#صـــافيـــه# :

تذكرت نفسي كان عندي ثلاث ورى بعض مشت الايام وراحت والان اتمنى ترجع واستمتع معهم. بقولك وش سويت تخيلي كنت غربه و لوحدي وزوجي ما يرجع الا باليل. اقومهم بعد ما افطر ابوهم ويطلع يطلع سبع ونص اكون مجهزه رضعاتهم والكبير فطور يعني تجي ثمان الصبح. اقومهم اغير حفاظات و البسهم ملابس البيت وبعدها احطهم بالغرفه حقتنا انا وياهم فيها تلفزيون معلق والعاااب وكنبه انا اتمدد عليها واصك الباب اجلس على الماسنجر زمااان واتكلم مع الي موجودين والا اقلب النت. بعدها اطلعهم عند المطبخ على 11 ونص اعطيهم سناك واحيانا ما يتشتهون على حسب واغير للي يحتاج تغير ونرجع للغرفه. انا اطلع احط الغسيل والا اكوي او اكنس اسوي اشغالي وارجع اطل عليهم كل شوي ما اطول عليهم الغرفه انا مسويتها مصكره افياش الكهرب و العابهم كبيره مافيها اجزاء صغيره. عشان ما يبلعونها. والصغير حاطه له سرير الي له حواجز هو اساسا مجهز للالعاب مو سرير نوم احط لك صورته على وحده ونص اغديهم واخليهم يقيلون ادخلهمزالغرفه اصك الستاير . وهنا حطي بالك لا ياخذ قيلوله طويله مافيه نوم بعد الساعه 3 ابدابد ابد حطيها ببالك اذا نام بعد 3 العصر مراح ينام باليل عشان كذا لازم وقت تغدينهم وتنومينهم ساعه ساعتين وبس تقومينه حتى لو يصيح.. واغير للي يحتاج تغير وارجعهم للغرفة الالعاب وانا اسوي اشغالي ومع ذالك كل شوي اطل عليهم او اجلس عندهم. على ست اجهز العشاء لابونا يرجع وانا اتظبط واضبط عيالي يجي هو يجلس معهم ماتجي ثمان الى تسع الا مروشتهم ومنومتهم. الكلام سهل بس صدقين بتستمتعين صوريهم استمتعي معهم انا اجلس كم اسبوع ما اطلع من البيت ولا اشوف احد ابد بس طورت نفسي وسويت هوياتي الي كنت احب وكل ما شفت صور عيالي وذكرياتنا قلت يسلام على ذاك الزمان. ولازم تفهمين الصغير لازم يصيح واذا صاح صياح دلع وهو مافيه شي طنشيه. وسبحي واذكري ربك وكثري من لاحول ولاقوه الابالله. ابليس حريص و يوهمك انك محتاجه هالادويه. انتي محتاجه تتقربين من الله و تنظمين نفسك

تذكرت نفسي كان عندي ثلاث ورى بعض مشت الايام وراحت والان اتمنى ترجع واستمتع معهم. بقولك وش سويت...