إيش سويتي بأغراض وأثاث بيتك قبل ما تتغربين؟؟؟

هلا والله
انا من ناحيتي من اول ماجهزنا بيتنا قبل الزواج ماتكلفنا بالاثاث لاننا عارفين اننا نبي نتغرب لمدة ست سنين.
عشان كذا الاثاث تصدقت فيه لواحد يبي يتزووج.
والاشياء الزينه اخذوها اهل زوجي.
صوري الشخصيه وصور الزواج واطقم الالماس واشرطتنا الفيديو كلها حطيتها بصندوق الشبكه ووديتها لامي تحفضها عندها.
انا شحنت معي القدور والخلاط الكهربائي وطاحونة القهوه بس وباقي ادوات المطبخ صرفتها.
وشحنتها عن طريق الطيار وصراحه تغليفهم رووعه توصلك الاشياء ماتكسرت بس عيبهم الوحيد انهم يوصلونها لين المطار موب لين البيت.
اتمنى اني افدتك.

مشكوره حبيبتي شذو والله يوفقك وين ما رحتي
والله فتحتي مخي شكلي راح اخذ الخلاط وقدوري الجديده والغلايه وجهاز الفينتولين حق عيالي والسيشوار عشان ما تزيد علينا المصاريف برا
وجزاك الله خير

وين باقي المغتربات اللي كان عندهم عفش؟؟؟ وسافروا ايش سويتوا فيه؟؟

موضوع خطيييييييييييير مرة الله يعطيك العافية دلوعة أبوها ...

المشكلة أنا أثاثي جديييييييد ماشاء الله ومن أرقى محلات الأثاث وكلفنا ذيك القيمة :(

وماعندي مكان أحطه فيه :( وفي الغالب راح نبيعه بإذن الله .................

ومشكوووووووووورة

انا اغراض مطبخي الاساسيه والغاليه غلفتها في كراتين وكتبت عليها من برا محتوياتها و غرفة النوم والمطبخ والفرن والغساله والثلاجه عند اهل زوجي مستودع كبير وفاضي حطينا اغراضنا وقفلنا عليها وذهبي بعته كله وملابسي الغاليه علقتها في دولاب ولدي وحطيته في غرفة خالتي ام زوجي احفظ لها وحطيت في اسفل الدولاب كور الاسفنيك صح ريحة الكور قويه وشينه لكنها تحفظ الملابس 100%
ماكياجي فرزته الزين مره والمهم حطيته في شنطه واخذته معي واللي عادي عطيته بنات اخواني
اخذت معي شنطه صغيره لاغراض المطبخ الاساسيه ( قدر وسط - قدر صغير مره- ابريق شاي - وابريق طبخ القهوه صغير - خلاط مولينكس صغير مره وحلو - ملاعق وسكاكين وملاس - بهارات- قطاعه اقطع عليها - ابريق كهرب لغلي الماء - تمر خلاص )
اخذت معي اكثر شي من الملابس ملابس البيت لأني اكيد في البيت 24 ساعه واخذت 3 لبسات حلوه لو تعرفت على احد وصار فيه اجتماعات و عبايه احتياطيه لو جاء عبايتي شي وسلامتك الله يحفظكم يارب ويستر عليكم وييسر اموركم

رجاء:
حجابك وسترك هو عزك و كبريائك ارجوك لاتتخلين عن دينك لأجل دنيا فانيه فاالتهاون بالحجاب هو بداية الانحلال لا تستمعين الى الابواق الناعقه بضرورة نزع الحجاب او تخفيفه لان هذا البلد او ذاك لايتقبله مثلما جعلونا نتقبل مشاهد العري سنجعلهم يتقبلون مشاهد العفاف والشرف فنحن سفراء للاسلام اسأل الله ان يجعلنا خير سفراء لهذا الدين العظيم حفظك الله اينما كنت

أحنا أثاثنا جديد وأستجرنا مستودع وحطينا فية كل أغراضنا الجديدة والاشياء الي مانحتاجها كلمنا الجمعية وأخذوه من ملابس ومفارش وكنبات وسجادات وغرفة نوم عيالي وشحنت معي بعض الاواني