الله يصبر قلبك لاتفكرين كثير كل مافكرتي استغفري وحوقلي وادعي ربي بسجودك لاتخلينه اكبر اهمك اشغلي نفسك مع عيالك ادخلي تحفيظ اهم شي ماتجلسين تفكرين لانك بتتعبين الله يشرح صدرك اختي ويجعل زواجه بردا وسلاما على قلبك

ياعمري عليك
الله يجبر قلبك

اسأل الله ان يجعل زواجه برداً وسلاماً ع قلبك وفتره وتعدي وسيظل زواجه شي طبيعي زوجك ياأخيتي لم يظلمك بشي واخبرك بزواجه واختارك من تختارين له افضل من غيره ولا تصدقين ان زواجه من اجل الذريه حتى ماتتحسرين ع نفسك كم رجل تزوج وماينقصه لا اولاد ولازوجه ودود تمنيت ان استطيع التواصل معك لأخبرك بقصتي حتى يهدأ قلبك وتشعرين بالراحه وانك افضل من غيرك ولكن استمتعي بحياتك ولا تجعلينه محورها وعيشي مع اولادك وافرحي ولاتجعلي الحزن يسيطر عليك فتخسري صحتك واولادك من اليوم ارمي الحزن ورائك بنفس قويه وابدأي حياه جديده جميله فهذا ماكتبه الله لنا ووالله اني دعوت لك من قلبي وبالنسبه لزوجته بلعكس اقبلي هديتها بصدر رحب ولاتنسي انها رفضت زوجك وانتي من اقنعتيها باخذه وان شاء الله انها تكون بمثابه الاخت لك

الجرح كل شوي يزيد ابقول لك عن تجربتي زوجي تزوج علي وماقدرت اتقبل مع انه كان يحاول يراضيني واختياره حسب رغبتي وانا اللي رشحت له لكن ماقدرت اتحمل الغيرة وحاولت اتعايش مع الضرة واتقبلها لكن ماقدرت وزوجي بس يداريني ويحاول يرضيني وانا نفسي طابت وبس حزينه ونفسيه ومرات اشن حرب على زوجي وهو متحملني ومرات احاول اتعايش قال زوجي اذا تزوجت ثالثة ترضين قلت ايه وشجعته وتزوج الثالثة والثانيه ماكملت ١٠ شهور متزوجها وتزوج عليها الثالثه وانا تغيرت نفسيتي للاحسن بس مازال قلبي مجروح وماني متقبله ضرتي الثانيه اما الثالثة مااغار منها للابد وزي باقي الناس مع ان زوجي تغير للاحسن ١٨٠ درجه بعد زواجه الثاني وتغير ٣٦٠ درجه بعد زواجه الثالثة للافضل لكن مازال القلب مجروح وغير متقبله للواقع ابدا الله يعوضني بالجنه والا الدنيا خلاص خربت 💔💔💔💔💔💔💔💔

أختي وحبيبتي قلتها لك قبل من تجربتي مشاعرك طبيعيه جدا بس بقولك اول ملاحظه ...في الاول انتي اخترتي البنت واقنعتيها فرفضك لها الآن كسر لها وقلت لك يحسب لزوجك أخذ بشورك وتزوج مطلقة وباختيارك انتي فاحتسبي اجر ستر المسلمة وترى هي انكسرت بطلاقها كسر عظيم وبإذن الله ماراح توجعك
ثانيا ...ليه تكابري على مشاعرك الرجل لما يشوف الحرمة مثلا تكابر وتشتغل وهي تعبانة لما تجي يوم تقول تعبانة مايرحمها ومايصدقها ...الحمدالله وافقتي على زواجه بس بالنهاية لازم يعرف انك انثى ولك مشاعر وحزينة على فراقه انتي ممكن تكابري تكابري بس بترجعي تنفجري بجنون وماراح يقبل منك لانه تعود انك تكتمي مشاعرك قلتلك قبل فهميه انك حزينة وانك محتاجه يداري وضعك وانه مايبين فرحه قدامك وحتى هو لازم يكتم مشاعره قدامك وانتبهي انتبهي تفتحي جوال او تسأليه عن خصوصيات بيته أو أثاثه وترى من صالحك انه يعجل بالزواج كل ماصارت الامور بسرعه مرت الايام القاسية فترة الملكة فترة وهمية كلها حب لكن الزواج يكشف المعادن وتهدا النفس ويعرف ان المراة هي المراة وان اختلفت ميزاتها بالنهاية الفرحة فرحة العرس فقط والجديد بيرجع قديم وكل ماجاها عيال وتحملت مسؤولية فهو افضل لانه بيصير عندها مسؤوليات مثلها مثلك طفل يبكي ويمرض ويحتاج لمداراة
ثالثا ...كل رجل بداخله فطرة وحب للتعدد بس ماجاءت الظروف المواتيه ولما تتوفر بيتزوج يعني جيبي للرجل وحدة مالها طعم ولا لون بس بينهم عقد زواج بينام ويقوم معاها ويمتع نفسه نفسه نفسه مو عشانها هي فإحنا كنساء مو متقبلين هالشيء ولا نبغى نتقبل فحاولي تقطعين على نفسك حبل التفكير بذكر الله اقرأي البقرة يوميا واقراي ادعية الهم واكثري من لاحول ولا قوة الا بالله واستعيني بالله واطلبيه العون يصبرك وينزل عليك السكينة ويهون مصابك والله كنت اقول يارب تمر الايام بسرعه وتخلص السنة من كثر مانقطعت من البكاء مرت السنة والنصف وانا ماتقبلت لكن والله ظروفي غير تماما وزوجي دخل فكرة الزواج براسه بسبب اهلها وظلمني سابقا ولما انصلح حاله تزوجها واكرمها والآن بيقارن ولو في قلبه وتظهر أحيانا بفلتات لسانه انها تدور رضاه هو كرجل مايفكر انه المراة اذا لقت من يحتويها تعطي بسخاء لذلك انا مانقبلت ولكني اشجعك عالتقبل لأن الم عدم الرضى أشد عالنفس من الم غيرة فقط واستفيدي من تجارب الآخرين
رابعا ...سؤالك هل تغير بعد زواجه ...اذا كان بينكم حب وماكنتي مقصرة وهو رجل شهم بيطير طيرة العرس فترة وبيرجع وفي نفس الوقت راح يكون ايضا زي العريس معاك اما اذا انبهر بشيء وماكان شايف خير فالله اعلك بالنهاية ادعي الله ان يجعلك في قلبه كعائشة في قلب نبينا ويجعلك قرة عين له ويجعله قرة عين لك