كذا....شوووفي ياقلبي عندك قباء جنب ستي بلازا هذا عنده اثاث ومفارش واكسسوارات وغالب عليها الطابع الهندي بس بصراحه تلالاقي ساعات اشياء جنان....اما طابا فهذا محل كبييييييييييييييييييييييير للملابس رجالي حريمي اطفال كل شي يخطر ببالك صناعه مصريه الأغلبيه وانصك روحيه الصباح لأن ينزلو الصباح البضاعه ممكن بلليل كل شي زين يكونو الناس قشووووووه وبصراحه زحمته بلليل لا تطاق واسعااره خياااال يعني ممكن تريننج سوت للأطفال ب 25 ريال وقطن مصري خطيييير...اجي اشرح لك كيف توصليله تعرفيه لما تطلعي على هاي واي القشله اكيد زوجك بيعرفه يعني لما تطلعي من شارع الببسي وتيوتا على يسارك تدخلي بلهاي واي يمين وتمشي سيييييييييييييده بتمري على بنده العزيزيه وخليه وكملي سييييييييييده الين يجيك جسر لا تطلعي عليه روحي تحت بيجيك مفرق يصير على يسارك دخلة الدوحه لا تلفي يسار خشي يمين وكملي سيييده بتمري على مفروشات العصفور طابا بعدها على طووول(اتمنى اني اكون مادورت راسك لأن هذا اسهل وصف)......ممممممم ايش كمان في آخر فرصه بس تقولي عندكم .....في رامز بلدمام بلحياة بلازا عنده صحون وكاسات واشياء اشوف الناس طايحين فيها بس انا ماحبيتها.....ايه صح كمان روحي مجمع بن خلدون بلدمام والله حلو مو كبير مرره بس مرتب وحلو..................دار راسي!!!!!!!!!!! ايش تبين كمان قولي لي؟؟!