ابي انقص من وزني بس مو قادره

عواطف تركي :

كل انواع الرجيم تنحف الجسم لكن اذا ماعندك اراده ولا استعداد انك تستمرين وتكملين على الاقل 6 شهور متواصله لا تتعبين نفسك وتفكرين تسوين رجيم لانك حتى لو سويتيه ونحفتي اول شهرين ثم رجعتي للاكل العادي بيرجع كل اللي خسرتيه وفوقه زياده اذا جاده في انك حابه تغيرين نمط حياتك وتجددين فيه وتنحفين في مقاسات جسمك انصحك بنظام الكيتو كثير طبقوه وراح نص وزنهم صارو انسان ثاني جديد كأنهم مسوين تكميم ويقولون ان الرجيم يسد النفس عن الحلويات وكثرة الاكل وطول اليوم تحسين انك شبعانه وماتفكرين بالاكل لان جسمك مايدخله سكر يرفع الانسولين ويخليك تحسين بالجوع السريع والحمدلله صرنا في زمان كثرت فيه الابتكارات والاختراعات اليوتيوب مليان وصفات مالذ وطاب من الاطعمه الكيتونيه ما كأنهم مسوين رجيم الخبز والمعجنات والتوست يسونها بطحين المكسرات مثل اللوز والسمسم وجوز الهند حتى البيتزا يسون عجينتها بالخضار والجبن او طحين اللوز والكبسات والمقلوبه يسونها بالقرنبيط المفروم كبديل للرز حتى اللزانيا يسون عجينتها من طحين المكسرات والاجبان والبيض ويفردونها رقيق ويشوونها بالفرن ثم يستخدمونها والكيك برضو يسونه بالكاكاو البودره وطحين اللوز وجوز الهند والبيض وسكر ستيفيا ياختي حتى الايسكريم يسوونه بمكونات من المسموحات بالكيتو السر في استمراريتهم برجيم الكيتو انهم مايحسون بالجوع ودايماً شبعانين وان بعضهم يجهزون الاكل مسبقاً كميه تكفي 3 أيام أو اسبوع ويحفظونه بالثلاجه عشان ما يتكاسلون وحتى اذا طلبو عشاء من المطاعم اوصال لحم او شيش طاووق او شاورما بالصحن يطلبون لليوم اللي بعده ويحفظونه بالثلاجه عشان مايكون لهم حجة بالتخبيص والكيتو مثل أي رجيم ثاني التجهيز المسبق للوجبات وحفظها بالثلاجه يشجعك تستمرين لان اكثر شي يخليك تخبصين انك لما تاكلين تجوعين بسرعه او نفسك تكون مفتوحه للحلا والموالح بسبب ارتفاع الانسولين ولا شعورياً تضعفين قدام المغريات وتاكلين لان ماعندك بديل صحي جاهز

كل انواع الرجيم تنحف الجسم لكن اذا ماعندك اراده ولا استعداد انك تستمرين وتكملين على الاقل 6 شهور...