ابوي ظلمنا قبل لا يموت

السلام عليكم ورحمه الله وبركاته
يابنات هذي مشكله عضوة من العضوات معانا واتمني من اهل المعرفه في هالمجال يساعدوها والف شكر لكم
تكفون بنات ابي مساعدتكم الي اخوها او زوجها او بوها يعرف شي عن مواضيع الورث وهالشغلات تفيدنا احنا 6 بنات وامنا فقط وابوي متوفي من 9 شهور تقريبا ابوي مو مقصر علينا والحمدلله حالتنا الماديه كويسه وابوي طالع له ورث كبير من ابوة وبني لنا بيت واشتري لنا ذهب وسفرنا ودلعنا وما قصر الي صار انه اختي الكبيره عمرها 28 سنه اقرب وحده من ابوي خاصه باخر أيامه لما كان مريض هي ماتقصر وتخدمه وتحاول تبعدنا عنه او بالاصح تقول لنا خلكم بمدارسكم وكذا وانا بهتم بابوي الي صار انه لما توفي ابوي علي مايطلع لنا راتبه التقاعدي والأوراق وكذا والحوسه كنا بنصرف من حسابه الي بالبنك واحنا ندري حساب ابوي فيه مبلغ فوق المليون وشوي تقريبا المهم مانشوف الا اختي الكبيره تقول حساب ابوي صفر طيب وين الفلوس قالت ابوي حولها علي حسابي احنا استغربنا كيف كذا قالت هذا الي صار ومالكم فيها ولا ريال وسكتنا وتوة ابوي متوفي ماحبينا نجادلها او نسوي مشاكل والحمدلله الراتب الي ينزل لنا من الحكومه يكفي احتياجاتنا بس الحين كل شي غالي واختي تدرس صيفي ومحتاجه أغراض وكذا والبيت فاتورته جايه فوق ال1900 ريال وعلاج امي ومصاريف كثيره تقول مشو روحكم بالراتب ويوم طلبناها فلوس مارضت قالت مالكم شي فيها
الحين امي قالت لنا هذي مو حاله ومايجوز الي تسويه اختكم احنا نبي حل انا هددتها بشتكي عليها وهي طنشت وقالت كل شي بحسابي وماتقدرين تسوين شي هل فعلا كلامها صحيح مانقدر نشتكي عليها ونطلع حقنا طيب الحكومه تدري انها محوله الفلوس من عند ابوي وهي مش موظفه عشان تقول فلوسي ولا عندها دخل وهذي الفلوس فلوس الكل ومايصير هي تاخذها فالي عندها حل ياريت تعطينا خبر وكيف نثبت انه هالفلوس للكل مو بس لها
الله يجزاكم خير ياريت تردون علي باقرب فرصه