ابغى وحده مصريه تعلمني طريقة الكشري

السلام عليكم و رحمة الله و بركاته

حبيبتي للاسف ما اقدر اساعدج بس اللي اقدر اقولج عليه هو انج تحطين الطلب في قسم الطبخ و ان شاء الله بيردون عليج

المقادير :

كأسين أرز
كأس عدس أخضر
ربع كأس شجميليه
ربع باكيت مكرونه
زيت لقلى البصل
5 بصلات مقطعه جوانح
ملح وبهار وفلفل أسود على حسب الرغبه


( مقادير الصلصة )

فص ثوم
مكعب ماجى
طماطم عدد 3
صلصة
4بصلات
كوبان من الماء

الطريقه :



1- يغسل العدس الأخضر ويوضع بقدر به ماء ويسلق لمدة 20 دقيقه تقريبا .
2- يصفى من الماء ويحتفظ بالماء .
3- يغسل الأرز ويسلق فى ماء العدس الأخضر .
4- يسخن الزيت وتحمر فيه الشجميليه وتسكب على الأرز مع إضافة الملح .
5- يصفى الأرز بعد نضجه .
6- تغلى المعكرونه وتصفى .
7- فى قدر يخلط كل من الأرز والعدس والمعكرونه .
8- يسخن الزيت ويضاف له البصل وبعد أن يحمر
يسكب فوق الخليط فيغطى ويترك على نار هادئه لمدة 20 دقيقه .



لعمل الصلصة :

يفرم البصل ناعما ويحمر قليلا فى الزيت
تفرم الطماطم والثوم وتوضع على البصل
وتحرك الى أن يدبل البصل والطماطم
ويوضع مكعب الماجى والصلصه والبهارات
وبعد أن تختلط جميعها يضاف الماء
وتترك لمدة 15 دقيقه .

ام مريم بدر /// تسلمين يالغالية على الطريقة

بس في سؤال عندي ---- شنو هي (( شجميليه )) ؟؟؟؟

يعني في لها اسم ثاني ؟؟؟

ولج تحياتي

تبين الكشري لازم تسوين معاه الدقه
وهي عباره عن خل وثوم مدقوق و شوي كمون بودر تخلينها في كوب زجاج تنقع قبل ما تبدي الطبخ
وعند الغرف خلي كل واحد يرش على طبقه شوي وشوفي الطعم


والدقوس اضيفي عليه فلفل شطه ابو ديك وشوفي شلون الطعم بيصير

اما الكشري
اسلقي معكرونه اللي مثل الروبيان شوي
اسلقي معكرونه اسباغيتي شوي
العدس اسلقيه واخذي نصه على صوب
قطعي بصل شرائح واحمسيها بالزيت لما يصير لونها بني صبي الماي والملح وخليها تطبخ علشان الماي يتغير لونه
اضيفي العدس و الرز المغسول واطبخي الرز عادي

عند الغرف حطي طبقة رز طبقة عدس - معكرونه - شوي دقوس و رشي البصل المقلي شرائح على الوجه وعليكم بالعافيه

ام مريم بدر زي مالتفضلت الاخت شنو الشجميليه؟؟؟؟؟؟
العصفورة شنوع الخل المستخدم؟؟؟؟؟؟

والله يعطيكم العافيه يارب