لا مو معقول كلنا عندنا هالمشكله
تصدقون اني توقعت ان المشكله فيني انا بس
خمول موطبيعي
لاقهوه ولاشاهي ولانسكافيه نفع
الحين طحت بالبايسون يمكن ينشطني شوي
المشكله اني مو متزوجه يعني لاعيال ولاهم

رسيل :

اطلبي منها انها تسويلك التحليل .. انا طلع عندي غدة درقية من غير مما يتغير النبض ولا شي ..

اختي رسيل ونتي تتكلمين عن نفسك احسك تتكلمين عني
نفس اعراضك تمام ولا عاد اروح اجتماعات ولا منا سبات والعمل اخذت استثنائي
واغده الدرقيه سويت لها تحليل وما طلع فيني شي
ما ادري ها الي فينا ايش علا جه
مع العلم كل الطرق اتبعتها وكل المحا ولات

والله يابنات راح اقول لكم ....انا كان عندي نفس الأعراض.....
وغيرت طريقة نومي.....وتحسنت الحمد الله ....والله ماتصدقون نشاااااااااااااااااااااااااااط ربي لك الحمد.....

بس الطريقة صعبه تستمرون عليها....يعني اشوف انها صعبه بالنسبه لكم.....

اخواتي انا راح اقول لكم وش كنت اسوي بالحرف الواحد......

والله كنت انام بعد صلاة العشاء مباشرة....(( اكون قبلها خلاااااااااص منصرعه ابي اناااااااام لكن استنى لين يذن بعدها اصلي وانام)))
وقبل مايذن الفجر وانام صاحيه والله العظيم من منبه ولاساعه وهم ...اقوم كذا بكل نشاط وحيويه...

وعلى كذاااااااااااا طووووووووووول اسبوع كامل استمريت كذا....
والله والله والله.....والله على كل مااكتبه شاهد

ان بشرتي تغيرت مئه وثمانين درجه.....من جد فرق فرق


لكن للأسف ماقدرت استمر.....والسبب الي حولي



اهلي اخواتي مو راضين يطبقون هالطريقه معي....:06:

تخيلوا كنت اقوم لوحدي.......................والكل نايم....ويوم انام تبدأ سهرة العائلة

بصراحة ماقدرت ورجعت حليمه لعادتها القديمه.....زي ماانا:06:

ونسيت اقول لكم انا اخذ حبوب سفن سيز (( حبوب زيت كبد الحوت)) مره ممتازه

للخمول والكسل....والإرهاق....


ونسيت اقول لكم معلومه مره مهمه................ترى اغلب الخمول والكسل من قله الأكسجين في الجسم
جربي لما تسوين يوجا....راح تحسين بنشاط....وغير هذا كله

لما تطلعون تتمشون في مكان....في أشجار وطبيعه او حتى بالبر....الأكسجين صافي مو ملوث ولاشي بالله ماتحسون بنشاط.....

هذا هو الي عندي ....واتمنى اني اكون افدتكم....:26:

Ocean Dream أنا هالأيام من شدة الدوخة والإرهاق أنام الساعة 10 أو 9 بعد تخيلي في رمضان.. وأقوم من الصبح..
ولا أطبخ.. << دلعععععع الله يعافيكم من ثقل الدم
يعني كل يوم وترك رايحة أفطر عند أهلي.. وإذا طبخت شي بسيييييييييييط الله يصبر هالمقرود مسيكين اللي ينقال له زوجي على ثقالة دمي..

أما بيتي الله يرحم الحال.. يوم يجيني نشاط أركض بسرررررررررررررررعة وأنظف كل شي قبل لا تخلص البطارية! وبناتي الله يحفظهم ما يقصرون حتى الجدران يشخبطون عليها يعني نفسيتي تتعب على الفاضي وأنا أشوفهم بعيوني يخربون كل اللي أنظفه ولا أقدر أسوي شي من شدة التعب ولا حتى أهاوش.. كأني حيوان الكسلان هذاك اللي يجيبونه في التلفزيون ماسك الشجرة ويناظر بعيونه وساكت!!

حتى زوجي مسكين ما عاد يشوفني إلا تعبانة ودايخة وأتشكى صرت أستحي منه والله..
قبل أمس قال شرايك نروح نتسحر بمطعم؟ قلت له صاحي؟؟ أنا للساعة 11 يا الله أقدر أسهر وعيوني تحمر شلون أروح أتسحر برا؟ قال فطور؟ قلت له الفطور تعبانة ما لي نفس أطلع فيه..!! << ما قلت لكم ثقيلة دم

حتى أمي تقول وأنتي طول عمرك ما شبعتي نوم وتعبانة؟ متى تشبعين نوم؟!!..وفي بيت أهلي دايم زعلانة وضايق صدري وأتسدح هنا وإذا قمت علشان أنسدح في مكان ثاني تقل وحدة بنفاس..

وأنا جربت قراءة سورة البقرة كل ليلة ونفعتني بعض الشيء ولله الحمد لكن المشكلة موجودة.. يعني تخف شوي لكن ما تختفي ترجع.. الله ياجرنا إن شاء الله..

الله يجزاكم كل خير يا بنات والله كنت أحسب إني الوحيدة اللي عندها هالمشكلة اللي سودت عيشتي.. لكن إن شاء الله نحتسب الأجر عند رب العالمين..

ويا حليلك يا حلم المحيط.. وين نتمشى ووين الأشجار (هنا الرياض).. ووين أودي هالبزارين؟ لو بأطلع معهم بتتحول التمشية إلى رفع أثقال قصدي أطفال..

بس الله يعافيكم اللي عندهم هالمشكلة..
وش يقولون أزواجكم..؟
أنا المسيكين اللي عندي حبيّيييييييب وساكت المسيكين يا بعد حيي بس حاسة أنه بدا يطفش من هالوضع كنه عايش مع عجوز ماغير تشكي وتتوجع وتونون (تئن تئن!)..