وأذكرك وأذكر نفسي على استحياء بهذا الحديث من رضي فله الرضى ومن سخط فله السخط ....الحمدالله انتي عارفة البنت وشايفتها انا خايفة يجي يوم اشوفها معاه بالصدفة وخاصة انها صغيرة حجما وعمرا وانا عكسها يعني هذا بحد ذاته مؤلم الم شديد وزي مايقولون كل مصيبة بدايتها تكون عظيمة وبعدها تهون راح ترجعي تتعودي على مشاعر الالم ويمكن يقل محبته في قلبك وتعرفي انه شاف حياتك انتي لازم تشوفي نفسك وتفكري فيها اولا واستثمارك الحقيقي راح يكون في نفسك وابنائك الله يهون مصابنا جميعا ويفرج همنا الله يرزقك خير زواجه وزوجته ويكفيك شرهم يارب

اقول جزاك الله خير على كظمك الغيض وكثر من امثالك وعوضك بصبرك خي

كنتي مثلها برهه من الزمن صغيرة عمر وحجم وقتها كنتي حاسه ومستمتعه بهذا الشي ﻷ بس لانك فقدتيه موجوعه
وتتخيلين قلبه يقارن وان كان فعلا
خليه يقارن انتي ليش حاطه الاحتمال
والجانب السئ لك والجميل لها بسبب
لسانه ايش دراك يمكن عندها يفلت
بمدح لك
حتى هو استمتعتي بشبابه وبقوته
وبوسامته وشعره الكثيف
الآن هو مثلك فقد مثل مافقدتي
من مواصفات وشكليات هل كرهتيه
مازلتي تحبينه وتغارين عليه هو مثلك
وأشد عليك
زوجك يشوفكم مثل لما يشوف باقة الورد انتي ورده وهي ورده انتي لك
مزايا وهي لها مزايا انتي ورده حمراء
هي ورده صفراء بالنهايه كلكم نسوان
الاهم وييييين يلقى الراحه والجاذبيه
خليك دايما مبتسمه حتى لما يشوفك تكونين سعادته خليه يدمن ابتسامتك
لها تأثير كبير على الازواج

الله يصبر قليبك ماتنلامين مهما كان ابو عيالك
بس فكري بالاشياء الإيجابية
منها:
هو تزوج بالحلال ماراح لبنات الشوارع وقذارتهم زي أشباه الرجال .
هو تزوج لسبب يبي عيال اكثر وهالشيء من حقه.
هو تزوج برضاك وسعى لتطيب خاطرك
وفوق كذا خلاك إنتي بنفسك تختاري له لو هو لعاب وراعي خرابيط كان اختار بنفسه أو كلم خواته وحط شروط للزوجة الثانية بس والله باين انه يحبببك وشاري رضاك


عيشي حياتك وانبسطي معاه هذا مهما كان زوجك وانتي الحب الاول وأم عياله والدنيا قصيره وانا اختك حطي ببالك ان كلنا راح نفارق احبتنا أو يفارقونا ووقتها راح نندم ع كل لحظة راحت في زعل وجفا

اولا زوجك عاقل طلب منك وهذا بحد ذاته تقدير لك
الشي الثاني خطيبته رفضته ووافقت بعد كلمتيا انتي
يعني من ناويه على شر معك بالعكس راح تحترم مشاعرك وبما انها مطلقه من قبل راح تعرف تدون مشاعرها وماتندفع بقوة عكس لو أخذ بكر راح تنجرف ورا مشاعرها ولا راح تهتم لك لكن حاولي تكسبي زوجته دام انك مقتنعه فيها وطيبه وهذا بحد ذاته راح يخفف من موضوع الغيرة لانها راح تحترم مشاعرك وما تستفزك أمتي ردي الهديه لوحده ثانيه يوم الزواج واكسبيها في صفك لاتقرب منها أخت زوجك وتعبيها وتكسبها وتصير ضدك وتتحول حياتك لجحيم
نجي الآن لزوجك طبيعي انه ياثث البيت خلاص وافقت وتملك ايش الي يخليه يأجل الموضوع هو ماكلمك في موضوع الزواج إلا صادق ويبي عيال ادعي له بالبركة والذريه الصالحه واذا مو حابه تحضري الزواج على الأقل توصل الهديه لزوجته اليوم الثاني موقعه باسمك مع تمنياتي لك بحياه سعيده مع زوجي والله يرزقكم الذريه الصالحه عشان تعرف الهدف من الزواج ومنها كمان زوجك تبقى مكانتك محفوظه عنده مهما كان فيه تدخلات خارجيه
زوجته مهما صار مهما حصل حاولي تبيين انه عادي زواجه واكسبيها لاتتركيها لاخت زوجك لأنه مثل ماعرفت انها ماتبيك واكيد راح تفرح وأحاول التدخل بينك وبين الجديدة خصوصا لو عرفت انها طيبه يسهل تعبيه رأسها عليك لذلك حاولي مهما كنتي متضايقه من الموضوع لاتبينين خصوصا بوجود أخته أو أي طرف يوصل لها الكلام
وتذكري أن الظروف هي السبب فقط وحكمه من الله
نجي لك انتي المشاعر مع الوقت كفيل انه يغيرها لكن ادعي أن الله يربط على قلبك والزمي لاحول ولاقوة إلا بالله العلي العظيم تفرج على المسلم 99ايسرها الهم الهم والحزن الي انتي فيه راح يفرج بس الزمي الحوقله وتعدي الأيام ورزقنا ربي ب اطفال واحتسبي اجر ستر البنت وتزويجها
وحتى لو جاها عيال كمان خفيف من غيرتك لأنه الهدف من الزواج الذريه سواء اتفقوا مع بعض أو افترقوا الاهم تكوني أنتي مو سبب في مشاكلهم لأنه مثل ماراح يهتم فيها راح يصير مشاكل بينهم هاذي الحياه الزوجيه فهي مسأله وقت فقط
حاولي مااتقصري عليه واذا سألك قال برضاك قلي برضاي ولو علي مازوجتك لكن الظروف أقوى مني والي تشوفه غيرة عليك يعني بتخيل انك في حضن غيري وافرح امت لو تخيلت اني في حضن غيرك


بتشب في قلبك نار لذلك أحبك واتمنى التوفيق والذريه الصالحه عاجلا غير اجل لكن مشاعري صعب أتغلب عليها لازم تشرحي له هاذي النقطه
وانت ماتقصر وان شاء الله مع الوقت وطريقه تعاملك معنا انه تختفي كل علي المشاعر السلبيه وثق تماما اني ادعي لك بالتوفيق والتيسير لكن شي غضبا عني أفضل من لاشي مافي شي والسكوت لأنه لازم يعرف مشاعرك عشان يقدرها لك وماينجرف ورا سعادته ويتجاهلك لذلك لازم ب اسلوب حلو توصلين له الكلام وبالتوفيق لك