ابي انقذ بنتي واساعدها من الوضع الا تمر فيه .. فزعتكم بنات 😓

السلام عليكم
بنتي محيررررتني كثييير عمرها ١٤ سنه .. اعاني معاها من عدة مشاكل .. اولا كسوووله جدااا ماتتحرك ابدا دايم تكون جالسه او مستلقيه مافيها نشاط بالمررره وان تحركت ببطء شديد جدا .. لبسها ماتغيره هو نفسه تخليني اغسله وتلبسه كل يوم نفس الشكل ماااتفير شي فيها ابدا .. سبق وابوها رمى اللبس الا دايم تلبسه ضلت تبكي بحراااره وتصارخ وتزن علينا وتلومنا وتهذر تعععبتنا الحين واحد ثاني نفس الشي ماتحب تغير .. ماتهتم باللبس والتعديل مع انها جميله تقولي انها مو حلوه تشوف كل شي حولها سلبي ولا تشوف شي ايجابي مع انها عايشه افضل حياه .. حساسه جدا والكلمه الا تنقال لها بالغلط او بلحظة غضب ماتنساها ابدا وتضل تكرر علينا وتتذكر سواء كلمه او حركه ..غيوره جدااا .لما تجي من المدرسه ماتفصخ المريول ممكن لليل او لنص الليل والعبايه بعد ماتفسخها الا متأخر .. لما تمسك جوالها ماتتركه ممكن ١٢ساعه واكثر تنسى نفسها ابوها ماشرى لها جوال الا توه من اشهر وكونها دايم تتكلم عن البنات عندهم والحين كلشي بالمراسلات عشان تتواصل مع فصلها والبنات لكنها مو طبيعيه ماتمسكه باعتدال .. طول يومها ماسكه الجوال للعلم ماعندها خرابيط ابدا اشوفها ومتأكده كلها رسوم متحركه مادري شسمه نسيته تقولي هو اجزاء وعلى الواتس مع صديقتها الوحيده الا تشابهه في عدة امور .. دايم متضايقه وتشوف الحياه سودا ومع ان نسافر بين فترات ونفس الشي بطيئه جدا ماتتحرك تنام على الكنب ولا تسمع اذا نامت او تتعمد ماترد على احد .. في الحمام تجلس بالسااااعات ممكن ٥ او ٦ ساعات .. ماتحب تطلع ولا تشوف احد اذا بنطلع مشكله ماااتبي وتبرر ماتحب حتى تعزم صديقتها واذا جاو لي ضيوف ماتحب تقابل احد ..تحب الالوان الكاتمه .. المهم تعبت مرره ولا احد يلومني فيها احنا مرينا بمراحل وكنا نحااول معاها بشتى الطرق ولاختصار المشكله صعب اقول لكم بالتفصيل شنو تصرفنا وشنو تعاملنا معاها .. المهم الحين بعد كل المحاولات الا ماطلعنا بنتيجه سمعت عن مركز السلامه قلت اروح اجرب وعرضتها عند دكتور سلوك استغرب من وضعها وحولنا على نفسي .. رحت معاها اخذت مني كل شي عنها وبعدين تكلم معها لحالهم وقالت له كل شي .. بعدين دخلت وقالي ان وضعهم جدا غريب ولازم نسوي تحاليل من ضمنهم تحاليل الغده وغيره .. الا خوفني مررره ان قال تسوي اشعه على الدماغ 😰😰😰😔 قال ممكن فيها شي .. وهالاشعه نسويها في مستشفى ثاني لان ماعندهم وللان مارحت خفت ان يأثر الاشعه على راسها .. فيدوني الله يجزيكم خير هل يأثر ؟؟ ابي انقذ بنتي واخلصها من الوضع الا هي فيه ابي اشوفها طبيعيه مثل البنات ابيها ترتاح واحنا كذالك .. لكني خاايفه ان متابعتي مع الدكتور النفساني يرجع بالسلب عليها .. اخاف اولا من تأثير الاشعه على راسها .. اخاف اذا واصلنا معاه تزيد هي وان مايعرف يشخصها ١٠٠% .. اخاف واحس بتأنيب ضمير بعض الاوقات ان ممكن وضعها طبيعي وانا كبرت الموضوع وان هالشي بيضايقها وغيره .. للعلم باني هيأتها كثير قبل لا نروح قلت لها اي واحد معرض لمشكله واحنا لانا نحبك نبي نحل المشاكل الا تمرين فيها وغيره من الكلام الا هي بعدين تقبلت .. انا مالحأت لدكتور الا بعد معاناه سنوااات معاها وبعد محاولات عديده واستشارات ولا لقيت نتيجه .. بنات اتمنى تساااعدونا وتعطوني رايكم .. والله يجزيكم كل خير