الغده تمنع الحلم

• ماعندي مشاكل بالحمل الحمدلله الا بس الوزن يابنات الله ينحفني يارب

اي نعم الوزن سبب منع الحمل سبحان الله...


يسبب تكيسات على المبايض..وتصير البويضات صغيره ما تتلقح.لاحظي نفسك اذا سويتي حميه ونزلتي كذا كيلو روحي سوي سونار لحجم المبايض في يوم 12 من الدورة.....سبحان الله تلاقين حجم البويضه يكبر ...واذا سمنتي يصغر الحجم...




لاتياسين وروحي لعيادة وخذي برنامج حميه ...كل اسبوع مراجعه...انتي شوفي الاسبوع الاول واضبطي الاكل...اذا نزلتي الكيلوات المحدده خلاص استمري على نظام الاسبوع الاول ...


اول شي مشاوير كل اسبوع صعب..وكل اسبوع يبي لك تروحين سوبر ماركت اغراض ثانيه....فالافضل استمري على نظام الاسبوع الاول ....لحد ماتنحفين وعليك بالمشي

الله ينحفك ويرزقك الحمل السليم وكل مسلمة

وليش تدوخين راسك بالرجيمات اللي نصها خرابيط وكلها تلعب في الهرمونات والصحه واول ماتتركينها يرجع الوزن وفوقه كم كيلو زياده مع تساقط شعر ونقص فيتامينات

من تجربتي الخاصه مافي افضل من انك تاكلين من اكل البيت اللي متعوده عليه

لكن قللي الكميه للنص

وعوضي النقص بالسلطات الخضرا والخضار اللي ماتسمن مثل كوسا قرنبيط بروكولي باذنجان

حتى الاجبان والالبان اذا قررتي تاكلينها قللي كميتها للنص

اما السكريات والمقالي مايحتاج اقول لك قللي منها واستبدليها بالمشاوي والمسلوق او المطبوخ بصلصه حمرا

والحلا خليه مره بالاسبوع والافضل قطعة شوكلاته غامقه صغيره او متوسطه عشان المزاج والنفسيه وماتحسين بالحرمان

واشربي مويه كثير طول اليوم


واهم شي الحركه ارقصي ناقزي نطنطي هرولي هزي جسمك سريع خلي قلبك يدق بسرعه ونفسك تلهثين كذا اعرفي ان جسمك بدأ يحرق

وعشان تتحمسين خذي قياسات محيط الصدر والبطن والخصر وبعد شهر قيسيها وبإذن الله بتلاحظين انك نقصتي ونفسيتك بتتحسن ومزاجك بيرتفع فوق وبتكملين النظام الصحي

اسأل الله العظيم ان يشرح صدرك وييسر امرك وان يرزقك بالذريه الصالحه