الله المستعان ..
ربي يصلح بينهم ويهدي سرهم ..

و أعانك الله يا أختي ..
واضح إن نيتك طيبه وإنك تسعين للإصلاح بينهم ..

لكن علاجهم فعلاً إنك تتركينهم يحلوا أمورهم بينهم ،

إذا إبنك شكالك من زوجته .. قوليله هذي زوجتك مايصير تغتابها .. عييب و حراام ،والمشاكل ملح الحياة الزوجية .. حلوها بينكم ،ومافي بيت يخلوا من المشاكل ..
يعني هوني عليه الأمر ولاتحسسيه إنها مشكلة، ولاتسمحيله أصلا يتكلم على زوجته.

~
و ربما يكون إبنك أساء لها أو جرحها وأنتي لاتعلمين وهي لاتريد -أو لاتستطيع - مصارحتك به ،خاصة وانه ابنك ..

احتمال جاب سيرة طليقته او قارن بينها وبين طلقيته ، أو تضايقت من نقله لحياتهم وخصوصياتهم لكم ،أو أي أمر آخر والبيوت أسرار .

وإللي خلاني أرجح هالشي تصرفاتها و كونها تروح لبيت أهلها زعلانة و تطلب ترضيه .. مو معقووولة كذا من غييير سبب ، أكيد في شي بينهم خلاها تزهد فيه أو تنجرح منه !!!
خاصة وواضح إنها تحبه لأنها حاولت العودة إليه ..

وإللي يأكد كذا أكثر كلام أمها لما قالت تخلونه يسستفرد فيها !!!!!!!!!
أكيد إن فيه شي سواها سبب ردة الفعل هذي وخوفها على بنتها أو كونها ترى إبنك غير مؤهل للمسؤولية

وعموماً واضح إن الأم قالت كذا كردة فعل سريعة ..
بس الأكيد البنت تتمنى يكون لها مملكتها الخاصة بها
لو تقدروا توفروا لهم منزل مستقل خلي إبنك يشوفه ويوقولها .. وأكيد إنها مارح تمانع

~
وبالنسبة للجوال .. اتقوا الله ولاتشككوا بالبنت ..
مايصـــــــــــــيــــــــــــــــر أحد يرمي الإتهامات لعرض أحد كذا بهالسهولة ..
هذي إسمها قذف للمحصنات

و ماكان فيه داعي تحطين هالجزئية وهالكلام ..
خاصة إذا كنتي تعلمين أو يغلب على ظنك أن بعض العضوات يستوحوا من كلامك التشكيك في عرضها وشرفها ..

وترى عادي جداً إنها تحط كلمة مرور للجوال أو تكلم أخواتها أو أمها أو صاحباتها كل يوم ..
والحين الكل صغير وكبير إنشغل بالتقنية -إلا من ندر -

وأكيد سواليفها مع أخواتها أو صاحباتها مو من حق زوجها يشوفها !!!
سواليف حريم ليييش يشوووفها !!

عني أنا ماأرضى إن زوجي يشوف سوالفي مع البنات وأحسسه عييب أصلا رجال يقرأ سوالف الحريم ،خاصة لو كان كلام عالخاص مو في مكان عام زي المنتدى مثلاً لأن إللي تكلمك تكون أمنت لك وإن الكلام بينك وبينها بس ...ومايصيير يجي رجال ويقرأ الكلام !.

إذا إبنك شكالك من هالجزئيه قوووليله عييييييييب الرجال يشوف سوالف الحريم ومن حقها تكون لها خصوصيتها .
ومايصير تشك فيها عشان هالشي !

~

+ الرقية لاتغفلوها .. وشغلي سورة البقرة واطلبي منهم يشغلونها عندهم في غرفتهم ، وذكريهم بالأذكار و الرقية << لأنو لو ماكان فيه سبب ملموس فاحتمال فيه اسباب روحية
والقرآن عموما كله خير وبركة وطمأنينة للنفوس .

السلام عليكم ورحمه الله

الردود اللي جات اول شي جدا مستفزه وماتبي لك ولا لودك الخير

ايش اللي يهددها

وبعدين السؤال اللي يطرح نفسه هو ولدك ما قدرت الاولى تتاقلم معاه ...اوكي ..تصير كثير

لكن كمان الثانيه ماهي قادره تتاقلم معاه

اتوقع ولدك فيه شي او فيه مشكله لانك ماذكرتي لنا ليش الثانيه ماتبتسم له مستحيل مافي اسباب والشي الثاني اللي ما ذكرتيه هو ايش نوع مشاكله مع زوجته الاولى يمكن لسى مستمره معاه لان غالبا الازواج اذا ماتوفق بالاولى يتوفق بالثانيه وخصوصا الرجال


اتمنى يا عزيزتي الام انك تنظري للموضوع من ناحيه الزوجه ومن ناحيه ولدك مو بس تفكري بمشاعر ولدك وتنسي بنت الناس

اجلسي مع زوجة ولدك وحاكيها بحب اساليها ليش متضايقه اساليها اذا ولدك مضايقها في شي واضغطي عليها بالسؤال لان بعض البنات تفكر انها اذا سكتت فهي زوجه سنعه

واضح جدا انك خايفه على ولدك بس مو معناة هذا ان حبك ينسيك ان الزوجه ايضا لها مشاعرها واحسيسها واحترامها اسمحي لي يعني بنات الناس ماهم العاب في يد ولدك كل مره يتزوج الين مايلاقي اللي يعجبه ماتدرين ممكن تدعي على ولدك دعوه مايشوف التوفيق في كل عمره
حتى لو كان ولدك صغير فانتي اللي زوجتيه وكان لازم يكون قد مسؤوليه الزواج ولا مايتزوج الا لين يتحمل هذي المسؤوليه

وفيه حاجه شوي استفزتني (ولا اخليهم يطلقون )

مشكلتك انك متعلقه بولدك وللاسف انتقدي اهل زوجته الاولى انهم يدتخلون بحياته وهذا انتي جالسه تتدخلين بحياته ولا ياليته تدخل صح يعني بتهدمين بيته
مين يبغى رجل طلق مرتين
والرومنسيه لحالها ما تبني اسر
كيف اخلاقه مع الله ؟ معاها ؟ كيف يطلع يسافر ؟ هذا هو السؤال

انا ما اعرفك يا اختي ولكن بالمنطق تزوج ثنين وكلهم ما يحترمونه ايش يعني هذا ...!!!!

عزيزتي
لاتظلمين زوجة ولدك يمكن يكونون الثنين طيبات بس ولدك ما احسن عشرتهم

تاكدي قبل ان تدفعك عاطفه الامومه لظلم امراه قد تدعي عليك وعليه طول عمرها وعندئذ لن ينفع الندم

حظهه ونصيبهه

الله ييكون في عوونك وعون ولدك

انا مع الخت في كلمه شوف ولدك واذا تبغي بيت لوحده من حقه :27:

ياختي الرقيه وزي ماقالوا البنات لو تدورون له بيت قريب عندكم حتى يتحمل كل شيء يمكن ولدك فيه حاجه ماتعرفون عنها اقصد العلاقه الزوجيه وكذا ويااختي اللي مقوي البنت اهلها وامها ماادري استفزني ردها انه البنت ماتشتغل وماادري ايش بدال ماتعين بنتها تزودها وخليه يحل مشاكله بنفسه ولا يصير ضعيف شخصيه يتكلم معها بجد انه يابنت الحلال لك حقوق ولي حقوق اذا ماتبغين تطبخين وتغسلين اجل انا ماراح اشتري للبيت كذا وكذا والحياه الزوجيه تعاون وشراكه
وكلمي الاام وقولي لها يام فلاان انا ناس شارينكم وكذا وولدنا ماطلب الا حقه ليش ماتغسل كذا وكذا وقولي اذا انتم شايفين شيء بولدنا قولوا لنا مايصلح الحياه هذي وان الحياه شراكه طيب فهميها انه ماراح يجي لها شيء واذا قالت شيء قولي اولدي مو سواق لها واذا تكلمت قولي مثل بنتك ماراح تصلح لولدي ملابسه بعد ولدي مو مصلح ---
ويااختي عيني بنتك على انه ترجع الزوجها وقولي مافيه اهل يرضون البنتهم انكد وقولي البنت خليها تكلم الولد وتوضح اللي تحب انه فيه كذا وكذا وكذا ويابنت الحلال الولد وش مسوي وقولي مانبي لهم الا الخير ويعيشون براحه
يااختي احس ولدك ماله اي كلامه ابدا يشد شوي بعض البنات لاشديتي عليهم يمشون مو بالصراخ لا بالتفاهم ويكون بعيد عنكم وعن اهلها ياخذها مكان فندق طلعه سفر على حسب قدرته
ولو صار شيء يصبر شوي لايتزوج وانتم ابحثوا له بنت قد الزواج وتحمل المسؤوليه
ودوري كلام الاام البنت واذا مانفع احسن شيء تصير كلمه رجال بصراحه الااباء يمكن ابوها مايدري عن شيء ابدا
يقول ابو ولد الاابوها انه كذا وكذا وكذا بنت ماتغسل ومدري ايش وتقول كذا نبي الحل
ولو ولدنا فيه شيء قولوا لنا نشوف كلام مع ولدنا انا ناس مانبي الا انهم يرجعون ونببغى لهم الخير
ومايرضينا ان ولدنا يصلح ببنتكم شيء ومايرضينا الحال وكذا
الله يعينكم بصراحه
احس البنت تاخذ كلام امها الخطاء وخواته وتقول لهم كل شيء وهذا اللي مقويها ومخربها
وولدك شكله ماله كلمه وشخصيه
الله يجزاك خير ويصلح حالهم والدعاء والااستغفار والصدقه اكبر حل